కడప జిల్లాలో తెలుగుదేశం పార్టీ నాయకుడు నందం సుబ్బయ్య హ-త్య తీవ్ర కలకలం రేపింది. ఇళ్ళ పట్టాల విషయంలో అతి పెద్ద స్కాంను ప్రశ్నించినందుకే ఈ ఘటన జరిగిందని అంటున్నారు. ఇప్పటి వరకు అయితే పోలీసులు ఎలాంటి ప్రకటన చేయలేదు. ఈ కేసు విషయానికి వస్తే, తెలుగుదేశం పార్టీకి అధికార ప్రతినిధిగా నందం సుబ్బయ్య ఉన్నారు. ఈ మధ్య కాలంలో పార్టీ తరుపున ఆక్టివ్ గా ఉంటూ, పార్టీ కార్యక్రమాలు భారీగా చేస్తున్నారు. ఈ నేపధ్యంలోనే ఎమ్మెల్యే రాచమల్లు శివప్రసాద్‍రెడ్డి చేస్తున్న పనుల పై రాజకీయంగా టార్గెట్ చేసారు. ఎమ్మెల్యే రాచమల్లు శివప్రసాద్‍రెడ్డి అనేక అవినీతి కార్యక్రమాలు చేస్తున్నారు అంటూ, ఆయన వీడియోలు, ప్రెస్ మీట్ల రూపంలో అనేక ప్రశ్నలు సంధిస్తూ ఉన్నారు. ఆయన పెట్టిన వీడియోలలో కూడా ప్రధానంగా ఎమ్మెల్యే రాచమల్లు శివప్రసాద్‍రెడ్డి ఈ మధ్య కాలంలో చేసిన అవినీతి ఏమిటి అనేది అన్ని అంశాలు అందులో ప్రస్తావిస్తూ వచ్చారు. ఎమ్మెల్యే రాచమల్లు శివప్రసాద్‍రెడ్డి ప్రస్తానం ఎక్కడ నుంచి ప్రారంభం అయ్యింది, ఏ విధంగా ఆయన ఎదిగారు, ఏ విధంగా ఆయన సంపాదించారు, ఏ విధంగా అవినీతి చేసారు అంటూ, అన్ని అంశాల పై ఆరోపణలు చేస్తూ, నందం సుబ్బయ్య ఆ వీడియోల్లో చెప్పటం జరిగింది. దీంతో పాటు ఇళ్ళ స్థలాల విషయంలో కూడా ఆయన అనేక ప్రశ్నలు సంధిస్తూ వచ్చారు.
ఈ రోజు హ-త్య జరిగిన కొన్ని రోజులు ముందు కూడా ఒక వీడియో విడుదల చేసారు. ఈ క్రమంలోనే ఇళ్ళ స్థలాల విషయంలో ఎమ్మెల్యే, అతని బావమరిది అనేక ఆరోపణలు చేసారు. అయితే ఈ రోజు అదే ఇళ్ళ స్థలాలలో ఆయన విగత జీవిగా పడి ఉన్నాడు. తన కొడుకుని ఎమ్మెల్యేని చంపించారు అంటూ, నందం సుబ్బయ్య తల్లి లక్ష్మీదేవి, భార్య అపరాజిత సంచలన ఆరోపణలు చేసారు. ఇళ్ళ స్థలాల విషయంలో అవినీతిని ప్రశ్నించినందుకే ఇలా చేసారు అంటూ, సంచలన ఆరోపణలు చేసారు. అయితే ఈ ఆరోపణలు ఎమ్మెల్యే ఖండించారు. తన పేరుతొ ఎలాంటి కంప్లైంట్ వాళ్ళు ఇవ్వలేదని అన్నారు. అయినా చనిపోయిన వ్యక్తి, అనేక కేసుల్లో ముద్దాయి అని, ఎవరు చేసారో ఏమిటో అంటూ చెప్పుకొచ్చారు. అయితే తాను ఏ భూములు కోసం పోరాడారో, అదే భూమిలో చనిపోయారు. రేపు నారా లోకేష్ కడప వెళ్లనున్నారు. తెలుగుదేశం పార్టీ ఈ విషయన్ని సీరియస్ గా తీసుకుంది. అలాగే ఈ విషయం పై జగన్, డీజీపీకి కూడా చంద్రబాబు లేఖ రాసారు.