జగన్ మోహన్ రెడ్డి తిరుమల పర్యటన వివాదం ఇంకా కొనసాగుతూనే ఉంది. అన్యమతస్తుడు అయిన జగన్ మోహన్ రెడ్డి, తిరుమల దర్శనానికి వెళ్తే, తనకు వెంకన్న పై నమ్మకం ఉందని సంతకం చెయ్యాలని, వివాదం మొదలైంది. ఇది కాస్త పట్టు వస్త్రాలు ఇవ్వాలి అంటే, ఒక్కరే ఇవ్వ కూడదు అని, ధర్మ పత్నితో కలిసి ఇవ్వాలని, హిందూ ధర్మంలో మగవాడు ఒక్కడే చేసేది కీడు కార్యక్రమాలు మాత్రమే అని, జగన్ కు ఇష్టం లేక పొతే, వేరే వారితో ఇప్పించాలి కానీ, ఇలా ఒక్కరే వెళ్ళ కూడదు అని వివాదం పెద్దది అయ్యింది. అయితే వివాదం తగ్గించాల్సిన ప్రభుత్వ పెద్దలు, వివాదాన్ని పెద్దది చేసారు. మంత్రి కొడాలి నాని, అసలు డిక్లరేషన్ పెట్టింది ఎవరు, ఎత్తేయండి అంటూ, కొత్త చర్చకు దారి తీసారు. ఒక వ్యక్తి కోసం, తిరుమల రూల్స్ ని, సంప్రదాయాలను, చట్టాలను మార్చమని, అడగటం పై పెద్ద వివాదం రేగింది. అయితే ఇంత వివాదం జరిగినా, జగన్ మోహన్ రెడ్డి మాత్రం, డిక్లరేషన్ ఇవ్వకుండానే, పట్టు వస్త్రాలు సమర్పించి, దర్శనం చేసుకున్నారు. అయితే ఈ వివాదం ఇప్పటికీ రేగుతూనే ఉంది.
తాజాగా సినీ నటి కల్యాణి, జగన్ మోహన్ రెడ్డి పై సంచలన వ్యాఖ్యలు చేసారు. జగన్ మోహన్ రెడ్డి శ్రీవారి పై నమ్మకం ఉందని డిక్లరేషన్ ఇవ్వకుండా, చాలా పెద్ద తప్పు చేసారని మండి పడ్డారు. ముఖ్యమంత్రి అయినా, ప్రధాన మంత్రి అయినా ఎవరైనా సరే, తిరుమల ఆచారాలను బ్రేక్ చేసే అధికారం ఎవరికీ లేదని అన్నారు. భారత దేశ పౌరురాలుగా, జగన్ ని ప్రశ్నించటం తన హక్కు ని, కళ్యాణి ధ్వజమెత్తారు. జగన్ మోహన్ రెడ్డి క్రీస్టియన్ ని అందరికీ తెలుసు అని, అలాంటి అప్పుడు, తిరుమల దర్శనానికి వెళ్లి, సంతకం పెట్టలేదు అంటే, తనను ఎవరూ ఏమి చెయ్యరనే ధీమానా అని, ప్రశ్నించారు. ఒక ముఖ్యమంత్రి స్థానంలో ఉంటూ, నా ఇష్టం వచ్చినట్టు చేస్తానని అనటం ఎంత వరకు సమంజసం అని, సామాన్య ప్రజలకు ఎలాంటి సంకేతం ఇస్తున్నారని, ఆమె ప్రశ్నించారు. నిబంధనలు పాటిస్తూ అన్ని మతాలను గౌరవించాలని ఆమె అన్నారు. అయితే ఈమె ఇప్పుడు ఈ వ్యాఖ్యలు ఎందుకు చేసింది అనే దాని పై చర్చ జరుగుతుంది. రాజకీయాల్లోకి వచ్చే ఉద్దేశం ఏమైనా ఉందేమో అనే వాదన వినిపిస్తుంది.