కాపు రిజర్వేషన్ల పై ఆంధ్రప్రదేశ్ ప్రభుత్వం ప్రభుత్వం, నిర్ణయం తీసుకుని, 5 శాతం రిజర్వేషన్ ఇచ్చిన సంగతి తెలిసిందే... జస్టిస్ మంజునాథన్ కమిషన్ సూచనలు ప్రకారం, నిర్ణయం తీసుకుంటూ, డిసెంబర్ నెలలో ఆంధ్రప్రదేశ్ క్యాబినెట్ ఈ నిర్ణయం తీసుకుంది... వెంటనే, బిల్లు రూపంలో, అసెంబ్లీలో కూడా పెట్టింది... ఈ బిల్లు అసెంబ్లీలో కూడా ఆమోదం పొంది, కేంద్రానికి వెళ్ళింది... అంతకంటే ముందు, ఈ బిల్లు గోవర్నర్ వద్ద కూడా ఆమోదం పొందింది... ఇప్పుడు కేంద్రం పరిధిలో ఈ బిల్లు ఉంది... కేంద్ర హోంశాఖ వద్దకు ఈ బిల్లు చేరింది... దీంతో కేంద్రం కూడా ఈ బిల్లు పై తదుపరి చర్యలు చేపట్టింది...
కేంద్రం ఈ బిల్లు పై వివిధ శాఖల అభిప్రాయాలను కోరింది. న్యాయశాఖ, సామాజిక సాధికారికశాఖ, ఉన్నత విద్యాశాఖ, పాఠశాల విద్యాశాఖ, మైనార్టీ, గిరిజన, సిబ్బంది వ్యవహారాలశాఖల అభిప్రాయాలను కేంద్ర హోంశాఖ కోరింది.... గడువు కూడా విధించింది... 15 రోజుల్లోగా నివేదిక పంపాలని ఆయా శాఖలకు సూచించింది.... అన్నిశాఖల అభిప్రాయాలు వచ్చిన తర్వాత... షెడ్యూల్‌-9లో కాపు రిజర్వేషన్లను చేర్చే అవకాశం ఉంది. ఈ బిల్లు కనుకు ఆమోదం పొందితే, బిల్లులో ఉన్న ఈ అంశాలు అమల్లోకి వస్తాయి....
రిజర్వేషన్ల వివరాలు: విద్య, ఉద్యోగాల్లో కాపులకు 5 శాతం రిజర్వేషన్లు... కాపులకు బీసీ (ఎఫ్‌) కేటగిరీలో 5 శాతం రిజర్వేషన్లు... కాపు, తెలగ, ఒంటరి, బలిజ కులాలకు బీసీ రిజర్వేషన్లు... రాజకీయ పదవులకు రిజర్వేషన్లు వర్తించవని బిల్లులో పేర్కొన్నారు.. మొత్తానికి ఈ బిల్లు పై కేంద్రం కూడా సానుకూలంగా ఉండటంతో రాష్ట్ర ప్రభుత్వం ఊపిరి పీల్చుకుంది... ఏ అడ్డంకి లేకుండా ముందుకు వెళ్తుందా, లేక పొతే, ఎక్కడైనా ఫిట్టింగ్ పెడతారా అనేది చూడాల్సి ఉంది... ముద్రగడ లాంటి నేతలు, ఈ విషయం పై రాజకీయంగా, ప్రభుత్వాన్ని ఇరుకున పెట్టటానికి, కాచుకుని కూర్చున్నారు... చివరకు ఏమి అవుతుందో చూడాలి...