news

ఆంధ్రప్రదేశ్ మాజీ ముఖ్యమంత్రి, తెలుగుదేశం పార్టీ అధినేత చంద్రబాబు, రెండు రోజుల పర్యటన కోసం విశాఖపట్నం వెళ్లారు. ఈ రోజు నుంచి చంద్రబాబు జిల్లాల పర్యటన చేస్తున్నారు. ఈ నేపధ్యంలో, మొదటిగా విశాఖపట్నం జిల్లాలో పర్యటిస్తున్నారు. తెలుగుదేశం విశాఖ నగర కార్యాలయంలో నియోజకవర్గాల వారీగా ఆయన సమీక్షలను ప్రారంభించారు. ఈ సందర్భంగా, చంద్రబాబు కార్యకర్తలను, నాయకులు ఉద్దేశించి, ప్రసంగం మొదలు పెట్టరు. చంద్రబాబు ప్రసంగం మొదలు పెట్టిన 15 నిమషాలకు, ఒకేసారి కరెంటు పోయింది. సరిగ్గా చంద్రబాబు కరెంట్ కష్టాలు పై మాట్లాడుతూ ఉన్న సమయంలోనే, కరెంటు పోయింది. సడన్ గా జరిగిన ఈ సంఘటనతో, అక్కడ అంతా చీకట్లు అలుముకున్నాయి. తరువాత కొద్ది సేపటికి, కరెంటు వచ్చింది. అయితే ఏకంగా రాష్ట్ర ప్రతిపక్ష నాయకుడికే కరెంటు కష్టాలు ఎదురు అవ్వటంతో, రాష్ట్రంలో పరిస్థితి ఎలా ఉందొ అర్ధం చేసుకోవచ్చు.

కరెంటు పోయిన వెంటనే, ఇదే జగన్ మార్క్ పాలన అంటూ కార్యకర్తలు నినాదాలు చేసారు. కరెంటు వచ్చిన తరువాత, చంద్రబాబు మాట్లాడుతూ ఉండగా, మరోసారి కరెంటు పోయి, చివరకు లో కరెంటు వచ్చింది. దీంతో అక్కడ ఫ్యాన్ లు కూడా పని చేయని పరిస్థితి వచ్చింది. ఈ ఘటన పై చంద్రబాబు మాట్లాడుతూ, చూసారా తమ్ముళ్ళు, ఇది రాష్ట్రంలో పరిస్థతి, గత 15 రోజులుగా రాష్ట్రంలో కరెంటు కష్టాలు అధికం అయ్యాయి. వర్షాలు పడుతున్నాయి, చల్లగా వాతావరణం ఉంది, అయినా కరెంటు కోతలు ఉన్నాయి అంటే, వీళ్ళు ఎంత అసమర్దులో అర్ధమవుతుందని అన్నారు. బొగ్గు లేదని సిగ్గు లేకుండా చెప్తున్నారని, బొగ్గు అయిపోయే దాకా, ఏమి చేస్తున్నారని, చంద్రబాబు ప్రశ్నించారు.

అలాగే తన మీద కోపంతో, తనని జైలుకు పంపించాలని, విద్యుత్ పీపీఏల పై సమీక్ష అని చెప్పి, సోలార్, విండ్ ఎనర్జీ తీసుకోవటం లేదని, అటు బొగ్గు లేదని, చివరకు ప్రజలు కష్టాలు పడుతున్నారని అన్నారు. ఒక పక్క కేంద్రంతో పాటు, కోర్ట్ లు కూడా విద్యుత్ ఒప్పందాల్లో ఎలాంటి అవినీతి జరగటం లేదు అని చెప్తున్నా, వీళ్ళు మాత్రం ఇష్టం వచ్చినట్టు చేస్తున్నారని, చివరకు ప్రజలు ఇబ్బంది పడుతున్నారని, చంద్రబాబు అన్నారు, చంద్రబాబు మాట్లాడిన, దాదపుగా 30 నిమిషాల పాటు, కరెంటు రావటం, పోవటం, లో కరెంటు రావటం, ఇవన్నీ చూసిన చంద్రబాబు, ఇది రాష్ట్రంలో కరెంటు పరిస్థితి అని అన్నారు. మొత్తానికి, రాష్ట్రంలో ఉన్న కరెంటు పరిస్థితి గురించి, ప్రతిపక్ష నాయకుడు చంద్రబాబుకి కూడా రుచి చూపించింది, ప్రభుత్వం.

