ఘోర రోడ్డు ప్రమాదం జరిగి చావు బతుకుల మధ్య లో హరికృష్ణ - సెల్ఫీ పిచ్చి లో కామినేని ఆస్పత్రి సిబ్బంది.ఇదేనా రాక్షసానందం అంటే ఏ ముహూర్తాన మొబైల్ కంపెనీలు ఫ్రంట్ కెమెరా తీసుకు వచ్చినది తెలియదుగానీ రానురాను ప్రజల్లో సెల్ఫీ పిచ్చి ముదిరిపోయింది.సెల్ఫీ అనేది ఎక్కడ తీయాలో ఎక్కడ తీయకూడదు అనే విషయం తేలుసుకోలేని పరిస్థితుల్లో కామినేని ఆసుపత్రి సిబ్బంది. ప్రమాదం జరిగి చావు బతుకుల మధ్య హరికృష్ణ ఉంటే ట్రీట్మెంట్ చేయాల్సింది పోయి ఆ పరిస్థితుల్లో ఉన్న హరికృష్ణతో సెల్ఫీ దిగడం అంటే ఏ స్థాయికి దిగజారి ఆ పని చేశారు అర్థమవుతుంది.ఈ సెల్ఫీ దిగిన సిబ్బందిపై తక్షణమే కామినేని ఆసుపత్రి యాజమాన్యం చర్యలు తీసుకోవాలి.
హరికృష్ణ భౌతిక కాయంతో ఆస్పత్రి సిబ్బంది టెన్షన్ పడకుండా సెల్ కెమెరావైపు చూస్తూ సెల్ఫీలు తీసుకోడం చర్చనీయాంశమవుతోంది. అంబులెన్స్ శబ్దం వినిపిస్తే రోడ్డుపై వెళ్లేవాళ్లు వీలైనంత వరకు దారి ఇవ్వడానికి ప్రయత్నిస్తారు. తాము ఎంత అర్జంట్ పనిమీద ఉన్నా పక్కకు తప్పుకుంటారు. కానీ ఆస్పత్రిలో సిబ్బంది ఏం చేస్తున్నారు. రోగి చికిత్స విషయంలో నిర్లక్ష్యం చేస్తున్నారు. అదే వీఐపీ రోగులు అయితే సెల్ఫీలు కూడా తీసుకుంటున్నారు. కామినేని ఆస్పత్రిలో అదే జరిగింది. దీనిపై సోషల్ మీడియాలో పెద్దఎత్తున చర్చ జరుగుతోంది.