మాచర్లలో వైసీపీ శ్రేణులు నిన్న విధ్వంసం చేయటమే కాదు, ఏకంగా లూటీలు కూడా చేసారు. పూర్వపు రోజుల్లో, ఇలాంటి లూటీలు చుసి, ప్రస్తుతం ప్రశాంతమైన బ్రతుకు బ్రతుకుతున్న ఆంధ్రప్రదేశ్ ప్రజలకు, ఈ వార్త నిజంగా ఒక పీడకల లాంటి వార్తే. నిన్న టిడిపి ఇదేమి కర్మ కార్యక్రమం చేస్తుంటే, వైసీపీ శ్రేణులు రెచ్చిపోవటం, అక్కడ నుంచి మాచర్ల మొత్తం మారణ హోమం చేయటం తెలిసిందే. అయితే ఈ క్రమంలో వైసీపీ శ్రేణులు, టిడిపి నేతల ఇళ్ళల్లోకి వెళ్లి లూటీలు కూడా చేసినట్టు వార్తలు వస్తున్నాయి. టీడీపీ నేతల ఇళ్ళ పై దా-డి సమయంలో దోపిడీకి పాల్పడ్డారు వైసీపీ శ్రేణులు. టీడీపీ నేత ఇంటి లాకర్ పగలగొట్టి రూ.లక్ష నగదు, 15 సవర్ల బంగారం ఎత్తుకెళ్ళారు. అలాగే, పావనీ అపార్ట్ మెంట్‍లో ఇద్దరు టీడీపీ నేతల ఇళ్లు ధ్వంసం చేసి, బంగారం దొంగతనం చేసారు. తమ జీవితంలో ఇంతటి దుర్మార్గులను చూడలేదని బాధితుల ఆవేదన వ్యక్తం చేస్తున్నారు.
