నిన్నటి నుంచి ఈ ఫోటో సోషల్ మీడియాలో హాల్ చల్ చేస్తుంది. మరీ ముఖ్యంగా టిడిపి శ్రేణులు ఈ ఫోటోని విపరీతంగా షేర్ చేస్తున్నాయి. ఈయన పేరు జి.వెంకట్ రెడ్డి. ప్రముఖంగా టీవీ చర్చల్లో కనిపిస్తూ ఉంటారు. మంచి నాలెడ్జ్ తో పాటుగా, మంచిగా మాట్లాడతారు కుడా. జీవీ రెడ్డి చార్టెడ్ అకౌంటెంట్. ప్రస్తుతం కాంగ్రెస్ పార్టీలో అధికార ప్రతినిధిగా ఉన్నారు. నల్లారి కిరణ్ కుమార్ రెడ్డి, తులసి రెడ్డి లాంటి నాయకుల ప్రోత్సాహంతో, ఇంత దూరం వచ్చారు. అయితే గత వారం జీవీరెడ్డి తెలుగుదేశం పార్టీ అధినేత చంద్రబాబుని కలిసారు. ఆయన కాంగ్రెస్ పార్టీని వీడి, టిడిపిలో చేరుతున్నారు అంటూ పెద్ద ఎత్తున ప్రచారం జరిగింది. ఈ నెల 21న ఆయన టిడిపిలో చేరనున్నారు. అయితే ఇక్కడ వరకు బాగానే ఉన్నా, నిన్నటి నుంచి టిడిపి శ్రేణులు, జీవీ రెడ్డి, చంద్రబాబుతో కలిసి దిగిన ఫోటోలు షేర్ చేస్తూ, వివిధ కామెంట్స్ చేసారు. అందులో ముఖ్యమైనది, టిడిపి పై ఎంత కుల ముద్ర వేయాలని వైసీపీ చూసినా, రెడ్డి సామాజిక వర్గానికి చెందిన జీవీ రెడ్డి, టిడిపిలో చేరుతున్నారు అంటే, రాష్ట్ర ప్రగతి పట్ల చంద్రబాబు గారికి ఉన్న నిబద్ధత కారణం అని, కులం అనేది కేవలం ప్రచారం అని కొట్టి పారేస్తున్నాయి. అలాగే సిఏ చదివిన జీవీ రెడ్డి లాంటి చదువుకున్న వారి, వైసీపీ లాంటి పార్టీలోకి ఎప్పుడూ వెళ్లరు అని కూడా కామెంట్లు పెట్టారు.