అమరావతి రాజధాని ప్రాంతంలోని, గన్నవరం రూపు రేఖలు మారుస్తూ, ఎన్నో ప్రతిష్టాత్మక ప్రాజెక్ట్ లు రానున్నాయి... ఒక పక్క అంతర్జాతీయ విమానశ్రయం రెడీ అవుతుంటే, మరో పక్క 1260 ఎకరాల విస్తీర్ణంలో మెగా ఇండస్ట్రియల్ కారిడార్ రెడీ అయ్యింది.... మరో పక్క వ్యవసాయ రంగం కూడా, పట్టిసీమ నీటితో కలకలలాడుతుంది....
రాష్ట్రం ఇండస్ట్రియల్ హబ్ గా పరిగణించి, పరిశ్రమలు నెలకొల్పటం, మరో పక్క కేంద్ర ప్రభుత్వం రాష్ట్రానికి మంజూరు చేసిన మెగా ఫుడ్‌పార్కు నెలకొల్పటంతో మల్లవల్లిలో లేఔట్ కు, సీఆర్డీఏ అనుమతులు ఇచ్చింది...
బంగారు శుధ్ధి ప్లాంట్‌ (గోల్డ్‌ రిఫైనరీ), అశోక్ లేల్యాండ్ మోటార్‌ వెహికల్‌ బాడీ బిల్డంగ్‌ యూనిట్‌, మోహన్‌ స్పిన్‌టెక్స్‌ ఏర్పాటుకు మార్గం సుగమమైంది.
దక్షిణ భారతదేశంలో భారీ స్థాయిలో భారీ బాడీ బిల్డింగ్‌ యూనిట్‌ ఏర్పాటు చేయటానికి అశోక్ లేల్యాండ్ కంపెనీకి ప్రభుత్వం 100 ఎకరాలు కేటాయించింది. అలాగే, దేశంలో స్పిన్నింగ్‌ రంగంలో ప్రము ఖ ‘మోహన్‌ స్పిన్‌టెక్స్‌’కు 81 ఎకరాలను ఏపీఐఐసీ కేటాయించింది.
టెక్స్‌టైల్స్‌ రంగానికే చెందిన మరో స్పిన్నింగ్‌ దిగ్గజం ‘వెంటేజ్‌ ప్రాడక్ట్స్‌’ కు కూడా ఏపీఐఐసీ అధికారులు 28 ఎకరాలను కేటాయించారు.
కృష్ణాజిల్లాకు మణిహారంగా నిలిచే ‘లాజిస్టిక్‌ పార్క్‌’ కోసం నేషనల్‌ హైవేస్‌ అథారిటీ ఆఫ్‌ ఇండియా (ఎన్‌హె చ్‌ఏఐ)కు 150 ఎక రాలను ఏపీ ఐఐసీ కేటా యించింది.
అలాగే, మల్లవల్లి ఇన్నోవేటివ్‌ ఇండస్ర్టియల్‌ కారిడార్ లో, మరో 75 చిన్న కంపెనీలకు కూడా ప్రభుత్వం త్వరలో భూమి కేటాయించినుంది.
100 ఎకరాల్లో మెగా ఫుడ్‌పార్క్‌ను ఏపీఐఐసీ అధికారులు అభివృద్ధి చేశారు. మెగా ఫుడ్‌పార్క్‌లో కేంద్ర సంస్థల ఏర్పాటు కోసం ఏ-కారిడార్, రాష్ర్టీయ సంస్థల కోసం బీ-కారిడార్ లుగా విభజిం చారు. కేంద్ర సంస్థల కోసం ఏ కారిడార్‌ను 52 ఎకరాలలోను, బీ కారిడార్‌ను 48 ఎకరాలలో అభివృద్ధి పరిచారు. ఏ-కారి డార్‌లో 19 ప్లాట్లకు లే అవుట్‌ను రూపొందించారు. బీ-కారిడార్‌లో మొత్తం 33 ప్లాట్లకు లే అవుట్‌ను రూపొందించారు.