మనం చేసేది సరైనది... మనం వెళ్లే మార్గం సక్రమమైనది, ఎదుటివాడు చేసేది మాత్రం తప్పు, అని నిత్యం భావించే వాళ్లలో ఆంధ్రప్రదేశ్ ప్రతిపక్షం వైకాపా నాయకులు ఎక్కువగా ఉంటారు... వారు వెళ్లే మార్గం సరైనది కాకపోయినా ఎదుటి వాడు మంచి చేస్తున్నా వితండవాదంతో ముందుకు వెళ్లడం వారికి వెన్నతో పెట్టిన విద్య అనేది అందరికి తెలిసిన విషయమే... ఇప్పుడు రాజధాని భవనాల సూచనల విషయంలో ప్రముఖ దర్శకుడు రాజమౌళి ఇచ్చిన "తెలుగు తల్లి" కాన్సెప్ట్ అందరకీ నచ్చింది... కాని, మన ప్రతి పక్ష నాయకుడు జగన్ మాత్రం వేరేది తలిచారు... ప్రజలందరకీ నచ్చింది, ఈయనకు ఎందుకు నచ్చుతుంది..
అయినా ఇదేమన్నా చంద్రబాబు సొంత వ్యవహారమా... అది అమరావతి... ప్రతి ఒక్క ఆంధ్రుడికి సంబంధించిది... రాష్ట్ర ప్రభుత్వం అంటే ప్రజలది, చంద్రబాబు సొంతం కాదు, అని జగన్ ఎందుకు గ్రహించ లేక పోతున్నారో... ఇప్పుడు రాజధాని విషయంలో, రాజమౌళి అద్భుతమైన కాన్సెప్ట్ ఇవ్వటంతో, జగన్ లో ఉన్న అపరచితుడు బయటకి వచ్చాడు... రాజమౌళిని ఎలా అయినా ప్రజల్లో చులకన చెయ్యాలి అనే ఉద్దేశంతో, ప్రభుత్వం రాజమౌళి దర్శకత్వంతో ఎదో షార్ట్ ఫిలిం చేస్తుంది అనే ప్రచారం చేస్తున్నారు... ఇదే విషయం జగన్, తన పాదయాత్రలో కూడా ప్రచారం చేస్తూ, రాజమౌళి మీద విషం చిమ్ముతున్నారు...
అమరావతిలో ఓ ఇటుక కూడా వేయని చంద్రబాబు దాని పై సినిమా తీయమని ఓ దర్శకుడుని పిలిచారని జగన్ కామెంట్ చేశారు. ఆ సినిమాలో తన పాత్ర , నారాయణ పాత్ర బాగా వుండాలని కూడా చంద్రబాబు కోరినట్టు జగన్ అన్నారు. చంద్రబాబు ఏమీ చేయకపోయినా ఈ యాక్టర్లు, దర్శకులు భలే చేస్తున్నారని మనలను నమ్మిస్తారు అని జగన్ చేసిన కామెంట్స్ తో రాజమౌళిని ప్రజల్లో చులకన చేసే ప్రయత్నం చేస్తున్నారు... రాజమౌళి ఇప్పటికే, రాజధాని డిజైన్ ల విషయంలో నా పాత్ర చాలా పరిమతం అని చెప్పారు.. రామసేతు నిర్మాణంలో ఉడత సాయం లాంటి సాయం అని చెప్పినా, జగన్ మాత్రం రాజమౌళిని ఏకంగా పాదయాత్ర మీటింగ్ లలో చెప్తూ దిగజారుతున్నారు..