బీజేపీ జాతీయ అధ్యక్ష్యుడు జేపీ నడ్డా ఆంధ్రప్రదేశ్ పర్యటనకు వచ్చే ముందు మిత్రపక్షాలైన బీజేపీ, జనసేన పార్టీల మధ్య బయట పడిన విబేధాలు. వచ్చే ఎన్నికల్లో, బీజేపీ-జనసేన పార్టీల మధ్య పొత్తు ఉంది కాబట్టి, పొత్తులో భాగంగా ఉమ్మడి ముఖ్యమంత్రి అభ్యర్థిగా పవన్ కల్యాణ్ పేరును, బీజేపీ జాతీయ అధ్యక్ష్యుడు నడ్డా ప్రకటించాలని జనసేన డిమాండ్ చేస్తుంది. అయితే జనసేన నేతల ఇచ్చిన అల్టిమేటంపై, ఆంధ్రప్రదేశ్ భారతీయ జనతా పార్టీ ఘాటుగా సమాధానం చెప్పింది. ఇలాంటి అల్టిమేటంలకు బీజేపీ భయపడదని, జనసేనకు కౌంటర్ ఇచ్చింది బీజేపీ. రాష్ట్రంలో పొత్తులు పైన కానీ, పొత్తులో భాగంగా ముఖ్యమంత్రి అభ్యర్థిపై కానీ, మా అధ్యక్షుడు నడ్డా పర్యటనలో ఎలాంటి ప్రస్తావన కానీ, ప్రకటన కానీ ఉండదు అని, బీజేపీ స్పష్టం చేసింది. మా బీజేపీలో కూడా చాలా మంది ముఖ్యమంత్రి అవ్వగలితే అభ్యర్ధులు ఉన్నారు అంటూ, జనసేన పార్టీని రెచ్చగొట్టే ప్రయత్నం చేస్తూ, మా పార్టీలో ప్రతి కార్యకర్త సమర్ధుడే అంటూ బీజేపీ నేతలు కౌంటర్ ఇస్తున్నారు. ఇక బీజేపీ ఎంపీ జీవీఎల్ మాట్లాడుతూ, మోడీ విధానాలు నచ్చే కదా, జగన్ మోహన్ రెడ్డి అన్ని బిల్లులకు మద్దతు ఇస్తున్నారని, రేపు రాష్ట్రపతి ఎన్నికల్లో కూడా తమకు మద్దతు ఇస్తున్నారని తేల్చి చెప్పారు...