news

భారతీయ జనతా పార్టీ నేత , కేంద్ర మాజీ మంత్రి కృష్ణంరాజుకు విజయవాడ పర్యటనలో చుక్కలు కనిపించాయి. ఆయన హోదా పక్కన పెట్టి, వయసును ద్రుష్టిలో పెట్టుకుని అయినా, అధికారులు ఏ మాత్రం పట్టించుకోలేదు. ఈ సంఘటన విజయవాడ ఇంద్రకీలాద్రి పై జరిగింది. ఇంద్రకీలాద్రి కనకదుర్గమ్మ గుడిలోనే, కృష్ణం రాజుకి అవమానం జరిగిందని బీజేపీ నేతలు వాపోతునారు. మాజీ కేంద్ర మంత్రి అయినా, కృష్ణంరాజుకి కనీస గౌరవం ఇవ్వడానికి కాని, లేక ఆయన వయసుని ద్రుష్టిలో పెట్టుకుని అయినా, ఆయనకు సహకరించటానికి అధికారులెవరూ సిద్ధపడలేదు. ఇంద్రకీలాద్రిలో ఉన్న ఒక్క కానిస్టేబుల్స్ కాని, దుర్గగుడి అధికారులు కాని, అయన మోర ఆలకించలేదు, ఆయన్ను పట్టించుకోలేదు. కనకదుర్గ అమ్మవారి కుంకుమార్చన సేవలో పాల్గుంటానని, తగిన విధంగా సహకరించాలని, ముందుగా దుర్గగుడి అధికారులకు, కృష్ణం రాజు సమాచారం ఇచ్చారు.

దీంతో ఆయన కుటుంబంతో సహా ఇంద్రకీలాద్రి వచ్చారు. అయితే భక్తులు అధికంగా ఉండటంతో, అధికారులు ఎవరూ ఆయన వద్దకు రాలేదు. అయితే విషయం ఎవరికి చెప్పినా, ఒక్కరంటే ఒక్క అధికారి కూడా ఆయన్ను పట్టించుకోలేదు. దాంతో ఆయనే స్వయంగా కుటుంబంతో సహా ఆరో అంతస్తుకు వెళ్లారు. వయోభారం కావటంతో, ఆయన అన్ని అంతస్తులు ఎక్కటానికి, తీవ్ర ఇబ్బంది పడ్డారు. సామాన్య భక్తులతో పాటు వెళ్లడంతో, తోపులాటలో, తీవ్ర ఇబ్బంది పడ్డారు. పైకి ఎక్కలేని పరిస్థితుల్లో ఉన్నానని అధికారులకు ఎంత చెప్పినా, ఆయనకు ఎవరూ సహకరించ లేదు. ఆయన పట్ల నిర్లక్ష్యం ప్రదర్శించారు. కుంకుమార్చన జరిగే ప్రదేశానికి వెళ్లడానికి కృష్ణంరాజు చాలా అవస్థలు పడ్డారు. పైకి ఎక్కుతూ, కొన్నిసార్లు ఆయాసంతో కూర్చుండిపోయారు.

చివరికి అతి కష్టం మీద పైకి ఎక్కి పూజలు చేసారు. కృష్ణంరాజునుకావాలనే ఇలా ఇబ్బంది పెట్టారని బీజేపీ విమర్సిస్తుంది. ఆయన ఒక మాజీ కేంద్ర మంత్రి అని, అలా కాకపోయినా, కనీసం మానవాతా వాదంతో అయినా స్పందించాలి కదా అని కోరారు. సాచిన్న చిన్న వైసీపీ నేతలు వస్తేనే, హడావిడి చేస్తూ, వారిని, వారి బంధువులకు సకల మర్యాదలు చేస్తున్నఆలయ అధికారులు, మాజీ కేంద్రం మంత్రికి ఇచ్చే గౌరవం ఇదేనా అని, బీజేపీ ప్రశ్నిస్తుంది. సామాన్య భక్తుల కోసం కూడా సరైన ఏర్పాట్లు చేయలేదని వార్తల్లో చూస్తున్నామని, వైసీపీ నేతలు, వారి అనుచరులకు మాత్రం, పెద్ద పీట వేస్తున్నారని, అధికారులు కూడా ఇలా ప్రవర్తించటం దారుణం అని అంటున్నారు. కృష్ణంరాజు ముందస్తుగా సమాచారం పంపినప్పటికీ., ఉద్దేశపూర్వకంగానే ఆయనను ఇబ్బంది పెట్టినట్లుగా చర్చ జరుగుతోంది.

