తెలుగు సినీ పరిశ్రమలో సీనియర్ నటుడు, కైకాల సత్యనారాయణ కొద్ది సేపటి క్రితం కన్ను మూశారు. ఆయన వయసు 87 ఏళ్ళు. గత కొంత కాలంగా అనారోగ్యంతో బాధపడుతున్న కైకాల, ఈ రోజు తెల్లవారుజామున నాలుగు గంటలకు తుది శ్వాస విడిచారు. 1935 జులై 25న కృష్ణా జిల్లా గుడ్లవల్లేరు మండలం కౌతవరం గ్రామంలో జన్మించిన ఆయన, మొత్తం 777 సినిమాల్లో నటించారు. అయితే చాలా మందికి తెలియని విషయం, 1996లో మచిలీపట్నం నుంచి టీడీపీ అభ్యర్థిగా లోక్‍సభకు ఎన్నిక అయ్యారు. తరువాత రాజకీయాలకు దూరంగా ఉన్నారు. కైకాల సత్యనారాయణ మృతి పట్ల టీడీపీ అధినేత చంద్రబాబు సంతాపం వ్యక్తం చేసారు. అన్న ఎన్టీఆర్ తో ఉన్న అనుబంధం గుర్తు చేసుకున్నారు. వారి కుటుంబసభ్యులకుచంద్రబాబు ప్రగాఢ సానుభూతి తెలిపారు
Advertisements