కోడిక‌త్తితో గుచ్చించుకుని సానుభూతి పొందే ప్ర‌య‌త్నం చేశార‌ని అప్ప‌ట్లో ప్ర‌తిప‌క్షనేత‌గా ఉన్న వైఎస్ జగన్ మోహ‌న్ రెడ్డిపై ఆరోప‌ణ‌లు వెల్లువెత్తాయి. కోడికత్తి దాడి ప్లాన్ చేసుకున్నార‌ని ముందుగానే హీరో శివాజీ వెల్ల‌డించారు. అయినా వెన‌క్కి త‌గ్గ‌కుండా విశాఖ ఎయిర్ పోర్టు కేంద్రంగా కోడికత్తి దా-డి జ‌రిగిపోయింది. అయితే కోడికత్తి దాడిలో గాయ‌ప‌డిన జగన్ రెడ్డికి వైద్యం ఏపీలో జ‌ర‌గ‌కుండా ప్లాన్ చేశార‌ని అనుమానాలున్నాయి. హైద‌రాబాద్లో గాయానికి కుట్లేసిన డాక్ట‌ర్ కి గ‌వ‌ర్న‌మెంటు వ‌చ్చాక కేబినెట్ ర్యాంకు ప‌ద‌వి క‌ట్ట‌బెట్ట‌డం అనుమానాల‌కు బ‌లం చేకూర్చింది. ఏపీలో విచారణ జ‌ర‌గ‌కుండా చూసుకున్నార‌ని అప్ప‌టి ప్ర‌భుత్వంలో పెద్ద‌లు ఆరోపించారు. ఈ కేసు విచారణ నేష‌న‌ల్ ఇన్వెస్టిగేష‌న్ ఏజెన్సీకి బ‌దిలీ అయ్యింది. దాదాపు నాలుగేళ్ల త‌రువాత కోడి కత్తి కేసు విచారణ ఆరంభ‌మైంది. విజయవాడ ఎన్ఐఏ కోర్టులో విచార‌ణ‌కి కోడికత్తి శ్రీను హాజరు కాగా, సాక్షి విశాఖ ఎయిర్‌పోర్టు ఉద్యోగి దినేష్ కుమార్ గైర్హాజరు అయ్యాడు. వ‌చ్చే వాయిదాలో విచారణకు కోడికత్తి దాడిలో గాయ‌ప‌డిన విక్టిమ్ సీఎం జగన్ మోహ‌న్ రెడ్డి కూడా హాజరు కావాలని కోర్టు ఆదేశించింది. కేసు విచారణ ఫిబ్రవరి 15వ తేదీకి వాయిదా వేస్తున్న‌ట్లు న్యాయ‌మూర్తి ప్ర‌క‌టించారు. అప్ప‌టి ఎన్నిక‌ల్లో సానుభూతి కోసం, పీకే ప్లాన్ ప్ర‌కారం కోడికత్తి స్కెచ్ వేసుకుంటే, చివ‌రికి అది సీఎం అయ్యాక త‌న మెడ‌కు చుట్టుకుంటుంద‌ని జగన్ ఊహించ‌లేక‌పోయార‌ని, ఇప్పుడు కోర్టుకి హాజరు కాకుండా ఉండేందుకు ఎలా ప్ర‌య‌త్నిస్తారోన‌ని విప‌క్షాలు ఎదురుచూస్తున్నాయి.