ఆంధ్రప్రదేశ్ పోలీసులు చేసిన పనితో, ఆంధ్రప్రదేశ్ పరువు జాతీయ స్థాయిలో పోయింది. జాతీయ మీడియాలో కధనాలు రావటంతో, ఏపి పోలీసుల చేత ప్రభుత్వం, చేపించిన పని చూసి, జాతీయ స్థాయిలో విమర్శలు వస్తున్నాయి. ఏఎన్ఐ, బిజెనెస్ స్టాండర్డ్ లాంటి పత్రికల్లో కూడా, ఈ విషయం ప్రముఖంగా ప్రస్తావించారు. ఇక విషయానికి వస్తే, ఆటోలు ఉన్న వారికి, వాహన మిత్ర పధకం కింద, ఏడాదికి 10 వేలు ఇవ్వటానికి ప్రభుత్వం నిర్ణయించిన సంగతి తెలిసిందే. ఈ కార్యక్రమాన్ని జగన్ మోహన్ రెడ్డి ప్రారంభించారు కూడా. అయితే లబ్దిదారుల విషయంలో భారీగా కోత పడింది అనే విమర్శలు వచ్చాయి. 6 లక్షల మందికి పైగా ఆటోలు ఉన్నవారు ఉంటే, అనేక నిబంధనలు సాకుగా చూపి, కేవలం లక్షకు పైగా మాత్రమే ఈ పధకం అమలు చెయ్యటం పై విమర్శలు వచ్చాయి. ప్రతిపక్షాలు ఎన్ని ప్రశ్నించినా, ప్రభుత్వం మాత్రం వీటికి సమాధానం చెప్పకుండా, ప్రచారం మాత్రం ఘనంగా చేసుకుంటుంది.

ఈ కార్యక్రమం ప్రారంభించిన సమయంలో మంత్రి అవంతి శ్రీనివాస్ మాట్లాడుతూ, ఆటోల వెనుక జగన్ ఫోటో అంటించుకొండి, మీ పై పోలీసులు ఎటువంటి కేసులు పెట్టరు, మిమ్మల్ని ఆపరు అంటూ చెప్పిన విషయం తెలిసిందే. అయితే, ఈ విషయాన్నీ సీరియస్ గా తీసుకున్నారో, లేక ప్రభుత్వం ఆదేశించిందో కాని, పోలీసులు వెంటనే రంగంలోకి దిగారు. జగన్ మోహన్ రెడ్డి స్టికర్లు పట్టుకుని రోడ్డు మీదకు వచ్చారు పోలీసులు. వచ్చే పోయే ఆటోలను ఆపుతూ, వారికి ఇష్టం లేకపోయినా, చివరకు వారికి 10 వేలు రాకపోయినా సరే, స్టికర్ లు అంటించి వేసారు. కృష్ణా జిల్లలో, రవాణా శాఖ సిబ్బంది, పోలీసులు, ఖాకీ యునిఫారం ధరించి మరీ, జగన్ మోహన్ రెడ్డి స్టికర్లు అంటిస్తూ వీడియోకి చిక్కారు. ఈ వీడియోలు సోషల్ మీడియాలో వైరల్ అయ్యాయి.

