ఇన్నాళ్ళు స్క్రిప్ట్ రైటర్ లు కావల్సింది, సినిమా వాళ్ళకే అనుకున్నాం, పాపం ప్రధాని పదవికి పోటీ పడే అభ్యర్ధులు కూడా, ఎవరో రాసిచ్చిన స్క్రిప్ట్ చదువుతారని ఇప్పుడే తెలిసింది... ఈ విషయం తెలంగాణ నేత కిషన్‌రెడ్డి గారు చెప్పారు... ప్రత్యేక హోదా విషయమై శనివారం మాట్లాడుతూ, ‘’ఏపీకి ప్రత్యేక హోదా ఇస్తామని తిరుపతి సభలో ఎవరో ఇచ్చిన చీటీ చూసి అన్నారు. ప్రత్యేక హోదాపై అప్పుడు మోదీకి సరైన అవగాహన లేదు. ఇప్పుడు ఏపీకి ప్రత్యేక హోదా ఇస్తే దేశంలో అశాంతి నెలకొంటుంది. అందుకే స్పెషల్‌ ప్యాకేజీ ఇవ్వాలని కేంద్రం నిర్ణయం తీసుకుంది’’ అని చెప్పారు.
ప్రత్యేక హోదా విషయంలో అసత్య ప్రచారాలు చేయటం మానుకోవాలని, ఆంధ్రప్రదేశ్ లో ఉన్న వారికి చెప్తున్నారు కిషన్ రెడ్డి గారు.. అలాగే, ప్రధాని మోదీ జగన్‌కు అపాయింట్‌మెంట్‌ ఇస్తే తప్పేంటని కిషన్‌రెడ్డి ప్రశ్నించారు... జగన్ లాంటి ఆర్ధిక నేరస్థుడికి అపాయింట్‌మెంట్‌ ఎలా ఇస్తున్నారు అని చంద్రబాబు అనటం దారుణం అంట... అన్ని రాష్ట్రాల కంటే, ఆంధ్రప్రదేశ్ కే ఎక్కువ సహాయం చేసారంట.. అంతే కాదు, ప్రత్యెక ప్యాకేజీ ఇచ్చి, కొన్ని లక్షల కోట్లు ఇప్పటికే ఇచ్చారంట...
అయితే ఇక్కడ కిషన్ రెడ్డి గారు, మోడీని వెనకేసుకుని వచ్చే ప్రయత్నంలో, పెద్ద సెల్ఫ్ గోల్ వేసుకున్నారు... ప్రత్యేక హోదా మీద మోడీ గారికి అవగాహన లేకుండా ఎవరో ఇచ్చిన కాగితం పట్టుకొని తిరుపతి సభలో చదివారు అని చెప్తున్నారు, మరి పార్లమెంటులో బీజేపీ పాస్ చేసిన బిల్లు సంగతి ఏంటి? ప్రత్యేక హోదా ప్రతిపాదించిన వెంకయ్య గారు, అరుణ్ జైట్లీ సంగతేంటి..! పార్లమెంటు లో సపోర్ట్ చేసిన ఇతర బీజీపీ నాయకుల సంగతేంటి!? ఎవ్వరికీ అవగాహన లేదా!?? అందరూ ఎవరో రాసిస్తే ఆ కాగితాన్ని చదివేశారా? చివరగా కిషన్ రెడ్డి గారు, హోదా వద్దు అని స్వంతగా చెప్పారా...? లేదా ఎవరో ఒకరు రాసిచ్చిన, లేదా ఏదో పార్టీ వాళ్ళు చెవిలో చెప్పిన విషయాన్ని చెప్పేస్తున్నారా!?