మాకు ఎదురు తిరిగాడు అనే కోపంతో, చంద్రబాబుని దించటానికి, రెండు నెలల క్రితం ఆపరేషన్ గరుడని, బీజేపీ మొదలి పెట్టిన సంగతి తెలిసిందే. ఇందులో అనేక మందిని కూడగట్టి, చంద్రబాబుని అన్ని వైపుల నుంచి నిరాధార ఆరోపణలతో, నిందించే ప్రయత్నం చేసి, ప్రజల్లో ఆ అబద్ధాలు, నిజం అనే ప్రచారం చేపిస్తుంది బీజేపీ.. దీనికి ప్రత్యక్ష ఉదాహరణ, తిరుమల గొడవ... ఇప్పటికే పవన్ కళ్యాణ్, జగన్, ముద్రగడ, ఐవైఆర్, ఉండవల్లి లాంటి ఉద్దండులను ఈ ఆపరేషన్ గరుడలోకి తీసుకువచ్చిన బీజేపీ, ఇప్పుడు తాజాగా తెలంగాణా నాయకుడు మోత్కుపల్లిని కూడా, ఆపరేషన్ గరుడలోకి ఆహ్వానించింది.. ఈ ఆహ్వానం ఇవ్వటానికి, ఈ రోజు మోత్కుపల్లి ఇంటికి, ఆపరేషన్ గరుడలో సీనియర్ నాయకులు అయిన ముద్రగడను పంపించింది.
మోత్కుపల్లి ఇంటికి వెళ్ళే ముందు, ఐవైఆర్ ను కలిసి, అమూల్యమైన సూచనలు తీసుకుని, ముద్రగడ, మోత్కుపల్లి ఇంటికి వెళ్లారు. చంద్రబాబుని టార్గెట్ చేసుకుని, వీరిద్దరూ చర్చించారు. చంద్రబాబు పతనం కోసం మేము అందరం కలిసి కట్టుగా ప్రయత్నం చేస్తున్నామని, అందుకే మీరు కూడా మాతో కలిసి రావాలని, ముద్రగడ, మోత్కుపల్లిని కోరినట్టు తెలుస్తుంది. అవసరం అయిన అన్ని సహాయాలు నేను మీకు, పై వాళ్ళతో మాట్లాడి, మీకు ఏమి కావాలంటే అది చేస్తానని, హామీ ఇచ్చినట్టు సమాచారం. ఇప్పటికే అన్ని వైపుల నుంచి, అస్త్రాలను చంద్రబాబు మీదకు వదిలామని, పెద్దగా ఉపయోగం ఏమి లేదని, అందుకే తెలంగాణా నేత నుంచి కూడా చంద్రబాబు పై విమర్శలు చేస్తే, బాగుంటుంది అని, మీరు కూడా రండి అంటూ, మోత్కుపల్లిని, ఆంధ్రప్రదేశ్ కు ఆహ్వానించారు ముద్రగడ..
దీంతో మోత్కుపల్లి కూడా నేను ఆంధ్రప్రదేశ్ రాష్టానికి వస్తానని, ఒక రధయాత్ర చేస్తానని, చంద్రబాబుని దించేలానే మీ ప్రయత్నంలో నేను భాగస్వామిని అవుతానని, ముద్రగడకు మాట ఇచ్చారని తెలుస్తుంది.. చంద్రబాబు పతనమే మన అందరికీ కావాల్సింది అని, ఆపరేషన్ గరుడలో నేను భాగస్వామి అవ్వటం, మీలాంటి గొప్ప నేతలు, ఐవైఆర్, పవన్, జగన్, సోము వీర్రాజు లాంటి ఉద్దండులతో కలిసి పని చెయ్యటం నాకు ఎంతో సంతోషంగా ఉందని, మీరు ఏమి చెప్తే, ఎలా చెప్తే అలా చెయ్యటానికి సిద్ధం అని మోత్కుపల్లి, ముద్రగడతో చెప్పారు. ఈ ఆపరేషన్ లోకి వస్తున్నందుకు, సంతోషం అని, త్వరలోనే పై వాళ్లతో మాట్లాడి, మీరు ఏమి చెయ్యాలో చెప్తా అని ముద్రగడ చెప్పినట్టు తెలుస్తుంది. ఇదే విషయం ఒక టిడిపి సీనియర్ నాయకుడు వద్ద ప్రస్తావించి, స్పందన కోరగా, ఆయన మాట్లాడుతూ, "ఇందులో చెప్పటానికి ఏముంది, జోగి జోగి రాసుకుంటే బూడిద రాల్తుంది" అని సింగల్ లైన్ లో తేల్చేసారు...