నోటికి ఏది వస్తే అది మాట్లాడటం, బురద చల్లటం, విమర్శలు చేయటం అనేది వైసీపీకి బాగా అలవాటు. అందులో నిజం ఉందా, లేదా, వాస్తవం ఎంత అనేది చూడరు. బురద చల్లటమే కావాలి. ప్రతిపక్షంలో ఉన్నప్పుడు కానీ, అధికార పక్షంలో కానీ, కేవలం బురద చల్లటం మీదే పనిగా పెట్టుకున్నారు. ముఖ్యంగా చంద్రబాబు, లోకేష్, వీళ్ళు నడుపుతున్న హెరిటేజ్ పైన కూడా బురద వేసారు. అయితే చంద్రబాబు, లోకేష్ అంటే రాజకీయంగా పడతారు కానీ, వందలాది మంది ఇన్వెస్టర్స్, ఖాతాదారులు, రైతులు ఉన్న హెరిటేజ్ అనే లిస్టెడ్ కంపెనీని అంటే ఎందుకు పడతారు ? అందుకే ఇలాగే లూజ్ మాటలు మాట్లాడిన వైసీపీ నేతల పై పరువు నష్టం కేసు వేసారు. అయితే ఈ రోజు ప్రజాప్రతినిధుల కోర్టులో, హెరిటేజ్ వేసిన పరువునష్టం కేసు పై విచారణ జరిగింది. వైసిపీ మంత్రి కన్నబాబు, అంబటి రాంబాబు విచారణకు గైర్హాజరవడంతో, ఇద్దరి పైన నాన్ బెయిలబుల్ వారంట్ అమలు చేయాలని కోర్టు ఆదేశాలు ఇచ్చింది. ఈ విచారణను అక్టోబర్ 7కు వాయిదా వేసింది ప్రజాప్రతినిధుల కోర్టు.