విజయవాడ పశ్చిమ మాజీ ఎమ్మెల్యే జలీల్ ఖాన్ కీలక వ్యాఖ్యలు చేసారు. ఈ రోజు జలీల్ ఖాన్ పుట్టిన రోజు సందర్భంగా, పలు కార్యక్రమాల్లో ఆయన పాల్గున్నారు. ఆయన మీడియాతో మాట్లాడుతూ, జగన్ పాలన పై విరుచుకుపడ్డారు. జగన్ మోహన్ రెడ్డి మాటలు విని, ఓట్లు వేసి గెలిపించిన వారు అందరూ, ఇప్పుడు బాధపడుతున్నారు అని అన్నారు. అమరావతిని నిర్వీర్యం చేసి, మూడు రాజధానులు అంటున్న జగన్ మోహన్ రెడ్డి ప్రభుత్వం సిగ్గుతో తల దించుకోవాలని అన్నారు. రాజధాని ఏమిటో ఏంటో తెలియకుండానే, రాజధాని లేకుండానే, ఈ రాష్ట్రానికి సియం అని, ఈ రాష్ట్రాన్ని పాలిస్తున్నా అని చెప్పుకుంటున్న జగన్ ని గిన్నిస్ బుక్ లో ఎక్కించాలని అన్నారు. అభివృద్ధి అనేది లేకుండా పోయిందని, విజయవాడలో మూడు ఫ్లై ఓవర్ లు కట్టింది ఎవరని, చంద్రబాబు చేయనిది, మీరు చేసారా, అసలు మీరు ఇప్పటి వరకు ఏమి చేసారని ప్రశ్నించారు ?వైసిపీ ఎమ్మేల్యల జాతకాలు తన దగ్గర ఉన్నాయని, వెల్లంపల్లి ఒక పైరవీకారుడని అన్నారు. ఎవరూ లేనప్పుడు వచ్చి పార్టీ ఆఫీస్ మీదకు రావటం మగతనమా అని ప్రశ్నించారు. వచ్చే ఎన్నికల్లో ఏపి పోలీసులను, తెలంగాణాలో కట్టేస్తే, ఎవరి బ్రతుకు ఏమిటో తెలుస్తుందని జలీల్ ఖాన్ అన్నారు.