విజయవాడ బందరు రోడ్డులో మోటార్‌ వెహికల్‌ ఇన్‌స్పెక్టర్ల ఆధ్వర్యంలో రవాణా, పోలీసు సిబ్బంది ఈ పని చేసారు. పోలీసులు ఉండటంతో, అటోవాలాలకు ఇష్టం లేకపోయినా తప్పలేదు. దీంతో ఈ వార్త సోషల్ మీడియాలో వైరల్ అవ్వటంతో, మెయిన్ స్ట్రీమ్ మీడియాలో కూడా ఈ వార్తలు వచ్చాయి. మెయిన్ స్ట్రీమ్ మీడియానే కాదు, నేషనల్ మీడియాలో కూడా ఈ భాగోతం వచ్చింది. ‘మా గురించి ఆలోచన చేసిన జగనన్నకు థ్యాంక్యూ - వైఎ్‌సఆర్‌ వాహన మిత్ర’ అనే స్టిక్కర్లను, ఆటలను ఆపి మరీ, వీరు అంటించటం పై, సర్వత్రా విమర్శలు వస్తున్నాయి. గతంలో ఏపి పోలీసులకు ఎన్నో జాతీయ అవార్డులు వచ్చాయని, అలంటి పోలీసుల చేత, ఇలా ఆటోలకు స్టికర్లు అంటించే పని చెయ్యటం ఏంటని ప్రశ్నిస్తున్నారు. అలాగే మద్యం దుకాణాల్లో తనిఖీలు చేసే ఎక్ష్సైజ్ పోలీసుల చేతే, మద్యం అమ్మించటం పై కూడా విమర్శలు వస్తున్నాయి.

దసరా పండుగ రోజున, తెలుగుదేశం పార్టీలో గత నాలుగేళ్ళుగా ఉన్న కోవర్ట్ వెళ్లిపోయాడని, పార్టీకి పట్టింది ఈ రోజుతో వెళ్ళిపోయిందని, తెలుగుదేశం పార్టీ కార్యకర్తలు సంతోషిస్తున్నారు. ఇన్నాళ్ళు ఇతను కోవర్ట్ అని తెలియక, చంద్రబాబు అతనికి, పార్టీలో టాప్ స్థానం ఇచ్చారని, చివరకు, ఇక్కడవి అన్నీ అక్కడ చేరవేసి, పార్టీకి నష్టం చేసి, ఈ రోజు పార్టీ వదిలి వెళ్లిపోయారని, చంద్రబాబు ఇకనైనా, ఇలాంటి వారి విషయంలో జాగ్రత్తగా ఉండాలని, తెలుగుదేశం కార్యకర్తలు అంటున్నారు. ఆ నేతే జూపూడి ప్రభాకర్. చంద్రబాబు ఆయనకు అధిక ప్రాధాన్యత ఇచ్చి, ఎమ్మెల్సీ కూడా చేద్దామని అనుకున్నారు. కాని చివరలో, ఏదో టెక్నికల్ ఇబ్బంది వచ్చి, పదవి చేజారింది. అయినా జూపూడికి ఏదో ఒకటి చెయ్యాలని, ఎస్సీ కార్పొరేషన్ చైర్మెన్ చేసారు చంద్రబాబు. అయితే కొంత మంది అధికారం లేకపోతె ఉండలేరు కదా, అందుకే ఇప్పుడు జూపూడి జంప్ కొట్టారు.