రాజు తలుచుకుంటే, సామాన్య ప్రజలైనా, ఎవరైనా తల వంచాల్సిందేనా ? రేపు అనంతురం జిల్లాలో, జగన్ మోహన్ రెడ్డి పర్యటిస్తున్నారు. వైఎస్ఆర్ కంటి వెలుగు అనే పధకం ప్రారంభం చెయ్యటానికి, జగన్ అనంతపురం వెళ్తున్నారు. అయితే ఆయన సభ ఏర్పాటుల్లో భాగంగా, ఏర్పాట్లు కోసం, అధికారులు అత్యుత్సాహం చూపించారు. జగన్ వచ్చే బహిరంగ సభ వేదిక వద్ద ఏర్పాట్లు కోసం, అక్కడ ఉన్న ఇల్లు తొలగించే ప్రయత్నం చేసారు. ఆ వేదిక వద్ద 50 ఏళ్ళుగా ఉంటున్న ఇళ్ళని, జేసీబీతో తొలగించారు. కేవలం ఆయన ఒక్క గంట మీటింగ్ కోసం, 50 ఏళ్ళుగా ఉంటున్న మా ఇళ్ళు తొలగిస్తారా అనే ఎదురు తిరిగిన స్థానికుల పై, అధికారులు దౌర్జన్యం చేశారు. ఈ తతంగం అంతా, దాదపుగా రెండు గంటల పాటు సాగింది. స్థానికులు ఎంత అడ్డు పడినా, అధికారంతో, వారిని పక్కకు తోసేసి, జేసీబీలతో ఇళ్ళు తొలగించారు.

అక్కడకు వచ్చిన మీడియా కవరేజ్ ని కూడా అడ్డుకున్నారు. మీడియా పై కూడా అధికారులు దౌర్జన్యం చేసారు. మునిసిపల్ అధికారులు, రెవిన్యూ సిబ్బంది దగ్గరుండి, పేదల ఇళ్ళు తొలగించారు. అక్కడ ఉన్న పేదల గుడిసెలు, పీర్ల చావిడి కూడా తొలగించారు. దీంతో అక్కడ ఉద్రిక్త పరిస్థితి ఏర్పడింది. పేదలు కావటంతో, బాధపడటం మినహా, అధికారులను నిలువరించలేక పోయారు. జగన్ ఒక్క గంట పాటు చేసే పర్యటన, అక్కడ 50 ఏళ్ళుగా ఉంటున్న నిరుపేదల పాలిట శాపంగా మారింది. చివరకు, అక్కడ ఉన్న పీర్ల చావిడిని తొలగించవద్దని ముస్లిం మత పెద్దలు అధికారుల వద్దకు వెళ్లి వేడుకున్నారు. అయినా అధికారులు కనికరించలేదు. దీంతో జేసిబీలతో అది కూడా కూల్చేసారు. మాకు ఆదేశాలు ఉన్నాయి అంటూ పడగోట్టేసారు.

అధికారుల చర్యల పై తెలుగుదేశం పార్టీ నేతలు మండి పడుతున్నారు. కంటి వెలుగు ప్రారంభోత్సవానికి వస్తున్న, ప్రభుత్వానికే ముందు కంటి పరీక్షలు చెయ్యాలని, వారికి పేదల కష్టాలు కంటికి కనిపించటం లేదని విమర్శిస్తున్నారు. అయితే, ఇప్పటికే ఈ పధకం చంద్రబాబు హయంలో ఉంది. తెలంగాణా కంటే ముందే, ఈ పధకం "ముఖ్యమంత్రి ఐ కేంద్రాల" పేరుతొ ఆంధ్రప్రదేశ్ లో అప్పటి ముఖ్యమంత్రి చంద్రబాబు ప్రారంభించారు. తరువాత తెలంగాణా కంటి వెలుగు పేరుతొ పెట్టింది. చంద్రబాబు పెట్టిన ఈ పధకంలో, దాదపుగా 10 లక్షల మందికి పైగా కళ్ళ జోళ్ళు కూడా పంపిణీ జరిగింది. ఇప్పటికే ఉన్న ఈ పధకానికి, ఇంత హడావిడి ఎందుకని ? పేరు మార్చి, అదే కంటిన్యూ చెయ్యచ్చు కదా, అని తెలుగుదేశం పార్టీ ఆరోపిస్తుంది.

