ఆంధ్రప్రదేశ్ ప్రజల సెంటిమెంట్ పట్టటం లేదు... ఏపి ప్రజల మూడ్ అర్ధం కావటం లేదు.. ప్రతి సారి లాగే, ఈ సారి కూడా ప్రజల నాడి పట్టటంలో జగన్ మోహన్ రెడ్డి ఫెయిల్ అయ్యారు. తినే తిండిని పెంటతో పోల్చిన వ్యక్తికి సలాం కొడుతూ, ఆంధ్రా వాడి ఆత్మగౌరవాన్ని కేసీఆర్ కాళ్ళ దగ్గర పెట్టాడు జగన్. పదే పదే కేసీఆర్ ను పొగుడుతూ, ఏపి ప్రజల సెంటిమెంట్ తో నాకు పని లేదు అంటున్నారు. తాజగా జాతీయ మీడియాకు ఇచ్చిన ఇంటర్వ్యూ లో కూడా ఇవే వ్యాఖ్యలు చేసారు. మోదీ, కేసీఆర్‌పై వైసీపీ అధినేత జగన్ తన మనసులో మాటను బయటపెట్టారు. ఏపీ ఎన్నికల వేళ జాతీయ మీడియాకు జగన్ ప్రత్యేక ఇంటర్వ్యూ ఇచ్చారు. ఈ సందర్భంగా సదరు జర్నలిస్ట్‌తో జగన్ మాట్లాడుతూ... మోదీ దృఢ చిత్తం ఉన్న నాయకుడని, మళ్లీ ఆయనే ప్రధాని అయ్యే అవకాశాలు కన్పిస్తున్నాయని వ్యాఖ్యానించారు.
ఏపీకి ప్రత్యేక హోదా ఇస్తామన్న కాంగ్రెస్‌ మేనిఫెస్టోపై జగన్ నోరు మెదపకపోవడం కొసమెరుపు. రాహుల్‌ అమేథీలో ఓడిపోతారేమో, అందుకే దక్షిణాది నుంచి పోటీ అని జగన్ చేసిన వ్యాఖ్యలు హాట్ టాపిక్‌గా మారాయి. కేసీఆర్‌కు జగన్ ప్రత్యేకంగా కృతజ్ఞతలు తెలిపారు. ఏపీ కోసం కేసీఆర్ ఆలోచిస్తున్నారని జగన్ వ్యాఖ్యానించారు. ప్రత్యేక హోదా కోసం కేసీఆర్ మద్దతిస్తున్నారని, ఆ మద్దతు ఏపీకి అత్యవసరమని జగన్ చెప్పారు. జగన్ మనసులో మాట బయటపెట్టారని జాతీయ మీడియా కామెంట్‌ చేస్తుండటం విశేషం. కేసీఆర్ ప్రత్యేక హోదాకు మద్దతిస్తానంటే ఎందుకు అభ్యంతరం? కేసీఆర్‌ను అభినందించాల్సింది పోయి.. చంద్రబాబు సిగ్గులేని ఆరోపణలు చేస్తున్నారంటూ జగన్ అన్నారు.
"మా మధ్య ప్రజల ఉమ్మడి ప్రయోజనాలున్నాయి. జాతీయ స్థాయిలో మేం కోరుకునేదేమిటంటే మా మొర ఆలకించడానికి, మా వినతులు పట్టించుకోవడానికి ఎవరో ఒకరుండాలి. పార్లమెంటు సాక్షిగా హామీ ఇచ్చిన ప్రత్యేక హోదాను ఇవ్వక పోతే ఇక ప్రజాస్వామ్యం ఎటు పోతుందనుకోవాలి? మాకు మద్దతు ప్రకటించిన కేసీఆర్‌కు కృతజ్ఞతలు. ఫెడరల్‌ ఫ్రంట్‌ తో కలిసి పోరాడతాం" అంటూ సంచలన వ్యాఖ్యలు చేసారు. అయితే, ప్రజల సెంటిమెంట్ ఏ మాత్రం పట్టించుకోకుండా, కేవలం కేసీఆర్ కు భయపడి, ఇలా భజన చేస్తున్నారని, ప్రజలు అనుకుంటున్నారు.