తెలుగు మీడియా ప్రపంచంలో లలితా జ్యెవెలర్స్ యాడ్ సరికొత్త సునామీ సృష్టించింది. ఏ చానెల్ చూసినా, ఏ పేపర్ చదివినా, ఏ రేడియో విన్నా, ఎక్కడ చూసినా లలిత జ్యువెలర్స్ యాడ్ ప్రత్యక్షమవుతుంది. ఆ యాడ్ కోసం ఆ సంస్థ వాళ్లు ప్రచారం కోసం ఎంత డబ్బు ఖర్చు పెడుతున్నారో ఏమో కానీ ఆ ప్ర‌క‌ట‌న ప్ర‌తి చానెల్‌లోనూ, విరామ స‌మ‌యాల్లో అన్ని చాన‌ళ్ల‌లోనూ ఒకేలా వ‌స్తోంది. దీంతో ఈ యాడ్ చూడ‌ని టీవీ ప్రేక్ష‌కులు లేరంటే అతిశ‌యోక్తి కాదేమో. అయితే ఇప్పుడు, చెన్నై కేంద్రంగా కార్యకలాపాలు సాగిస్తున్న ప్రముఖ జువెలరీ సంస్థ లలితా జువెలరీ, విజయవాడలోకి అడుగుపెట్టింది. పిన్నమనేని పాలీ క్లినిక్ రోడ్డులో ఈ షో రూం ప్రారంభం అయ్యింది. శనివారం నాడిక్కడ లలితా జువెలరీ మేనేజింగ్‌ డైరెక్టర్‌ ఎం కిరణ్‌ కుమార్‌ మాట్లాడుతూ.. ఏపీ, తెలంగాణ రాష్ట్రాల్లో తమకు ఇది నాలుగో షోరూమ్‌ అని తెలిపారు.
రూ.300 కోట్ల పెట్టుబడితో ఈ షోరూమ్‌ను ఏర్పాటు చేస్తున్నట్లు ఆయన తెలిపారు. ప్రస్తుతం లలితా జువెలరీ తెలంగాణలోని హైదరాబాద్‌లో ఒక షోరూమ్‌ను నిర్వహిస్తుండగా ఏపీలో తిరుపతి, విశాఖపట్నంల్లో ఒక్కో షోరూమ్‌ను నిర్వహిస్తోందని కిరణ్‌ వెల్లడించారు. ఏపీలో మరో షోరూమ్‌ను తూర్పుగోదావరి జిల్లా, రాజమండ్రిలో త్వరలోనే ప్రారభించనున్నట్లు ఆయన చెప్పారు. చెన్నైకి సమీపంలో ఆంధ్రప్రదేశ్‌ ఉండటంతో ఇక్కడ కార్యకలాపాల విస్తరణపై దృష్టి పెట్టినట్లు ఆయన తెలిపారు. ఈ ఏడాది రూ.15,000 కోట్ల టర్నోవర్‌ లలితా జువెలర్స్ గత ఆర్థిక సంవత్సరం రూ.11,000 కోట్ల టర్నోవర్‌ సాధించింది. ఈ సంవత్సరం ఇది రూ.15,000 కోట్ల వరకు ఉంటుందని అంచనా వేస్తోంది.
మరో మూడేళ్లలో (2020నాటికి) రూ.50,000 కోట్ల టర్నోవర్‌ సాధించాలని లక్ష్యంగా పెట్టుకున్నట్టు కిరణ్‌ కుమార్‌ చెప్పారు. జిఎస్టి అమలుతో నగల వ్యాపారానికి ఎలాంటి ఇబ్బందులు లేవన్నారు. నిజానికి జిఎ్‌సటితో వ్యాపార లావాదేవీల్లో పూర్తి పారదర్శకత ఏర్పడి, రాష్ట్రాల పన్ను ఆదాయమూ పెరుగుతుందని చెప్పారు. వచ్చే మార్చిలోగా రాజమహేంద్రవరంలో రెండు కొత్త షోరూమ్‌ ఏర్పాటు చేయనున్నట్టు వెల్లడించారు. ద‌క్షిణ భార‌త‌దేశంలో లలితా జువెల‌ర్స్‌కు ప్రస్తుతం 11 షోరూంలు ఉన్నాయి. తిరుపతి, హైద‌రాబాద్, వైజాగ్ న‌గ‌రాల్లో షోరూంలు ఉన్నాయి. చెన్పైలో మొద‌లైన లలితా జువెలర్స్ ప్రస్తుతం దేశ‌మంతా విస్త‌రించింది. దేశ‌వ్యాప్తంగా 16 బ్రాంచీలు ఉన్నాయి.