జగన్ మోహన్ రెడ్డి పరిపాలన పై అన్ని వైపుల నుంచి విమర్శలు ఎదురు అవుతున్న వేళ, రాజశేఖర్ రెడ్డి సన్నిహితులు కూడా జగన్ ని విమర్శించటం, ఇప్పుడు వైసీపీ నేతలకు పెద్ద తలనొప్పిగా మారింది. వైఎస్ఆర్ పాలన అందిస్తాను అంటూ, వైఎస్ పేరుతో వచ్చిన జగన్ , ఇప్పుడు ఆయన చేస్తున్న పనులు చూసి, అప్పటి వైఎస్ సన్నిహితులు కూడా వైఎస్ఆర్ పేరు చెడగొడుతున్నారని బాధపడుతున్నారు. తాజాగా వైఎస్ఆర్ ఆత్మగా పేరున్న కేవీపీ రామచంద్రరావు కూడా, జగన్ పాలన పై విరుచుకుపడ్డారు. అయితే కేవీపీ జగన్ పాలనను విమర్శించటం పై, సజ్జల విలేఖరుల సమావేశంలో స్పందించారు. కేవీపీ రామచంద్ర రావు మాటలు తాను చూశానని, అవి ఆయన కాంగ్రెస్ పార్టీ నాయకుడిగా మాట్లాడి ఉంటారు తప్ప, ఆయన వ్యక్తిగతంగా ఆ వ్యాఖ్యలు చేసి ఉండరు అంటూ, కవర్ చేసే ప్రయత్నం చేసారు సజ్జల. దీనికి రాజకీయంగా సమాధానం చెప్పాల్సిన అవసరం లేదని అన్నారు. ఆ వ్యాఖ్యలు వ్యక్తిగతంగానే చూడాలని అన్నారు.