సొంత పార్టీ ఎంపీ ర‌ఘురామ‌కృష్ణంరాజుపైన సోష‌ల్మీడియా వేదిక‌గా యుద్ధ‌మే ప్ర‌క‌టించింది వైసీపీ. అధిష్టానంతో గ్యాప్ రావ‌డంతో విధాన‌ప‌ర‌మైన నిర్ణ‌యాల‌ను విమ‌ర్శించాడ‌ని ఏకంగా సీఐడీని పుర‌మాయించి క‌స్టోడియ‌ల్ టార్చ‌ర్ చేశారు. మ‌రోవైపు ఎంపీ అని చూడ‌కుండా సోష‌ల్మీడియా వేదిక‌గా ర‌ఘురామ‌కృష్ణంరాజు (ఆర్ఆర్ఆర్)ని విగ్గురాజు, పెగ్గు రాజు అంటూ వైసీపీ సోషల్ మీడియా ఇన్చార్జి గుర్రంపాటి దేవేంద‌ర్ రెడ్డి పోస్టులు పెట్ట‌డం చేసేశాడు. ఎంపీ ఫోన్ నెంబ‌ర్ షేర్ చేసి ఎవ్వ‌రూ ఫోన్ చేసి తిట్టొద్దంటూ లంఫెన్ గ్యాంగుల‌ని వ‌దిలేవాడు. అప్ప‌ట్లో గుర్రంపాటి దేవేంద‌ర్ రెడ్డి ఏపీ డిజిట‌ల్ కార్పొరేష‌న్‌ డైరెక్ట‌ర్ కూడా. త‌న‌పై సోషల్ మీడియాలో అసభ్యంగా పోస్టులు పెడుతున్న గుర్రంపాటి దేవేంద‌ర్ రెడ్డి తన పదవిని దుర్వినియోగం చేస్తున్నారని చర్యలు తీసుకోవాలని లోకాయుక్తకు ఎంపీ ఆర్ఆర్ఆర్ ఫిర్యాదు చేశారు.
లోకాయుక్త కేసు నేప‌థ్యంలో ఎంపీ ర‌ఘురామ‌కృష్ణంరాజుపై అనుచిత వ్యాఖ్యలు చేశానని తప్పయిపోయిందని… ఇంకెప్పుడు అలా అనని గుర్రంపాటి దేవేంద‌ర్ రెడ్డి లిఖిత పూర్వకంంగా రాసిచ్చారు. లోకాయుక్త గుర్రంపాటి దేవేంద‌ర్ రెడ్డి క్ష‌మాప‌ణ‌ని ఎంపీ ర‌ఘురామ‌కృష్ణంరాజుకి పంపారు. ఆర్ ఆర్ ఆర్ నుంచి ఎటువంటి స‌మాధానం రాక‌పోయేస‌రికి ఈ కేసుని ముగిస్తున్న‌ట్లు లోకాయుక్త ప్ర‌క‌టించింది.