ఆంధ్రప్రదేశ్ ప్రభుత్వం ఏం చేసినా, దానిని తప్పుగా చూసే ప్రతిపక్ష వైకాపా ఇప్పుడు ఒక ప్రశ్నకి సమాధానం చెప్పలేక తలపట్టుకుంటుంది... ఇదే జగన్ ఆగ్రహానికి కారణం అయ్యింది. తాము చేసింది తప్పు అయినా సరే దానిని పట్టించుకోని వైకాపా, ప్రభుత్వం సరైన విధానంలో వెళ్తున్నా దానిని తప్పుగా చూస్తూ ఉంటుంది... అది పట్టిసీమ అయినా ఇటీవల కోర్ట్ లో కేసు వేసిన ఫైబర్ గ్రిడ్ అయినా సరే...
పట్టిసీమని వ్యతిరేకించిన వైకాపా ఆ తర్వాత రైతుల మద్దతు చూసి నిమ్మకుండిపోయింది.. తాజాగా ఫైబర్ గ్రిడ్ ప్రాజెక్ట్ విషయంలో మంగళగిరి ఎమ్మెల్యే ఆళ్ళ రామకృష్ణా రెడ్డి వేసిన కేసుని హైకోర్ట్ కొట్టేసింది... ఆ కేసులో ఆళ్ళ ఆరోపణ ఒక్కసారి చూస్తే నవ్వురాక మానదు.. " ప్రభుత్వం ప్రచార సాధనాల రంగంలోకి రావడం అనేది చట్టవిరుద్దమని పేర్కొన్నారు.
దీనిపై ఆళ్ళని ప్రశ్నించిన హైకోర్ట్ " ప్రభుత్వం ఈ రంగంలోకి రావడం చట్టవిరుద్దమని ఏ చట్టంలోనూ పేర్కొనలేదని చెప్పింది... మరి ఆళ్ళ ఆరోపించిన దాని ప్రకారం చూస్తే త్వరలోనే సాక్షి ఛానల్ ని కూడా మూసెయ్యాలి. వచ్చే రెండేళ్లలో అధికారంలోకి వస్తామని చెప్పే జగన్ అధికారంలోకి రాగానే సాక్షి ఛానల్ ని కూడా మూసేస్తామని ప్రకటిస్తే బాగుంటుందని తెలుగుదేశం ఎద్దావా చేస్తుంది.
సరిగ్గా ఇదే విషయం జగన్ దాకా చేరటంతో, లండన్ నుంచి రాగానే, ఆళ్ళకు క్లాసు పీకాడంట జగన్... ఇంత దూకుడు పనికిరాడు, కొంచెం స్లో అవ్వు అన్నారంట... సరైన హోం వర్క్ లేకుండా కేసులు వేసి, కోర్ట్ లలో బోల్తా పడటం, పార్టీకి చెడ్డ పేరు తీసుకురావటమే కాకుండా, ఈ విషయంలో మనకు "సాక్షి" ఉంది అని మర్చిపోయావా అని ఆళ్ళని లెఫ్ట్ అండ్ రైట్ వాయించాడు జగన్. ఇలాంటి విషయాలు ముందుగా విజయసాయితో కాని, ప్రశాంత్ కిషోర్ తో కాని చర్చించి, అప్పుడు కేసులు వెయ్యమన్నాడంట.
అయితే ఇక్కడ అసలు విషయం వేరే ఉంది అంటున్నారు... ఈ మధ్య సదావర్తి భూముల్లో ఆళ్ళకి కొంచెం అనుకూలంగా తీర్పులు రావటంతో, అతను ఇటు వైకాపా పార్టీలో, అటు మీడియాలో హాట్ టాపిక్ అయ్యాడు... స్వతహగా, తనకంటే ఎవరైనా హైలైట్ అయితే జగన్ తట్టుకోలేడు అనే అపవాదు ఉంది... తాజాగా రోజా ఉదంతం కూడా ఒక ఉదాహరణ... రోజాకి ఓవర్ హైప్ రావటంతో, రోజా అసలు మీడియా ముందుకు రాకుండా చేశాడు జగన్... ఇప్పుడు ఆళ్ళ కూడా మీడియాలో హైలైట్ అవ్వటంతో జగన్ తట్టుకోలేకపోతున్నాడని, అందుకే ఆళ్ళ మీద ఇలా రివెంజ్ తీసుకున్నాడని అంటున్నాయి పార్టీ వర్గాలు...