తాను ఏమి చెప్తే అది వినే, వైఎస్ జ‌గ‌న్ మోహ‌న్ రెడ్డి ఏపీ ముఖ్య‌మంత్రిగా వుండ‌టం తెలంగాణ‌లో కేసీఆర్ కి చాలా ముఖ్యం. ఏపీ ప్ర‌యోజ‌నాలు కాల‌ద‌న్నీ మ‌రీ తెలంగాణ‌కి మేలుచేసే సీఎం జ‌గ‌న్ మ‌ళ్లీ సీఎం కావాల‌న్న‌దే కేసీఆర్ ఆశ‌యం. అయితే ఆంధ్ర‌ప్ర‌దేశ్‌లో ప‌రిస్థితులు అంత ఆశాజ‌న‌కంగా లేవు. జ‌గ‌న్ పాల‌న‌పై జ‌నం వ్య‌తిరేక‌త తీవ్రం అవుతోంది. త‌న కీలుబొమ్మ జ‌గ‌న్ రెడ్డిని కాపాడాలంటే ప్ర‌భుత్వ వ్య‌తిరేక ఓటుని చీల్చాల్సిన అవ‌స‌రం ఉంద‌ని కేసీఆర్ త‌ల‌పోశారు. ఆంధ్ర‌వాళ్ల‌ను రాక్ష‌సులు అంటూ ఆడిపోసుకున్న కేసీఆర్ టీఆర్ఎస్ పేరుతో ఆంధ్ర‌లో ఓట్లు చీల్చ‌డం కాదు క‌దా అభ్య‌ర్థుల్ని కూడా పెట్ట‌లేడు. అందుకే తెలంగాణ రాష్ట్ర స‌మితి కాస్తా, భార‌త రాష్ట్ర స‌మితిగా మార్చేశారు. ఈ దుకాణం తెలంగాణ దాట‌దు అని అంద‌రికీ తెలుసు. కానీ తాము చెప్పిన‌ట్ట‌ల్లా ఆడే జ‌గ‌న్ ఏపీలో ఓడిపోకూడ‌దంటే ఇక్క‌డి ప్ర‌భుత్వ వ్య‌తిరేక‌త ఓటు ఎంతో కొంత చీల్చాలి. టిడిపిది సాలిడ్ ఓటింగ్‌. అది పెర‌గ‌డ‌మే త‌ప్పించి త‌ర‌గ‌దు. టిడిపితో జ‌న‌సేన అల‌యెన్స్ కుదిరితే, ఏపీలో ఎదురులేని విజ‌యం త‌థ్యం. జ‌న‌సేన‌కి ఎక్కువ‌శాతం కాపు ఓట్లు ప‌డ‌తాయి. ఆ ఓట్ల‌ని చీల్చాలంటే కాపు నేత‌ల‌కే గాలం వేయాల‌నేది వైసీపీ బీఆర్ఎస్ కి ఇచ్చిన రోడ్ మ్యాప్‌. అందుకే బీఆర్ఎస్ ఏపీ శాఖ‌లో ఇప్పుడు చేరింది, ఇక‌పై చేరేది కూడా ఎక్కువ‌గా కాపునేత‌లేన‌ని తెలుస్తోంది.