చాలా స‌డెన్ గా ముఖ్య‌మంత్రి వైఎస్ జగన్ మోహ‌న్ రెడ్డి ఢిల్లీ టూర్ ఫిక్స్ అయ్యింది. దీనిపై ర‌క‌ర‌కాల ఊహాగానాలు వెల్లువెత్తుతున్నాయి. వివేకా హ‌త్య‌కేసులో జనవరి3న సంచ‌ల‌నాలు జ‌రుగుతాయ‌ని మాజీ మంత్రి, వైసీపీ నేత డీఎల్ ర‌వీంద్రారెడ్డి ప్ర‌క‌టించ‌డంతో రాష్ట్రంలో క‌ల‌క‌లం రేగుతోంది. ఒక కీల‌క వ్య‌క్తి ఈ కేసులో అరెస్టు అవుతారంటూ డీఎల్ హింట్ ఇచ్చారు. ఈ నేప‌థ్యంలో జగన్ ఢిల్లీ వెళుతున్నార‌ని ప్ర‌చారం సాగుతోంది. జగన్ రెడ్డి ఇటీవ‌లే ఢిల్లీలో జీ20 స‌మావేశాల‌లో మోదీని క‌లిశారు. అంత‌కుముందు విశాఖ‌లో మోదీతో వేదిక పంచుకున్నారు. వ‌ర‌స నెల‌ల్లో ప్ర‌ధానిని క‌లిసిన సీఎం జగన్ ఇంత అకస్మాత్తుగా ఢిల్లీ వెళ్ల‌నుండ‌టం చ‌ర్చ‌నీయాంశం అవుతోంది. బుధ‌వారం సాయంత్రం ఢిల్లీకి సీఎం జగన్ చేరుకుంటార‌ని. అదే రోజు ప్రధానితో భేటీ అవుతార‌ని స‌మాచారం.
Advertisements