ప్రధాని నరేంద్ర మోదీ తల్లి హీరాబెన్ అస్వస్థకు గురయ్యారు. దీంతో ఆమెను వెంటనే, అహ్మదాబాద్లోని యూఎన్ మెహతా ఆస్పత్రికి తీసుకుని వెళ్ళారు. ఆమెకు వైద్యులు చికిత్స్ చేస్తున్నారు. అయితే ఆమె ఆరోగ్యం ప్రస్తుతం బాగానే ఉందని, ఆందోళన చెందాల్సిన అవసరం లేదని డాక్టర్లు అంటున్నారు. ఈ రోజు జగన్, మోడిని కలిసిన కొద్ది సేపటికి ఈ వార్త వచ్చింది. దీంతో ప్రధాని మోడీ అహ్మదాబాద్ వెళ్తారని తెలుస్తుంది. దీంతో గుజరాత్ పోలీసులు కూడా సెక్యూరిటీ అలెర్ట్ పెట్టారు. నగరం మొత్తం, పోలీసులు సెక్యూరిటీని అలెర్ట్ చేసారు. ఈ మధ్య గుజరాత్ ఎన్నికల సమయంలో, ప్రధాని మోడీ, తల్లిని కలిసి ఆశీసులు తీసుకున్నారు. ఈ ఏడాది జూన్ లోనే, ఆమె వంద సంవత్సరాలు పూర్తి చేసుకున్నారు. ఇక మరో పక్క నిన్న మోడీ సోదరుడి కారు కర్ణాటకలో ప్రమాదానికి గురయింది. ప్రధాని మోదీ సోదరుడు ప్రహ్లాద్ దామోదర్ దాస్ మోదీతో పాటు ఆయన కుటుంబసభ్యులకు కారు ప్రమాదంలో గాయాలు అయ్యాయి.