తొలిదశ పంచాయతీ ఎన్నికల నామినేషన్ల ఘట్టం విప్లవాత్మక మార్పుతోపూర్తయిందని, గతంలో ఎంపీటీసీ నామినేషన్లలలో 16 నియోజకవర్గాల్లో 85 శాతం కంటే ఎక్కువ ఏకగ్రీవాలు అయ్యాయని టీడీపీ ఎమ్మెల్సీ అశోక్ బాబు తెలిపారు. కానీనేడు అవే ప్రాంతాల్లో టీడీపీకి చెందిన సానుభూతిపరులు, మద్ధతుదారులు ఒక్కో పంచాయతీకి ఆరుగురువరకు నామినేషన్లు వేశారన్నారు. సోమవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. వైసీపీప్రభుత్వం బలవంతపు ఏకగ్రీవాలు చేయాలని, ఏకగ్రీవాల పేరుతోఇచ్చే సొమ్ముతో ప్రతిపక్షపార్టీలకు చెందిన మద్ధతుదారులను ప్రలోభపెట్టాలని చూస్తున్నారన్నారు. ఏకగ్రీవం అనేది పంచాయతీలోని పెద్దలంతా కలిసి తీసుకునే నిర్ణయమని, అందుకు విరుద్ధంగా ప్రభుత్వం బలవంతపు ఏకగ్రీవాలు చేయడానికి ప్రయత్నిస్తోందన్నారు. గతంలో ఎంపీటీసీ, జడ్పీటీసీ ఎన్నికలకు సంబంధించి నోటిఫికేషన్ వెలువడినప్పుడు, ప్రభుత్వం ఏఏప్రాంతాల్లోనైతే, బలవంతపు ఏకగ్రీవాలుచేసిందో, నేడు ఆయాప్రాంతాల్లో పంచాయతీఎన్నికలు జరగబోతున్నాయన్నారు. 3,251 పంచాయతీల్లో 20వేలు, 32వేలవార్డులకు 80వేల నామినేషన్లు పడటం జరిగిందన్నారు. ప్రజాస్వామ్యానికి ఇది మంచి శుభపరిణామమన్న అశోక్ బాబు, రాజకీయంగా, కక్షపూరి తంగా పంచాయతీ ప్రెసిడెంట్ పదవిని వాడుకోవాలని చూడటం వల్ల గ్రామాల్లో విద్వేషాలు, కక్షలు పెరుగుతాయన్నారు. ఏపీలో పంచాయతీ ఎన్నికల ఆరంభంతో నూతనశకం మొదలైందని, గతంలో ఎన్నికలువాయిదాపడటం, ఆనాడు ప్రభుత్వం వ్యవహ రించిన తీరుతో ప్రజల్లో చాలావరకు చైతన్యం వచ్చిందన్నారు.
ఇప్ప టికీ ప్రభుత్వం అనేకప్రాంతాల్లో సర్చంచ్ అభ్యర్థులుగా పోటీచేస్తున్న వారిని బెదిరించడం, ప్రలోభపెట్టడం వంటివి జరుగుతూనే ఉన్నాయన్నారు. రాష్ట్రప్రభుత్వ నిర్వాకం కారణంగా పంచాయతీలకు చెందాల్సిన దాదాపు రూ.5 వేలకోట్లు సొమ్ము రంగులపాలైందన్నారు. సర్పంచ్ ల పాలన పల్లెల్లో మొద లైతే, ప్రభుత్వం రంగులకు ఖర్చుచేసిన నిధులపై వారు ఎక్కడ తమను నిలదీస్తారోననే భయం ప్రభుత్వానికి ఉందన్నారు. పంచాయతీల్లో సర్పంచ్ ల పాలన ప్రారంభమైతే, 14వ, 15వ ఆర్థిక సంఘం నిధులను ప్రభుత్వం ఇష్టమొచ్చినట్లు వాడుకోవడం కుదర దు కాబట్టే, నేడు పాలకులు ఏకగ్రీవాలను తెరపైకి తీసుకొచ్చారని అశోక్ బాబు స్పష్టంచేశారు. నామినేషన్లు చించేయడం వంటి ఘటనల దృష్ట్యా, ఆన్ లైన్లో నామినేషన్లుసమర్పించేలా చర్యలు తీసుకోవాలని కూడా తాము ఎస్ఈసీకి విజ్ఞప్తిచేశామన్నారు. కేంద్రప్రభుత్వ బలగాలు, రాష్ట్రంలోని ఆర్మ్ డ్ రిజర్వ్ బలగాల సాయంతో గుంటూరులోని పల్నాడు, రాయలసీమప్రాంతాల్లో ఎన్నికలు జరిగేలా చూడాలని కోరామన్నారు. గతంలో ఎంపీటీసీలు, జడ్పీటీసీలు ఎక్కడైతే ప్రభుత్వం ఏకగ్రీవాలకు పాల్పడిందో, ఆయాప్రాంతాల్లో నేడు టీడీపీ తరుపున, నామినేషన్లువేసిన వారందరికీ కృతజ్ఞతలు చెబుతున్నా మన్నారు. ఎవరైతే పంచాయతీ కోసం పాటుపడతారో, వారంతా గెలిచి వారి గ్రామాలను అభివృద్ధిచేసు కోవాలని టీడీపీ తరుపున విజ్ఞప్తిచేస్తున్నామన్నారు. పల్లెల్లో ప్రజలు నిజాయితీగా పనిచేసేవారికే ఓటువేయాలన్నారు.