అసలు సర్కారీ బడి అంటే ఎలా ఉంటుంది...మొండిగోడలు...పెచ్చులూడే భవనాలు...అరకొర సదుపాయాలు...వసతుల లేమి...ఉపాధ్యాయుల లేమి...ఇవీ సాధారణంగా ఏ ప్రభుత్వ పాఠశాలను చూసినా కనిపించే సమస్యలు...కానీ వీటన్నింటికీ భిన్నంగా ఆంధ్రప్రదేశ్ లోని పాఠశాలలు నెమ్మదిగా, సకల సౌకర్యాలతో...సమస్త సదుపాయాలతో పెద్ద పెద్ద కార్పొరేట్ సంస్థలుగా మారుతున్నాయి... ఇప్పటికే డిజిటల్ తరగతులతో ఒక విప్లవం సృష్టించిన ప్రభుత్వం, ఆ ఫలితాలతో, పిల్లలకు మంచి మార్కులు వచ్చేలా కూడా చేస్తుంది.. దీంతో సామాన్య ప్రజలకు కూడా ప్రైవేటు స్కూల్స్ కాకుండా, మళ్ళీ ప్రభుత్వ స్కూల్స్ వైపు వచ్చేలా ప్రయత్నాలు చేస్తున్నారు.. ప్రైవేటు స్కూల్స్ దీటుగా, మేము కూడా చదువు చెప్తున్నాం అంటూ, ప్రభుత్వ స్కూల్స్ కూడా ప్రచారం చేస్తున్నాయి.
విశాఖపట్నంలో ఒక ఆసక్తికర పరిణామం కనిపించింది. పదో తరిగతి ఫలితాలు వస్తే చాలు, కార్పొరేట్ స్కూల్స్ హడావిడి ఏంటో చూస్తున్నాం... తమ స్టూడెంట్స్ కు జీపీఏ వివరాలతో ప్రచారాన్ని హోరేత్తిస్తారు.. అయితే ఇప్పుడు, మంచి ఫలితాలు సాధించిన ప్రభుత్వ స్కూల్స్ కూడా కార్పొరేట్ స్కూల్స్ తరహాలోనే ప్రచారాన్ని చేస్తున్నాయి. గత విద్యా సంవత్సరంలో పదో తరగతి పరీక్షలో తమ విద్యార్ధులు సాధించిన జీపీఏ వివరాలతో విశాఖపట్నంలోని చంద్రంపాలెం జిల్లా పరిషత్తు ఉన్నత పాఠశాల యాజమాన్యం ఒక పెద్ద ఫ్లెక్షి ఏర్పాటు చేసింది.. ఇది చూసిన ప్రజలు ప్రభుత్వ విద్యా వ్యవస్థలో వచ్చిన మార్పు చూసి ఆశ్చర్యపోతున్నారు...
అలాగే కాజులూరులో కూడా, ఒక మండల ప్రజా పరిషత్ ప్రాధమిక పాఠశాల ఎదురుగా, ప్రభుత్వ స్కూల్స్ లో చేర్చమంటూ ఉన్న ఫ్లెక్షి ఆకట్టుకుంటుంది. ఆ గట్టునేమో, ఇరవై వేల ఖర్చు అంటూ, ప్రైవేటు స్కూల్స్ లో అయ్యే ఖర్చు అంతా వేస్తూ, మరో పక్క, ఈ గట్టునెమో నాణ్యమైన విద్య అంటూ, ప్రభుత్వ స్కూల్స్ లో అన్నీ ఫ్రీ గా ఇస్తారు, నాణ్యమైన విద్య కూడా ఉంటుంది అంటూ, వేసిన ఫ్లెక్స్ కూడా ఆకట్టుకుంది. ఒక పధ్ధతి ప్రకారం, గత రెండేళ్లుగా ప్రభుత్వం, గోవేర్నేమేంట్ స్కూల్స్ విషయంలో చాలా మార్పులు తీసుకువస్తుంది. ఇంగ్లీష్ మీడియం, డిజిటల్ క్లాసులు, సమస్త సదుపాయాలతో, ప్రైవేటు స్కూల్స్ కి ధీటుగా తీర్చి దిద్దితూ, గాడిన పెడుతూ, మంచి ఫలితాలు సాధిస్తున్నారు... ఇవన్నీ చూస్తుంటే ఈ మధ్య వచ్చిన సినిమాలో సీన్ గుర్తు వస్తుంది కాదా... అది సినిమా, ఇది చంద్రబాబు పరిపాలన...