విశాఖపట్నం ఎయిర్ పోర్ట్ లో తెలుగుదేశం శ్రేణులకు నిరుత్సాహానికి గురయ్యారు. ఎన్నికల ఫలితాలు తరువాత, మొదటి సారూ విశాఖపట్నం వస్తున్న మాజీ ముఖ్యమంత్రి, తెలుగుదేశం పార్టీ అధినేత చంద్రబాబు నాయుడుకి , ఘన స్వాగతం పలకటానికి, వైజాగ్ ఎయిర్ పోర్ట్ కి చేరుకున్నారు. అక్కడ నుంచి చంద్రబాబుని భారీ ర్యాలీ మధ్య తీసుకువెళ్లటానికి సన్నాహాలు చేసిన వేళ, పోలీసులు వారికి షాక్ ఇచ్చారు. చంద్రబాబు నాయుడు ర్యాలీని పోలీసులు అడ్డుకున్నారు. వైజాగ్ ఎయిర్ పోర్ట్ నుంచి, పెద్ద ఎత్తున వచ్చిన అభిమానులతో కలిసి, చంద్రబాబు తన కాన్వాయ్ తో బయలుదేరగానే, పోలీసులు వచ్చి చంద్రబాబు కాన్వాయ్ ని అడ్డుకున్నారు. ర్యాలీకి ఎలాంటి అనుమతి లేదని, మీ కాన్వాయ్ ఒక్కదానికే అనుమతి ఉంది అంటూ, పోలీసులు చంద్రబాబు కాన్వాయ్ ని ముందుకు కదల నివ్వలేదు. పెద్ద ఎత్తున కార్యకర్తలు అక్కడ ఉండటంతో, ముందు జాగ్రత్తగా, అక్కడి నుంచి ఎన్ఏడీ జంక్షన్‌కు చంద్రబాబు కాన్వాయ్‌ను తరలించారు.

ఈ సమయంలో, ఎవరూ ఉద్రేకానికి లోను కావద్దని, వారు చెప్పినట్టే చేద్దాం అని, చంద్రబాబు చెప్పటంతో, కార్యకర్తలు ఎవరూ ఆందోళన చెయ్యలేదు. ఎన్ఏడీ జంక్షన్‌కు చేరిన చంద్రబాబు కాన్వాయ్‌ను, అక్కడ కార్యకర్తలు, నేతలను చెదరగొట్టి, అక్కడ నుంచి చంద్రబాబు కాన్వాయ్ ని పంపించారు. అంతకు ముందు కూడా, చంద్రబాబుకి స్వాగతం పలకటానికి వచ్చిన కార్యకర్తలను కూడా, ఎయిర్ పోర్ట్ కి రానివ్వకుండా, ఎన్ఏడీ జంక్షన్‌ వద్దే వారిని ఆపేశారు. పోలీసుల తీరుపై ఎమ్మెల్యేలు వాసుపల్లి, వెలగపూడి నిరసన తెలిపారు. మరికొందరు కార్యకర్తలను విమానాశ్రయంలోనూ పోలీసులు నిలిపివేశారు. అయితే, విజయసాయి రెడ్డి లాంటి చిన్న నేత వచ్చినా, హంగామా చేస్తూ వెళ్తారని, అప్పుడు లేని ఇబ్బంది, చంద్రబాబుకి స్వాగతం చెప్పటానికి వస్తే వచ్చిందా అంటూ తెలుగుదేశం నేతలు, పోలీసులను ప్రశ్నిస్తున్నారు.

పోలీసులు మాత్రం, మా పని మేము చేసాం అని, అంటున్నారు. జిల్లాల పర్యటనలో భాగంగా చంద్రబాబు ఇవాళ విశాఖ చేరుకున్నారు. పార్టీ జిల్లా కార్యాలయంలో నేతలతో సమీక్షా సమావేశం జరపనున్నారు. ఎయిర్ పోర్టులో ఆయనకు పార్టీ నాయకులు, కార్యకర్తలు ఘనస్వాగతం పలికారు. ఈ కార్యక్రమంలో వెలగపూడి రామకృష్ణబాబు, వాసుపల్లి గణేశ్ ఇతర సీనియర్ నేతలు పాల్గొన్నారు. ప్రజాప్రతినిధులు, మాజీ ప్రజాప్రతినిధులు సహా రాష్ట్ర, జిల్లా కమిటీలు, అనుబంధ సంఘాల నాయకులంతా హాజరవుతున్నారు. పార్టీ లెక్కల ప్రకారం ఒక్కో నియోజకవర్గం నుంచి 60 మందిని పిలిచారు. నాయకులతో కలిపి ప్రతీ సమీక్షకు వందమందికిపైగా హాజరయ్యే అవకాశం ఉంది. ఇక చంద్రబాబు ఈ రెండు రోజులు, కార్యాలయం ఆవరణలోనే చంద్రబాబు, ఆయన వ్యక్తిగత సహాయకులు, భద్రత సిబ్బంది బస చేస్తారు. ఆరుబయట పెద్ద తెరలు ఏర్పాటు చేసి షామియానాలు వేశారు.