జగన్ జన్మదినం సందర్భంగా వైసిపి లోని అంతర్గత విబేధాలు మరోసారి బయటపడ్డాయా ?. మంగళగిరి ఎమ్మెల్యే ఆర్కే జగన్ బర్త్ డే సందర్భంగా రిలీజ్ చేసిన ఒక పోస్టర్ ఇప్పుడు వైసిపి లో ప్రకంపనలు సృష్టిస్తోంది. గత కొంత కాలంగా అధిష్టానం పై అసంతృప్తిని అనేక రూపాల్లో తెలియజేస్తున్నారు ఆర్కే. తన వాట్స్ ప్ ప్రొఫైల్ పిక్ గా జగన్ ఫోటో తీసి షర్మిల ఫోటో పెట్టుకోవడం అది కాస్త వైరల్ కావడం విదితమే. అంతే కాకుండా తరచూ హైదరాబాద్ వెళ్లి షర్మిల ఆమె భర్త అనిల్ లో పలుమార్లు రహస్య భేటీలు కూడా నిర్వహించారు ఆర్కే. ఇప్పుడు తాజా గా ఆయన చేసిన మరో పని వైసిపి లో తీవ్ర చర్చకు దారితీసింది. జగన్ బర్త్ డే సందర్భంగా రిలీజ్ చేసిన పోస్టర్ లో పార్టీ కి దూరంగా, జగన్ పూర్తిగా దూరం పెట్టిన షర్మిల, విజయమ్మ ఫోటోలు వెయ్యడం, భారతి ఫోటో లేకుండా పోస్టర్ లేకుండా ఈ ఫోటో ఉండటం ఇప్పుడు చర్చకు దారి తీసింది.
Advertisements