కోడి కత్తితో సొంత పార్టీ కార్యకర్త చిన్నగా గుచ్చితే, జగన్ మోహన్ రెడ్డి అండ్ కొ చేసిన హడావిడి చూసాం. ప్రతి రోజు మన ఇంట్లో ఆడవాళ్ళకు అయ్యే కత్తి పీట గాయం కంటే చిన్న దెబ్బ తగిలితే, దానికి జగన్ బ్యాచ్ చేసిన హంగామా, మోడీ సహాయంతో, ఎన్ఐఏ కు కేసు బదలాయించటం, అక్కడ బకరా అవ్వటం, ఇలా అన్నీ మన కళ్ళ ముందే జరిగాయి. అయితే ఏపిలో మాత్రమే జగన్ బకరా అయితే సరిపోదు అనుకున్నాడో ఏమో కాని, ఈ రోజు విజయసాయి రెడ్డి వేసిన ప్రశ్నతో, జగన్ పరువు నేషనల్ లెవెల్ లో పోయింది. దేశమంతా జగన్ పై ఎదో హత్యాయత్నం జరిగిందని అనుకున్నారు. కాని అది కోడి కత్తి గుచ్చుడు అని, డ్రామా అని తెలియదు. ఎందుకంటే వారు మన ఏపి వార్తలు ఫాలో అవ్వరు కదా.
అయితే, ఈ రోజు విజయసాయి రెడ్డి, వేసిన ప్రశ్నతో, దేశం మొత్తం జగన్ కు ఏమి అవ్వలేదని తెలిసిపోయింది. కోడికత్తి దాడిలో జగన్‌కు చిన్న దెబ్బే తగిలిందని కేంద్ర హోంశాఖ సహాయమంత్రి హన్స్‌రాజ్‌ అన్నారు. నిందితుడు శ్రీనివాసరావును విమానాశ్రయ సిబ్బంది పట్టుకుని పోలీసులకు అప్పగించారన్నారు. దీనిపై ఎన్ఐఏ కేసును దర్యాప్తు చేస్తోందని.. బుధవారం రాజ్యసభలో వైసీపీ ఎంపీ విజయసాయిరెడ్డి అడిగిన ప్రశ్నకు హన్స్‌రాజ్‌ సమాధానంగా చెప్పారు. జగన్ కు చలా మైనర్ ఇంజురీ అయ్యింది అంటూ, కేంద్ర మంత్రి చెప్పటంతో, పాపం మరోసారి జగన్ ఆడిన డ్రామా ప్రజలకు గుర్తు చేసాడు విజయసాయి. అది పెద్ద దెబ్బ, పెద్ద దెబ్బ, పెద్ద దెబ్బ ని జగన్ బ్యాచ్ హడావిడి చేస్తుంటే, కాదు చిన్న దెబ్బ, చిన్న దెబ్బ, చిన్న దెబ్బ అంటూ విజయసాయి ఒకటికి పది సార్లు చెప్పిస్తూ, జగన్ పరువు తీస్తున్నాడు.
మరో పక్క, జగన్‌పై జరిగిన కోడి కత్తి దాడి కేసులో ఎన్ఐఏ చార్జిషీట్‌లో పలు అంశాలు పేర్కొంది. సిట్ రిమాండ్ రిపోర్ట్‌లోని అంశాలనే మళ్లీ ఎన్ఐఏ చెప్పింది. కోడి కత్తితో శ్రీనివాసరావు ఉద్దేశపూర్వకంగానే దాడి చేశాడని సెక్షన్‌ 307 ప్రకారం సిట్ అభియోగాలు నమోదు చేసింది. శ్రీనివాసరావు.. జగన్ అభిమాని అని తెలిపింది. సానుభూతి రావాలని దాడికి పాల్పడ్డాడని సిట్ రిపోర్ట్ స్పష్టంచేసింది. సిట్ రిపోర్ట్‌తో ఎన్ఐఏ దాదాపుగా ఏకీభవించింది. దాడి చేసే ముందు జగన్‌తో శ్రీనివాసరావు మాట్లాడాడని తెలిపింది. సర్.. మన పార్టీ 160 సీట్లు గెలుస్తుందని జగన్‌తో శ్రీనివాసరావు చెప్పాడని ఎన్ఐఏ చార్జిషీట్‌లో వెల్లడించింది. జగన్‌పై దాడి చేసే ముందు రోజు ఎయిర్‌పోర్టు ఫుడ్ కోర్టులో తోటి ఉద్యోగులతో జగన్ గురించి శ్రీనివాసరావు చర్చించినట్లు చార్జిషీట్‌లో పేర్కొంది.