ఆంధ్రప్రదేశ్ రాష్ట్రంలో దేవాలయాల పై జరుగుతున్న వరుస ఘటనలతో రాష్ట్ర ప్రభుత్వం తీవ్ర ఒత్తిడికి గురి అవుతుంది. రాష్ట్ర ప్రభుత్వంతో పాటుగా పోలీసులు కూడా, తీవ్ర ఒత్తిడిలో ఉన్నారు. దీనికి ప్రధాన కారణం జరుగుతున్న వరుస ఘటనలు. ఈ ఘటనల్లో దోషులను ఇప్పటి వరకు పట్టుకోక పోవటం ఒక ఎట్టు అయితే, ఎన్ని జాగ్రత్తలు తీసుకున్నాం అని చెప్తున్నా, ఎన్నో చేసాం అని చెప్తున్నా, ఈ ఘటనలు మాత్రం జరుగుతూనే ఉన్నాయి. దీంతో ఇన్నాళ్ళు వేచి చూసిన ప్రతిపక్షాలు కూడా ఆక్టివేట్ అయ్యాయి. ముఖ్యంగా 20 నెలలు ఇన్ని ఘటనలు జరిగినా ప్రభుత్వాన్ని వీటిని అరికట్ట మని చెప్పి చెప్పి విసుగు చెంది, చివరకు రామోలోరి తల తీసేసే దాకా వెళ్తే, ఇక తట్టుకోలేక చంద్రబాబు కూడా రంగంలోకి దిగారు. సహజంగా ఇలా మతాలూ, కులాలు జోలికి చంద్రబాబు రారు. కానీ జరుగుతున్న పరిణామాలు చూసి, ఆవేదన చెంది, 80 శాతం పైగా ఉన్న హిందువులు మనోభావాలు దృష్టిలో పెట్టుకుని చంద్రబాబు కూడా రామతీర్ధం పర్యటనకు వెళ్లారు. అయితే అప్పటి ఘటన జరిగి నాలుగు రోజులు పైన అయ్యింది. అప్పటి వరకు ప్రభుత్వం నుంచి ఎవరూ అటు వెళ్ళలేదు. ఇది ఒక్కటే కాదు, 140 ఘటనలు జరిగినా, ఎవరూ అటు వెళ్ళలేదు. అయితే చంద్రబాబు వస్తున్నారని తెలుసుకుని, ఆ కార్యక్రమాన్ని హైజాక్ చేసి, రచ్చ రచ్చ చేయటానికి విజయసాయి రెడ్డి ప్లాన్ చేసి, చంద్రబాబు కంటే ముందే అక్కడకు వచ్చారు. అసలు చంద్రబాబు ముందే సమచారం ఇచ్చి, పర్మిషన్ తెసుకుని వచ్చిన తరువాత కూడా, విజయసాయి రెడ్డికి పోలీసులు ఎలా పర్మిషన్ ఇచ్చారో అర్ధం కాలేదు.
ఇక ఆ రోజు జరిగిన ఘటన అందరికీ తెలిసిందే. అప్పటి నుంచి రాష్ట్రంలో దేవాలయాల పై జరుగుతున్న దాడుల అంశం దేశ వ్యాప్త చర్చ అయ్యింది. అయితే ఆ తరువాత రోజు బీజేపీ నేతలు, రెండు సార్లు రామతీర్ధం వెళ్తాం అని చెప్పినా, ప్రభుత్వం ఒప్పుకోలేదు. దీంతో రెండు సార్లు రచ్చ రచ్చ అయ్యింది. నిన్న బీజేపీ నేతలు సోమ్మసిల్లి పడిపోయే దాకా పరిస్థితి వచ్చింది. అయితే బీజేపీ నేతలు ఈ ఘటనను సీరియస్ గా తీసుకున్నారు, కేంద్రంలో తమ ప్రభుత్వమే ఉండటంతో ఫిర్యాదు చేసారు. రాజ్యసభ ఎంపీ జీవీఎల్ స్వయంగా ఈ విషయం చెప్పారు. తాను జరిగిన విషయం పై కేంద్ర హోం మంత్రి అమిత్ షా కు ఫోన్ చేసి చెప్పానని, ఆయన తగు చర్యలు తీసుకుంటారని చెప్పారు. అలాగే కేంద్ర హోం శాఖ సహాయ మంత్రి కిషన్ రెడ్డి, బీజేపీ నాయకులకు ఫోన్ చేసి వివరాలు తెలుసుకున్నారు. అయితే, కేంద్ర హోం శాఖ నుంచి, రాష్ట్ర పోలీసులకు ఫోన్ వచ్చిందని, ఈ విషయం పై పూర్తి నివేదిక సమర్పించాలని కోరినట్టు ప్రచారం జరుగుతుంది. అయితే రాష్ట్ర పోలీసు అధికారులు మాత్రం, తమకు కేంద్రం నుంచి ఎలాంటి ఫోన్ రాలేదని చెప్తున్నారు.