అయిన దానికి, కాని దానికి, సంబంధం లేకుండా ప్రతి దానికి, చంద్రబాబు పేరు చెప్పి తెప్పించుకునే వైసీపీ నేతలు, పక్కన ఉన్న కేసీఆర్ మొఖం మీద విమర్శలు చేస్తున్నా, ఒక్కరు కూడా వైసీపీ నుంచి స్పందించటం లేదు. కేసీఆర్ నిన్న, ఈ రోజు కూడా ఆంధ్రప్రదేశ్ ని చులకను చేస్తూ మాట్లాడుతున్నా, వైసీపీ ప్రభుత్వ పెద్దల్లో చలనం లేదు. నిన్న భువనగిరిలో కలక్టరేట్ ప్రారంభిస్తూ కేసీఆర్ ఏపిలో కరెంటు విషయం పై హేళన చేస్తూ మాట్లాడారు. ఆంధ్రా వాళ్ళు మనకు కరెంటు ఉండదు అని హేళన చేసారని, ఇప్పుడు మనకు 24 గంటలు కరెంటు ఉంటే, వాళ్ళకి ఇప్పుడు కరెంటు లేక, చీకట్లలో ఉంటున్నారు అంటూ, కేసీఆర్ స్పందించారు. సరే ఇది అయిపొయింది. ఎవరూ కూడా వైసీపీ ప్రభుత్వం నుంచి, ఇది తప్పు, ఇది ఫాక్ట్ అనేది చెప్పలేదు. ఇదే విషయం చంద్రబాబు చెప్తే మాత్రం, వరుస పెట్టి ప్రెస్ మీట్లు పెట్టి విమర్శలు చేయటం, బ్లూ మీడియాలో మొత్తం చంద్రబాబు చేసాడని ప్రాపగాండా చేయటం, అలాగే పేటీయం బ్యాచ్ తో, సోషల్ మీడియాలో తిట్టించటం, ఇలా చేస్తూ వచ్చారు. ఇప్పుడు కేసీఆర్, ఏపిలో కరెంటు కోతలు గురించి మాట్లాడితే మాత్రం, ఒక్కరు కూడా స్పందించటం లేదు. ఇక నిన్నటి విషయం మర్చిపోక ముందే, ఈ రోజు ప్రెస్ మీట్ పెట్టిన కేసీఆర్ మళ్ళీ టార్గెట్ చేసారు.
కేంద్ర ప్రభుత్వం ఒక దిక్కు మాలిన పధకం తెచ్చిందని, రైతుల మీటర్లకు, మోటార్లు పెడితే ఎక్కువ అప్పు ఇస్తాం అంటుందని, ఇలా చేస్తే రైతులకు ఉచిత కరెంటు ప్రభుత్వాలు ఇవ్వటం సాధ్యం కాదు అంటూ, కేసీఆర్ చెప్పుకొచ్చారు. పక్కన ఉన్న ఆంధ్రప్రదేశ్ రాష్ట్రం అప్పుల కోసం, రైతుల మోటార్లకు మీటర్లు పెడుతుందని, ఇప్పటికే శ్రీకాకుళం జిల్లాలో 25 వేల మంది రైతుల పొలాల మోటార్లకు మీటర్లు పెట్టారని అన్నారు. ఇది ఇలా ఉంటే, రైతుల మీటర్లకు మోటార్లు పెడితే ఎంతో నష్టపోతారని, వారికి ఉచిత కరెంటు ఇవ్వటం కుదరదని, అందుకే ఏపి లాగా కేంద్రం ఇచ్చే అప్పు కోసం, తాము ఇది తెలంగాణాలో పెట్టం అంటూ, కేంద్రం పై విమర్శలు చేసారు. అయితే దీని పైన కూడా వైసీపీ నుంచి ఒక్కరు కూడా స్పందించ లేదు. ఇదే విషయం చంద్రబాబు కూడా చెప్పారు. మోటార్లకు మీటర్లు పెడితే, ఉచిత కరెంటు ఉండదు అని చెప్పారు. అప్పుడు మాత్రం చంద్రబాబు మీదకు ఎగబడిన వైసీపీ నేతలు, ఇప్పుడు మాత్రం సైలెంట్ గా ఉన్నారు. ఎందుకో అందరికీ తెలిసిందే.