news

వైసీపీ పాలనలో అరాచకాలు, అవినీతిలో ఫస్ట్ ప్లేస్ వస్తున్న ఆంధ్రప్రదేశ్ .. అభివృద్ధి, ఆదాయం,ఎగుమతులలో లాస్ట్ ప్లేస్ సాధిస్తోంది. సాఫ్ట్ వేర్ ఎగుమతుల్లో ఏపీ తీరు అధ్వానం ఉందని కేంద్రం వెల్లడించింది. సాఫ్ట్ వేర్ ఎగుమతుల్లో మొదటి స్థానంలో కర్నాటక, మూడో స్థానంలో తెలంగాణ ఉంటే చిట్టచివరి స్థానంలో ఆంధ్రప్రదేశ్ నిలిచింది. విదేశాలకు భారతదేశం నుంచి సాఫ్ట్ వేర్ ఎగుమతుల్లో ఏపీ వాటా కేవలం 0.1 శాతం మాత్రమేనని రాజ్యసభలో కేంద్ర ప్రభుత్వం గణాంకాలు వెల్లడించింది. రాజ్యసభలో సభ్యులు అడిగిన ప్రశ్నలకు కేంద్రమంత్రి రాజీవ్ చంద్రశేఖర్ డేటాతో సమాధానం ఇచ్చారు. దీని ప్రకారం 2021-22లో భారత్ నుంచి సాఫ్ట్ వేర్ ఎగుమతులు విలువ రూ.11.89 లక్షల కోట్లు అని వెల్లడించారు. సాఫ్ట్ వేర్ టెక్నాలజీ పార్క్స్ ఆఫ్ ఇండియా కింద నమోదైన యూనిట్లు రూ.6.29 లక్షల కోట్లు, సెజ్ కింద నమోదైన యూనిట్లు రూ.5.3 లక్షల కోట్లు ఈ సాఫ్ట్ వేర్ ఎగుమతుల్లో వున్నాయని పేర్కొన్నారు. అత్యధిక సాఫ్ట్ వేర్ ఎగుమతులు కలిగిన రాష్ట్రాలలో దక్షిణాది నుంచి కర్ణాటక, తెలంగాణ మొదటి మూడుస్థానాల్లో ఉన్నాయి. కర్ణాటక 3.96 లక్షల కోట్లు, మహారాష్ట్ర రూ.2.37 లక్షల కోట్లు, తెలంగాణ రూ.1.81 లక్షల కోట్లు సాఫ్ట్ వేర్ ఎగుమతులు సాధించాయి. ఆంధ్రప్రదేశ్ నుంచి ఎగుమతులు కేవలం రూ.1,256 కోట్లు మాత్రమేనని, ఇది మొత్తం దేశం సాఫ్ట్ వేర్ ఎగుమతులలో కేవలం 0.1 శాతం మాత్రమేనని కేంద్ర మంత్రి ప్రకటించాారు.

టిడిపి జాతీయ అధ్యక్షుడు చంద్రబాబుపై దా-డు-ల-కు కుట్రలు జరుగుతున్నాయా? ఆయనకి ప్రాణహాని తలపెట్టేందుకు కూడా ప్రయత్నిస్తున్నారా? జరుగుతున్న వరస సంఘటనలతో కేంద్ర నిఘా సంస్థలు ఆందోళన వ్యక్తం చేస్తున్నాయి. తిరుపతి పార్లమెంటు ఉప ఎన్నిక సందర్భంగా బహిరంగ సభలో టిడిపి జాతీాయ అధ్యక్షుడు చంద్రబాబు లక్ష్యంగా రాయితో దా-డి చేశారు. దీనిపై రాష్ట్ర ప్రభుత్వం కనుసన్నల్లో పోలీసులు లైట్ తీసుకున్నారు. అమరావతి ప్రాంతంలో చంద్రబాబు బస్సుపై చెప్పులతో దా-డి చేశారు. దీనిపై నాటి డిజిపి భావప్రకటన స్వేచ్ఛ అంటూ కొత్త భాష్యం చెప్పారు. చంద్రబాబు ఇంటిపైకి వైసీపీ ఎమ్మెల్యే జోగి రమేష్ తన గూండాలతో దా-డికి దిగారు. ఇదేమో చంద్రబాబుకి వినతిపత్రం ఇవ్వడానికి వెళ్లారని జోగి రమేష్ పై కేసు కూడా పెట్టలేదు. నందిగామ ప్రాంతానికి చంద్రబాబు పర్యటనకి వెళ్లారు. అక్కడా పూలు మాటున రాళ్లు విసిరారు. విసిరిన వైసీపీ కార్యకర్తల్ని సాక్ష్యాలతో సహా టిడిపి పట్టి పోలీసులకు పంపితే, వారిపైనా కేసు లేదు. జెడ్ ప్లస్ కేటగిరీ భద్రతలో ఉన్న చంద్రబాబుపై దా-డులకు పదేపదే పాల్పడేందుకు జరుగుతున్న ప్రయత్నాలు, కేసులు నమోదు చేయకుండా వైసీపీ కనుసన్నల్లో పనిచేసే పోలీసులు నీరుగారుస్తుండడంతో అనుమానాలు వెల్లువెత్తుతున్నాయి.

