తాడిపత్రిలో హైటెన్షన్ వాతావరణం నెలకొంది. ఎమ్మెల్యే కేతిరెడ్డి పెద్దారెడ్డి, మాజీ ఎమ్మెల్యే జేసి ప్రభాకర్ రెడ్డి అనుచరులు, పరస్పరం రాళ్ళ దా-డి-కి దిగారు. పోలీసులను సైతం లెక్క చేయకుండా ఇరు వర్గాలు, రాళ్ళ దా-డి చేసుకోవటంతో, పదులు సంఖ్యలో వాహనాలు దెబ్బతిన్నాయి. ఈ ఘటనకు ప్రధాన కారణం, ఎమ్మెల్యే భార్యకు సంబంధించిన ఆడియో కాల్ గా తెలుస్తుంది. ఈ ఆడియో సోషల్ మీడియాలో జేసి ప్రభాకర్ రెడ్డి అనుచరులు పోస్ట్ చేసారని, ఆగ్రహంతో ఊగిపోయిన ఎమ్మెల్యే కేతిరెడ్డి పెద్దారెడ్డి, మాజీ ఎమ్మెల్యే జేసి ప్రభాకర్ రెడ్డి ఇంటికి వెళ్లి హాల్ చల్ చేసారు. ఏకంగా ఎమ్మెల్యేనే ఇంటికి వెళ్లి దా-డి చేయటం పై సంచలనంగా మారింది. తన ప్రత్యర్ధి ఇంటికి, తన అనుచరులతో వెళ్లి దా-డి చేయటం పై రాష్ట్రంలో పరిస్థితి ఎలా ఉందొ అర్ధం చేసుకోవచ్చు. పెద్దారెడ్డి భార్యకు ఇసుక తరలింపులో, ఆమెకు డబ్బులు ఇవ్వాలని ఆ ఆడియో సారాంశం. ఎద్దుల బండిలో ఇసుక 10 వేలకు ఎమ్మెల్యే భార్య అమ్ముకుంటున్నారని, ఆ ఆడియో సారంశం. అది పోస్ట్ చేసిన వ్యక్తి జేసి ఇంట్లో ఉన్నారు అంటూ, కేతిరెడ్డి ఏకంగా ఇంటికి వెళ్లి, అక్కడ ఎవరూ లేకపోవటం, అక్కడ ఉన్న దాసరి కిరణ్ అనే వ్యక్తిని కొ-ట్టా-రు. ప్రభాకర్ రెడ్డి విషయం తెలుసుకుని తాడిపత్రి బయలుదేరారు.
సమాచారం అందుకున్న జేసి అనుచరులు, ప్రభాకర్ రెడ్డి ఇంటికి చేరుకున్నారు. దీంతో ఒకేసారి ఉద్రిక్త పరిస్థితి ఏర్పడింది. ఇంటి పరిసరాల్లోనే ఉన్న కేతిరెడ్డి అనుచరులు, ప్రభాకర్ రెడ్డి అనుచరులు పై రా-ళ్ళ దా-డి చేసారు. అలాగే ఇటు వైపు నుంచి కూడా దా-డి జరిగింది. ప్రభాకర్ రెడ్డి, అస్మిత్ రెడ్డి తాడిపత్రికి రావటంతో, ఏమి జరుగుతుందో తెలియని పరిస్థితి ఏర్పడింది. ప్రభాకర్ రెడ్డి, అస్మిత్ రెడ్డి, కేతిరెడ్డి ఇంటికి వెళ్తాం అని చెప్తూ ఉండటంతో, పోలీసుల్లో కూడా టెన్షన్ నెలకొంది. ఎక్కువ ఫోర్సు ను పోలీసులు దించారు. జేసీ ఇంటిముందు మరో ఇంట్లో ఎమ్మెల్యే కేతిరెడ్డి, తనయుడు హర్షవర్ధన్ రెడ్డి అనుచరులు ఉన్నారని తెలుసుకుని, ప్రభాకర్ రెడ్డి అనుచరులు ఆ ఇంటి పైకి వెళ్లారు. అయితే పోలీసులు వాళ్ళని ఆపుతున్నారు. ఏదైనా ఒక ఎమ్మెల్యే ఇలా ఇంటికి వెళ్లి ఇష్టం వచ్చినట్టు చేయటం పై ఆశ్చర్యం వ్యక్తం చేస్తున్నారు. ఒక చిన్న కంప్లైంట్ ఇస్తే అయిపోయే దానికి, ఇంత హడావిడి ఎందుకు చేసారో ఎవరికీ అర్ధం కావటం లేదు. జేసీ ప్రెస్ మీట్ పెడితేనే కేసులు పెట్టే ప్రభుత్వం, కేతిరెడ్డి చర్యల పై ఏమి చేస్తుందో చూడాలి. అయితే జేసీ ఇంటికి వెళ్లి ఎమ్మెల్యే కేతిరెడ్డి ఆయన కుర్చీలో కూర్చున్నారు. దీంతో ఆగ్రహంతో జేసీ వర్గీయులు కుర్చీని తగలబెట్టారు.