తన రాజకీయ పబ్బం కోసం, ఏ మాట అయినా మాట్లాడే తెలంగాణా ముఖ్యమంత్రి కెసిఆర్ గురించి ప్రత్యేకంగా చెప్పేది ఏమి లేదు. సోనియా దేవత అన్న నోటితో, అవసరం తీరిన తరువాత దెయ్యం అన్నాడు... నెల క్రితం ఎవడా "మోడీ గాడు" అన్న నోటితో, ఇప్పుడు మోడీకి జై కొడుతున్నాడు. మొన్నటిదాకా ఆంధ్రప్రదేశ్ రాష్ట్రానికి ప్రత్యేక హోదా ఇవ్వాల్సిందే అన్న కెసిఆర్, ఇప్పుడు ప్లేట్ మార్చారు. దీనికి కారణం కాంగ్రెస్ వర్కింగ్ సమావేశంలో రాహుల్ గాంధీ మాట్లాడుతూ, ఏపీకి ప్రత్యేక హోదాకి మద్దతు తెలపటం. కాంగ్రెస్ తన ప్రధాన ప్రత్యర్ధి కాబట్టి, రాజకీయ పబ్బం కోసం, ఇప్పుడు ఆంధ్రా పై విషం చిమ్ముతున్నాడు. తెలంగాణను కాంగ్రెస్ మోసం చేస్తోందనే వాదనను తెరపైకి తీసుకు వచ్చారు.
హరీష్ రావు ఈ విషయంలో మరింత దూకుడుగా ఉన్నారు. ఏపీకి ప్రత్యేక హోదా ఇచ్చి తెలంగాణ పరిశ్రమలన్నీ తరలిపోయేలా కుట్ర చేస్తున్నారంటూ కాంగ్రెస్‌పై మండిపడ్డారు. ఆంధ్రప్రదేశ్‌లో వచ్చే ఎన్నికల నాటికి.. ప్రత్యేకహోదా అంశమే ప్రధాన ఎజెండా కానుంది. అనూహ్యంగా తెలంగాణలోనూ అదే జరగబోతోంది. ఈ ఇబ్బందిని అధిగమించాల్సిన భారం కాంగ్రెస్ పైనే పడింది. తెలంగాణ ప్రజల్లో ఈ హోదా సెంటిమెంట్ ఎంత మేర ఉంటుందన్నది.. టీఆర్ఎస్ నేతల కార్యాచరణ బట్టే ఉండవచ్చని రాజకీయవర్గాలు భావిస్తున్నాయి. మాకు ఏది ఇస్తే అదే కావాలని, మరోసారి ఆంధ్రా ప్రజల పై, విషం చిమ్మే పని పెట్టుకున్నాడు కెసిఆర్.
మొన్నటి దాక చెల్లలు కవిత మా ప్రత్యేక హోదాకు మద్దతు ఇచ్చింది, చెల్లలు కవితకు ధన్యవాదాలు అని చెప్పిన పవన్ కళ్యాణ్, ఇప్పుడు మాత్రం ఒక్క మాట కెసిఆర్ ని అనే సాహసం చెయ్యడు. కెసిఆర్ కు ఆరు మార్కులు ఇచ్చి, చంద్రబాబుకి 2 మార్కులు ఇచ్చింది, ఇలా మాటలు మార్చే కెసిఆర్ గురించేమో. మరో పక్క మోడీ కూడా, కెసిఆర్ ఎంతో పరిణితి చెందిన నాయకుడు, చంద్రబాబు అన్నిటికీ పేచీ పెడతాడు అని, ప్రధాని అనే హోదాను పక్కన పెట్టి మరీ, స్పీచ్ ఇచ్చింది, ఇలాంటి కెసిఆర్ మాటలు మార్చే రాజకీయం చూసేనేమో. తెలంగాణా విషయంలో ఎన్నో విభజన హామీలు ఉన్నా, మోడీని ఒక్క మాట కూడా అనకుండా నాటకాలు ఆడుతున్న కెసిఆర్, ఇప్పుడు ఎన్నికల వేళ, మళ్ళీ ఆంధ్రా వాళ్ళ మీద విషం చిమ్మి, రాజకీయ లబ్ది కోసం వెంపర్లాడుతున్నాడు.