ఈ నేపథ్యంలో చంద్రబాబు భద్రతపై కేంద్ర నిఘా వర్గాల ఆందోళన వ్యక్తం చేశాయి. భద్రత పెంచాలని కేంద్ర నిఘా వర్గాలు సూచించాయి. చంద్రబాబు పర్యటనలకలు పోటెత్తుతున్న జన ప్రభంజనం మాటున దాడులు జరిగే అవకాశం ఉందని కేంద్ర నిఘా వర్గాల హెచ్చరికలు జారీ చేశాయి. కేంద్రం నిఘా వర్గాల హెచ్చరికలతో అప్రమత్తమైన ఎన్ఎస్‌జీ టీమ్ అప్రమత్తమైంది. టీడీపీ కేంద్ర కార్యాలయానికి ఎన్ఎస్‌జీ గ్రూప్ కమాండర్ కౌషియార్ సింగ్, ఎన్ఎస్‌జీ సిబ్బంది మరోసారి వచ్చి పరిసరాాలు, భద్రతా ఏర్పాట్లు పరిశీలించారు. చంద్రబాబు ఛాంబర్, ప్రచార రథాలను ఎన్ఎస్‌జీ బృందం పరిశీలించింది. చంద్రబాబు ప్రచార సమయంలో రాత్రిపూట బస చేసే బస్సును ఎన్ఎస్‌జీ టీమ్ అణువణువూ చెక్ చేసింది. ప్రచార రథంపై 6 అడుగుల గ్లాస్ ఫ్రూఫ్ ఏర్పాటు చేయాలని పార్టీ సిబ్బందికి ఎన్ఎస్‌జీ సూచించింది. అనంతరం ఉండవల్లిలోని చంద్రబాబు నివాసం ఎన్ఎస్‌జీ పరిశీలించింది.

వైసీపీ ఎమ్మెల్సీ అనంతబాబు కాలు జారారు. తన డ్రైవర్ అత్యంత కిరాతకంగా  చంపేసి,  మృతదేహాన్ని డోర్ డెలివరీ చేసిన వైసీపీ ఎమ్మెల్సీ అనంతబాబు బెయిల్ పై ఇటీవలే విడుదలయ్యారు. ఆయనేదో స్వాతంత్య్రపోరాటంలో పాల్గొని జైలుకు వెళ్లి వచ్చినట్టు వైసీపీ ఊరేగింపులతో స్వాగతం పలికింది. దీనిపై నేషనల్ మీడియాలో కూడా విమర్శలు వెల్లువెత్తాయి. దళిత యువకుడిని అధికార వైసీపీ ఎమ్మెల్సీ చంపేస్తే, ఆయనపై కనీసం చర్యలు తీసుకోని వైసీపీ అధిష్టానం... బెయిల్ పై విడుదలయ్యేందుకు వీలుగా చార్జిషీటు దాఖలు చేయకుండా ఆలస్యం చేసింది. అనంతబాబుని కాపాడేందుకు సర్కారు చేసిన చర్యలన్నీ ప్రజలకి అర్థమైపోయాయి. జైలు నుంచి బెయిల్ పై విడుదలైన హంతక ఎమ్మెల్సీ అనంతబాబుని వైసీపీ శ్రేణులు, నేతలు భారీ ర్యాలీలతో ఊరేగింపులు నిర్వహించి తీసుకెళ్లడం చూసి ప్రజలు ఆశ్చర్యపోతున్నారు. ఇదే సమయంలో డ్రామానో, నిజంగా జరిగిందో తెలియదు కానీ బాత్రూంలో ఎమ్మెల్సీ కాలుజారి పడ్డారట. ఆయనకి చెయ్యి విరిగిపోయిందట. ఆపరేషన్ అవ్వడం డిశ్చార్జి కావడమూ అయ్యిందట. ఇదేదో మరో ఎత్తుగడలా వుందని గుసగుసలు వినిపిస్తున్నాయి.