జగన్ మోహన్ రెడ్డి ఉన్నట్టు ఉండి ఢిల్లీ వెళ్తున్నారు అనే వార్త నిన్న చక్కర్లు కొట్టింది. సాయంత్రానికి నిజమే అంటూ అధికారిక ప్రకటన కూడా విడుదల అయ్యింది. రేపు జగన్ ఢిల్లీ వెళ్లి ప్రధాని మోడీతో కలుస్తారని, ఈ రోజు సాయంత్రం ఢిల్లీ వెళ్తారని, విభజన హామీలు, ప్రత్యేక హోదా పై మేడలు వంచేస్తారని వైసీపీ ఇస్తున్న బిల్డ్ అప్. కానీ నిజానికి లోపల ఏమి జరుగుతుందో ఏపి మొత్తం తెలుసు. అయితే జగన్ చేస్తున్న ఈ ఆకస్మిక ఢిల్లీ పర్యటన వెనుక రాజకీయం ఉందా ? అప్పు కోసం వెళ్తున్నారా ? ఇలా అనేక వార్తలు వస్తున్నాయి. అప్పు పుట్టక, జీతాలు కూడా ఇవ్వలేని పరిస్థితి ఉండటంతో, మరింత అప్పు కోసం అనుమతి ఇవ్వాలని జగన్ వెళ్తున్నారని చెప్తున్నారు. అయితే, మరో విషయం కూడా ప్రచారంలో ఉంది, అసెంబ్లీ రద్దు చేసి ముందస్తు ఎన్నికలకు వెళ్తారని, అందుకు ప్రణాళికలు సెట్ చేసుకోటానికి ఢిల్లీ వెళ్తున్నారని చెప్తున్నారు. ఇదే సందర్భంలో తెలుగుదేశం, బీజేపీకి దగ్గర అవుతున్నారనే వార్తలు వస్తూ ఉండటంతో, దానిని చెడగొట్టే ప్లాన్ కూడా జగన్ వేసారని, అవసరం అయితే బీజేపీకి ఎంపీ స్థానాలు వదిలేసే విషయం పై కూడా జగన్, మోడీ ముందు ఒక ప్రపోజల్ పెట్టే అవకాసం ఉందని పొలిటికల్ సర్కిల్స్ లో చర్చ జరుగుతుంది. మొత్తానికి జగన్ ఢిల్లీ వెళ్తుంది మాత్రం రాజకీయ యాత్రకే.