ఈ రోజు బీజేపీ జాతీయ అధ్యక్షుడు జేపీ నడ్డా, ఈ రోజు విజయవాడలో బీజేపీ శ్రేణులతో, దాదాపుగా గంట సేపు మాట్లాడారు. ఆంధ్రప్రదేశ్ లో తమ పార్టీ భవిష్యత్తు వ్యూహాల పై చర్చించారు. అయితే గంట సేపు మాట్లాడిన జేపీ నడ్డా, జనసేన నేతలకు, పవన్ కళ్యాణ్ కు భారీ షాక్ ఇచ్చారు. రెండు రోజుల క్రితమే, పవన్ కళ్యాణ్ పొత్తులు గురించి మాట్లాడారు. రాష్ట్రంలో ఉన్నటు వంటి, ఎన్నికల్లో ఏ విధంగా పొత్తులు ఉంటాయి అనేది స్పష్టం చేస్తూ, బీజేపీతోనే తమ ప్రయాణం అని చెప్పారు. అలాగే జనసేన నేతలకు కూడా, బీజేపీ-జనసేన ఉమ్మడి అభ్యర్ధిగా పవన్ కళ్యాణ్ ని ప్రకటించాలని కోరారు. అయితే ఈ రోజు విజయవాడలో బీజేపీ భవిష్యత్తు వ్యూహం పై , జేపీ నడ్డా, జనసేనతో పొత్తు విషయం పై బీజేపీ శ్రేణులకు స్పష్టం చేస్తారని అందరూ భావించారు. అయితే గంట పాటు మాట్లాడిన నడ్డా, జనసేన ప్రస్తావన చేయలేదు. కనీసం పవన్ కళ్యాణ్ పేరు కూడా తలవలేదు. జనసేన-బీజేపీ పొత్తు గురించి ఎక్కడా మాట్లాడక పోవటంతో, జనసేన శ్రేణులు షాక్ తిన్నాయి. పవన్ సియం అభ్యర్ధిత్వం కాకపోయినా, పొత్తు గురించి అయినా నడ్డా మాట్లాడతారని చెప్పినా, నడ్డా మాత్రం, ఎక్కడా కనీసం పవన్ కళ్యాణ్ పేరు గురించి కూడా ప్రస్తావన చేయకపోవటంతో, జనసేన శ్రేణులు షాక్ తిన్నాయి.