ఈ రోజు జగన్ సమక్షంలో వైసిపీలో చేరిన జూపూడి, తండ్రి లేని జగన్ కు అండగా ఉండటానికి, ఆయన వద్దకే వచ్చానని, నేను దారి తప్పిన గొర్రె లాగా అటు వైపు వెళ్లానని, ఇప్పుడు తప్పు తెలుసుకుని, ఇటు వచ్చానని చెప్పారు. జగన్‌లో ఫెడరల్ క్యాస్ట్రో విధానాలు కనిపిస్తున్నాయన్నారు. ఆంధ్రా ఐరన్‌ మ్యాన్‌ విజయసాయిరెడ్డి అని చెప్పారు. పదవులు ఆశించి వైసీపీలో చేరలేదన్నారు. పార్టీని ఎన్నో ఏళ్లగా అంటిపెట్టుకుని ఉన్న నేతలను కాదని, సామాజిక నేపథ్యం దృష్ట్యా, జూపూడి లాంటి వారికి అందలం ఎక్కిస్తే, ఏమవుతుందో, ఇప్పటికైనా అధిష్టానం తెలుసుకోవాలని, తెలుగుదేశం కార్యకర్తలు అంటున్నారు. 2014లో వైసీపీ తరుపున ఎమ్మేల్యేగా పోటీ చేసి, ఓడిపోయి, చంద్రబాబు వద్దకు వచ్చి, పదవి పొంది, ఇప్పడు టిడిపి ఓడిపోగానే, అటు జంప్ కొట్టారని, ఇలాంటి రాజకీయం నడుస్తుందని అంటున్నారు.

ఇక జూపూడి పార్టీ మార్పు పై, తెలుగుదేశం శాసనసభ్యుడు, డోలా బాల వీరాంజనేయ స్వామి స్పందిస్తూ, " జూపూడికి అధికారమే పరమావధి. అందుకే అధికారంలో ఉన్న పార్టీలోనే ఉండడానికి జూపూడి ప్రయత్నిస్తారు. గడ్డి ఉన్న చోటకు గొర్రె పరుగులు పెట్టినట్లు జూపూడి ప్రభాకర్‌ రావు వైఖరి ఉంది. గతంలో దళిత పులిని అంటూ ప్రకటన చేసుకుని నేడు ఆ దళితులను వంచిస్తూ.. వైసీపీలో చేరారు. 'జగన్‌ కాలకేయుడు, ప్రమాదకరమైన విషం' అంటూ గతంలో విమర్శించారు. జగన్‌ ఓ సైకో.. అందుకే తండ్రి బతికున్నంత కాలం దూరంగా ఉంచారని నాడు వ్యాఖ్యానించి.. నేడు తండ్రి లేని వ్యక్తికి తోడుగా నిలవడానికి వెళ్తున్నా అనడం జూపూడి ప్రభాకరరావు అవకాశవాదానికి నిదర్శనం. అక్రమాస్తులతో ఏర్పాటైన పార్టీ, అవినీతి పరుల పార్టీ అంటూ వైసీపీని జగన్మోహన్‌ రెడ్డిని గురించి పేర్కొన్న జూపూడి నేడు వారి చెంతకు ఎందుకు వెళ్లినట్లు.? అవినీతికి కేరాఫ్‌ అడ్రస్‌ అయినటువంటి జగన్మోహన్‌ రెడ్డిని ఫెడల్‌ క్యాస్ట్రోతో పోల్చడం సిగ్గుచేటు. జైలుకు వెళ్లొచ్చిన వారంతా ఉద్యమకారులు కాదనే విషయం జూపూడి గుర్తించాలి. జగన్‌ ఏ కారణంగా జైలుకు వెళ్లారో ప్రజలందరికీ తెలుసు. పోలిక విషయంలో అయినా జూపూడి కాస్త ఆలోచించి మాట్లాడాలి. జూపూడి పొగడ్తలు, ప్రశంసలు అన్నీ కూడా పదవుల కోసమేనని ప్రజలు గుర్తిస్తున్నారు. దళిత నాయకుడిగా జూపూడి వైసీపీలో చేరి అన్యాయం చేశారు. రంగులు మార్చడంలో ఊసరవిల్లితో పోటీపడుతూ... దళితుల్ని నిలువునా వంచిస్తున్నారు. జగన్‌ను నమ్మి వెళ్లడమంటే కుక్కతోక వంకర అనే విషయాన్ని జూపూడి గుర్తించాలి." అని అన్నారు.