నోరు తెరిస్తే అద్భుతంగా మాట్లాడే, వైసీపీ ఎమ్మల్యే రోజా మరో సారి వార్తల్లోకి వచ్చారు... శుక్రవారం ఆమె మీడియాతో మాట్లాడుతూ, తమ అధ్యక్షుడు జగన్ మోహన్ రెడ్డి కి కొత్త పేరు పెట్టారు.... జగన్ ను బాహుబలిగా పోల్చారు... ప్రభాస్ అంటే వారి పార్టీ మొత్తానికి ఇష్టమో ఏమో కాని, జగన్ ను బాహుబలిగా పోల్చారు రోజా... జగన్ ఒక ధీరుడు అని చెప్పుకొచ్చారు... అలాగే ముఖ్యమంత్రి చంద్రబాబు పై కూడా అదే సినిమా డైలాగులతో విరుచుకుపడ్డారు మ్యాడం గారు... అంతే కాదు ఢిల్లీలో ఉన్న పెద్దలను కూడా రోజా ఇదే సినిమా డైలాగులతో పోల్చారు... మొత్తానికి ఈ దేశంలో జగన ఒక్కడే పోటుగాడు అని, దేశం మొత్తంలో ఉన్న మిగతా రాజకీయ నాయకులు చేతకాని వారు తేల్చి చెప్పింది రోజా...
ఆంధ్రప్రదేశ్ యువతను సీఎం చంద్రబాబు మోసం చేశారని వైసీపీ ఎమ్మెల్యే రోజా విమర్శించారు. చంద్రబాబుపై యువత తిరగబడే రోజులు దగ్గరలోనే ఉన్నాయని ఆమె అన్నారు. జగన్ ను బాహుబలిగా పోల్చారు... ఢిల్లీలో శివగామి ఉంది అంటూ సోనియా గాంధీని అన్నారు....ఆంధ్రప్రదేశ్ లో భళ్లాలదేవుడి అంటూ చంద్రబాబుని అంది రోజా... కాని రోజా పాత్ర ఏంటో చెప్పటం మర్చిపోయింది.... కుట్రలకు ఎదురొడ్డి చిరునవ్వుతో ఎదుర్కొంటున్నారని జగన్ అని, రోజా ప్రశంసల వర్షం కురిపించారు. చంద్రబాబు నాయుడుకి బుద్ధి చెబితే ఎంత పద్ధతిగా ఉంటుందో, ఎంత గట్టిగా ఉంటుందో రుచి చూపించాల్సిన సమయం ఆసన్నమైందని అన్నారు.
నాలుగేళ్లు రాష్ట్ర ప్రజలను మోసం చేసిన టీడీపీ ప్రభుత్వానికి ప్రజలు కొట్టే దెబ్బ ఎలా ఉండాలంటే ‘అబ్బా’ అనిపించేలా ఉండాలని రోజా అన్నారు. జగన్‌పై తప్పుడు కేసులు పెట్టించి 16 నెలలు జైల్లో పెట్టించినా చెక్కు చెదరని చిరునవ్వుతో అన్ని సమస్యలను ఎదుర్కొంటున్న జగనన్నను ఒకసారి చూడాలని రోజా అన్నారు. ధైర్యానికి కేరాఫ్ అడ్రస్ ఎవరని అంటే.. జగన్మోహన్ రెడ్డని రోజా వ్యాఖ్యానించారు.