నిన్న ఏపిలో చంద్రబాబుని, ఆయన సతీమణిని, వైసీపీ నాయకులు తిట్టిన విధానం పై, తెలంగాణ కాంగ్రెస్‌ సీనియర్‌ నేత జగ్గారెడ్డి స్పందించారు. రేపు చంద్రబాబు వస్తే, జగన్ ఏమి అవుతాడు అంటూ స్పందించారు. ఆయన మాటలలోనే "గతంలో చంద్రబాబు, వైఎస్ఆర్ ఉన్నప్పుడు హుందాగా సభలు నడిచేవి. వైఎస్ఆర్ ఒకసారి మాట తులినా, ఆ మాటలు వెనక్కు తీసుకున్నారు. ఆంధ్రప్రదేశ్ రాజకీయాలు మాక అవసరమా లేదా అనేది పక్కన పెట్టి స్పందించాలి. చంద్రబాబు గారు మొన్న సియంగా ఉన్నప్పుడు కూడా, ఇలాంటి వ్యక్తిగత దూషణలు చూడలేదు. చంద్రబాబు గారు నిన్న ఏదైతే కన్నీళ్లు పెట్టుకున్నారో, అది బాధాకరం. అన్నేళ్ళు ముఖ్యమంత్రిగా , దేశ రాజకీయాలను శాసించిన వ్యక్తిగా ఉన్న చంద్రబాబుని అలా చూసి బాధేసింది. ఆయనకు ఉన్న వయసు రిత్యా, ఆయనకు ఉన్న అనుభవం రిత్యా కొన్ని మర్యాదులు పాటించాలి. చంద్రబాబు గారు ఎప్పుడూ ఏ ఎమోషన్ చూపించారు. కొడాలి నాని మాట్లాడిన విధానం, ఇతర నాయకులు మాట్లాడిన విషయాలు గతంలో చూసాం. బూతులు తిట్టారు. సమాజంలో ఇలాంటివి మంచిది కాదు. కొడాలి నానికి ఇవన్నీ బాగుండ వచ్చు. రోజా కూడా అంతే. టైం బాగుండి ఎమ్మెల్యే అయ్యింది. ఆమె ధోరణి కూడా గతంలో చూసాం. రాజకీయాలు ఎప్పుడూ ఒకేలా ఉండవు. "
"మీడియా ముందుకు వచ్చినప్పుడు మనం మాట్లాడే విధానం ఆలోచించాలి. నిన్న చంద్రబాబు గారు రాజకీయంగా ఇబ్బంది అని బాధపడలేదు. ఫ్యామిలీని దూషించినందుకు తట్టుకోలేక పోయారు. విజన్ ఉన్న చంద్రబాబు, నిన్న ఆ వీడియో చూసి, బాధ వేసింది. ఫ్యామిలిని దూషిస్తే, ఎంత పెద్ద నాయకుడు అయినా కంట్రోల్ చేసుకోలేము. ఇదే మాటలు జగన్ ని, రోజాని అంటే ఎలా ఉంటుంది ?ఇక ఆ స్పీకర్ గురించి చెప్పాలి అంటే, ఆ స్పీకర్ చంద్రబాబు మోచేతి నీళ్ళు తాగేవాడే కదా. అంత జరుగుతుంటే, ఆ స్పీకర్ ఏమి చేస్తున్నాడు ? స్పీకర్ గా అతను అన్ ఫిట్. గుడివాడ నాని మాటలు మరీ ఎక్కువగా ఉన్నాయి. అది అసెంబ్లీ హాల్ లా లేదు. ఈ మాటలు పార్టీ పరంగా కాదు, వ్యక్తిగతంగా , ఒక మనిషిలా మాట్లాడుతున్నా. జగన్ రెడ్డి నవ్వులు దేనికో అర్ధం కావటం లేదు. జగన్ మోహన్ రెడ్డి, రేపు చంద్రబాబు గెలిస్తే నీ పరిస్థితి ఏమిటి ? రేపు నీ పని రివర్స్ అవుతుంది. నీ అనుచరులతో ఇలాగే నడిపిస్తే, రేపు కచ్చితంగా నీకు రివర్స్ అవుతుంది జాగ్రత్త."