ఆంధ్రప్రదేశ్ డీజీపీ గౌతం సవంగ్ బదిలీ అవ్వటం సంచలనం రేపుతుంది. జగన్ మోహన్ రెడ్డికి అత్యంత ప్రీతిపాత్రుడిగ ఉంటూ, ప్రతిపక్షాల పైన దా-డు-లు జరుగుతున్నా ఏ మాత్రం పట్టించుకోకుండా డ్యూటీ చేసిన గౌతం సవాంగ్ కూడా ఇప్పుడు బదిలీ అయ్యారు. కొత్త డీజీపీగా కసిరెడ్డి రాజేంద్రనాథ్ రెడ్డిని నియమించారు. ప్రస్తుతం ఇంటెలిజెన్స్ డీజీగా కసిరెడ్డి రాజేంద్రనాథ్ రెడ్డి ఉన్నారు. అయితే డీజీపీ బదిలీ వెనుక ఉన్న స్కెచ్ ఏమిటో అర్ధం కావటం లేదు. ప్రస్తుతం ఆయన్ను ఇంచార్జ్ డీజీపీగా నియమించారు. డీజీపీని నియమించాలి అంటే, ముగ్గురు పేర్లతో కేంద్ర ప్రభుత్వానికి పంపాల్సి ఉంటుంది. కేంద్ర ప్రభుత్వం ప్యానెల్ లో వాళ్ళు ముగ్గురు నుంచి ఒకరిని ఎన్నుకుంటారు. సహజంగా రాష్ట్ర ప్రభుత్వం ఎవరిని అంటే వారిని ఎన్నుకుంటారు. అయితే రాష్ట్ర ప్రభుత్వం ఇదేమీ చేయకుండా, ఇంచార్జ్ డీజీపీగా నియమించారు. తరువాత ప్యానెల్ కు పంపనున్నారు. ఇంత హడావిడిగా ఎందుకు చేసారు అనేది ఎవరికీ అర్ధం కావటం లేదు. నిన్న ప్రవీణ్ ప్రకాష్ బదిలీ, నేడు డీజీపీ బదిలీ వెనుక ఏమి జరిగింది, ఇంత నమ్మకమైన వాళ్ళని కూడా ఎందుకు జగన్ నమ్మటం లేదు అనేది చూడాలి.