పుట్లూరు మండలం ఎల్లుట్లలో వైసీపీ కార్యకర్తల బైక్‌ను జేసీ ప్రభాకర్రెడ్డి కాన్వాయ్ ఢీకొట్టింది. గమనించిన జేసీ ప్రభాకర్రెడ్డి వెంటనే వారి వద్దకు వచ్చి క్షమాపణ చెప్పారు. జేసీ ప్రభాకర్రెడ్డి తనయుడు అస్మిత్ రెడ్డి టీడీపీ ఎమ్మెల్యే అభ్యర్థిగా తాడిపత్రి నుంచి పోటీ చేస్తున్నారు. కుమారుడి తరపున ప్రచారానికి వెళుతుండగా ఈ ఘటన జరిగినట్లు తెలిసింది. ఆంధ్రప్రదేశ్ లోని అనంతపురం జిల్లాలో ఈ రోజు ఆసక్తికరమైన పరిణామం చోటుచేసుకుంది. టీడీపీ నేత జేసీ ప్రభాకర్ రెడ్డి కొందరు వైసీపీ కార్యకర్తలకు క్షమాపణలు చెప్పారు.
ఈ ఘటన జిల్లాలోని పుట్లూరు మండలంలో చోటుచేసుకుంది. ప్రస్తుతం తాడిపత్రి అసెంబ్లీ నియోజకవర్గం నుంచి టీడీపీ అభ్యర్థిగా ప్రభాకర్ రెడ్డి కుమారుడు అస్మిత్ రెడ్డి పోటీ చేస్తున్నారు. ఎల్లుట్ల గ్రామం వద్దకు రాగానే ప్రభాకర్ రెడ్డి కాన్వాయ్ అటుగా వెళుతున్న వైసీపీ కార్యకర్తల బైక్ ను ఢీకొట్టింది. వెంటనే కారు దిగిన ప్రభాకర్ రెడ్డి వారి దగ్గరకు వేగంగా వెళ్లి పరామర్శించారు. డ్రైవర్ కారణంగా ఈ తప్పు జరిగిందనీ, క్షమించాలని కోరారు. వైసీపీ కార్యకర్తలకు పెద్దగా దెబ్బలేమీ తగలకపోవడంతో వారు బైక్ పై వెళ్లిపోయారు. అనంతరం ప్రభాకర్ రెడ్డి తన కుమారుడు అస్మిత్ రెడ్డితో కలిసి ఎన్నికల ప్రచారం కోసం ముందుకెళ్లారు.