ఆంధ్ర‌ప్ర‌దేశ్ లో వైసీపీ పాల‌న ఆరంభం విధ్వంసంతో మొద‌లైంది. ప్రజావేదిక కూల్చివేత‌తో మొద‌లైన పాల‌న అడ్డ‌గోలు జీవోలు, రాజ్యాంగ వ్య‌తిరేక నిర్ణ‌యాల‌తో కోర్టుల‌కెక్కుతోంది. ప్ర‌భుత్వం నిర్ణ‌యాల‌కు సంబంధిత‌శాఖ ఉన్న‌తాధికారులు బాధ్యుల‌వుతున్నారు. కోర్టు విచార‌ణ‌లో త‌ర‌చూ ఐఏఎస్, ఐపీఎస్‌లు, ఉన్న‌తాధికారులు కోర్టు ముందు దోషులుగా నిల‌బ‌డాల్సి వ‌స్తోంది. ప్ర‌భుత్వ పాల‌నా అధికార యంత్రాంగానికి బాస్ అయిన చీఫ్ సెక్ర‌ట‌రీ ఇటీవ‌ల కోర్టు బోనులోకి వచ్చి నిలుచున్నారు.. తాజాగా మ‌రో ఇద్దరు సీనియర్ అధికారులు ఐఏఎస్ బుడితి రాజశేఖర్, ఐఆర్‍ఎస్ రామకృష్ణ బోనులో దోషులుగా నిలిచారు. స‌ర్వీస్ అంశాలలో కోర్టు ధిక్కరణ పిటిషన్‍లో హైకోర్టుకు వచ్చి ఇద్దరు అధికారులు క్ష‌మాప‌ణ‌లు చెప్పారు. అధికారులు క్షమాపణ చెప్ప‌డంతో తీర్పును హైకోర్టు స‌వ‌రించింది. ఇద్దరు అధికారులు సాయంత్రం వరకు కోర్టులో నిలబడాలని హైకోర్టు ఆదేశించింది.