తెలంగాణా రాష్ట్ర ముఖ్యమంత్రి కేసీఆర్, ఈ సారి దసరా పండుగని, ఫ్యామిలీతో కలిసి బెజవాడలో జరుపుకోనున్నారు... ఈ నెల 27 కాని, 28 కాని, కేసీఆర్ విజయవాడ పర్యటన ఉంటుంది అని తెలంగాణా సియం పేషీ అధికారులు, దుర్గగుడి అధికారులకి తెలియ చేశారు.
పర్యటనలో భాగంగా బెజవాడ కనకదుర్గమ్మకు ముక్కుపుడక సమర్పించనున్నారు కేసీఆర్. తెలంగాణ రాష్ట్రం ఏర్పడితే దుర్గమ్మకు ముక్కుపుడక సమర్పిస్తానని ఆయన మొక్కుకున్న విషయం తెలిసిందే. ఈ క్రమంలో సీఎం తెలంగాణ దేవుళ్ల మొక్కులు తీర్చుకుంటున్నారు. దాదాపు 75 లక్షలతో తెలంగాణా ప్రభుత్వం తరుపున, కనకదుర్గమ్మకు ముక్కుపుడక సమర్పించనున్నారు కేసీఆర్.
కేసీఆర్ తో పాటు, కుటుంబ సభ్యులు కూడా, అమ్మరవారికి ప్రత్యెక పూజలు చెయ్యనున్నారు. ఈ పర్యటనలో, ఆంధ్రప్రదేశ్ ముఖ్యమంత్రి చంద్రబాబుతో కలిసి, ఇరు రాష్ట్రాల సమస్యలు కూడా చర్చించే అవకాశం ఉంది.
Advertisements