తెలంగాణా ప్రభుత్వం మరోసారి ఆంధ్రప్రదేశ్ పై కక్ష కట్టింది... ఆంధ్రప్రదేశ్‌కు కృష్ణా నీటి కోటాలో భారీగా కోత విధించాలని తెలంగాణ ప్రభుత్వం కోరుతోంది... ప్రస్తుతం ఏపీకి కేటాయించిన 512 టీఎంసీల్లో 362 టీఎంసీల కోత విధించి, 150 టీఎంసీలకు పరిమితం చేయాలని బ్రిజే్‌షకుమార్‌ ట్రైబ్యునల్‌ ను కోరనుంది... త్వరలో జరిగే ట్రైబ్యునల్‌ సమావేశాల్లో, ఇదే వాదన వినిపించాలని తెలంగాణా ప్రభుత్వం నిర్ణయించింది... ఆంధ్రప్రదేశ్‌లో కృష్ణా నీటిపై ఆధారపడే ప్రాంతాలు తగ్గిపోతున్నాయని, గోదావరి నీటిని పట్టిసీమ ద్వారా కృష్ణాకు ఈ ఏడాది ఇప్పటికే సుమారు 100 టీఎంసీలే తరలించారని తెలంగాణా చెప్తుంది...
ఇప్పటికే, హైదరాబాద్ తాగునీటి అవసరాలకు వినియోగించే కృష్ణా నీటిని రెండు రాష్ట్రాల లెక్కల్లో వేయాలని తెలంగాణ కోరింది. నగరంలో ఆంధ్ర వాసులు ఎక్కువగా నివసిస్తున్న కారణంగా ఇక్కడ వినియోగించే నీటిని రెండు రాష్ట్రాల లెక్కల్లో వేయాలని తెలంగాణ కోరింది. ఐతే ఈ వాదన పై ఆంధ్ర ప్రజలు మండి పడుతున్నారు. హైదరాబాద్ లో నివసించే ఆంధ్రవారి నీటి అవసరాలు తెలంగాణా ప్రభుత్వం తీర్చలేకపోతే వారి నుండి పన్నులు ఎందుకు తీస్కుంటున్నట్టు అని ప్రశ్నిస్తున్నారు? అదే విధంగా హైదరాబాద్ వేరువేరు రాష్ట్రాలకు చెందిన వారు నివసిస్తూ ఉంటారు వారందరి నీటి అవసరాలు వల్ల రాష్ట్రాలే తీరుస్తున్నాయా? అని అడుగుతున్నారు. పోనీ ఆంధ్రుల నీటి అవసరాలు ఆంధ్ర ప్రదేశ్ ప్రభుత్వం తీరుస్తే వాళ్ళు నగరంలో కట్టే పన్నులలో ఆంధ్ర ప్రదేశ్ కు వాటా ఇచ్చేందుకు తెలంగాణా ప్రభుత్వం సిద్దమా అనే ప్రశ్న సహజంగానే వస్తుంది.
రాష్ట్ర విభజన జరిగాక .. తెలంగాణ ఆర్థికంగా మిగులులో ఉంది... హైదరాబాధ్‌, మహబూబ్‌నగర్‌, నల్లగొండ, రంగారెడ్డి జిల్లాలు ఆర్థికంగా పరిపుష్టిగా ఉన్నాయి. హైదరాబాద్‌లో ఐటీ హబ్‌ ఉంది. ఆ రాష్ట్రంలో అపార ఖనిజ నిల్వలున్నాయి. కరీంనగర్‌లో బొగ్గు, సున్నపురాయి, ఇనుము, గ్రానైట్‌, ఇసుక, క్వార్జ్‌ ఉన్నాయి. మహబూబ్‌ నగర్‌లో క్వార్జ్‌ , లైమ్‌స్టోన్‌ శ్లాబ్స్‌, సున్నపురాయి, కంకర, బ్లాక్‌ కలర్‌ గ్రానైట్‌, బంకమట్టి, వజ్రాలు, బంగారు గనులు ఉన్నాయి. విద్య, ఆరోగ్యం, తలసరి ఆదాయం, తలసరి వ్యయంలోనూ తెలంగాణ పరిపుష్టిగా ఉంది. ఆంధ్ర ప్రజలు కృష్ణా డెల్టాపైనే ఆధారపడి ఉన్నారు. ఉభయ రాష్ట్రాల్లో హంద్రీ-నీవా, తెలుగు గంగ, గాలేరు-నగరి, వెలుగొండ, కల్వకుర్తి, నెట్టెంపాడు ప్రాజెక్టులు నిర్మాణంలో ఉన్నాయి. వీటన్నిటినీ పరిగణనలోకి తీసుకుని.. ఆంధ్రప్రదేశ్‌కు నీటి కేటాయింపులపై ట్రైబ్యునల్‌ ఆంధ్రప్రదేశ్ కు అనుకూలంగా నిర్ణయం తీసుకోవాలి...