news

రాష్ట్ర పోలీసులపై వైసీపీ గురిపెట్టింది. పోలీసు వ్యవస్థ లక్ష్యంగా ప్రతిరోజూ ఎన్నికల సంఘానికి ఫిర్యాదులు చేస్తోంది. డీజీపీ ఆర్పీ ఠాకూర్‌పై ఇప్పటిదాకా తమ దాడిని కొనసాగిస్తూ వచ్చిన ఆ పార్టీ, ఇప్పుడు కొన్ని ప్రధాన జిల్లాల్లో వైసీపీ అభ్యర్థులకు ఇబ్బందిగా మారతారని భావించే పోలీసులపై ఫిర్యాదులు చేస్తోంది. డీజీపీపై ఎమ్మెల్యే ఆళ్ల రామకృష్ణారెడ్డి రెండురోజుల కింద రాష్ట్ర ఎన్నికల ప్రధానాధికారి గోపాలకృష్ణ ద్వివేదికి ఫిర్యాదు చేసిన సంగతి తెలిసిందే. ఇదిలావుంటే క్రిమిన ల్‌ కేసులు ఎదుర్కొంటున్నారని మరికొందరు పోలీసు అధికారులపైనా వైసీపీ శుక్రవారం ఫిర్యాదు చేసింది.

వైసీపీ ప్రధా న కార్యదర్శి నాగిరెడ్డి, లీగల్‌సెల్‌ అధ్యక్షుడు కాటంరాజు వెం కటేశ్‌శర్మ ఒక జాబితానూ అందజేశారు. సదరు జాబితాలోని పోలీసులు క్రిమినల్‌ స్వభావం కలిగి ఉన్నారని.. ఆరోపించా రు. ఒంగోలు డీఎస్పీ రాధేశ్‌ మురళీ, ఏలూరు రూరల్‌ సీఐ వైవీ లచ్చునాయుడు, నందిగామ రూరల్‌ ఎస్‌ఐ నూతలపా టి నాగేశ్వరరావు, కోడూరు ఎస్‌ఐ ప్రియకుమార్‌, ఎస్‌ఐ సురేశ్‌, కానిస్టేబుళ్లు శివనాగరాజు, ఎస్‌.చిరంజీవిరావు, పి.హరిబాబు తదితరులపై ఫిర్యాదు చేశశరు. ఈ ఫిర్యాదు ప్రతిని కూడా ద్వివేదీ డీజీపి ఠాకూర్‌కు పంపారు.

మైండ్‌గేమ్‌! ఇలా ఫిర్యాదులు చేయడంలో వైసీపీ ఉద్దేశాలు వేరని రాజకీయ వర్గాలు విశ్లేషిస్తున్నాయి. పోలీసులు తమ విధుల ను స్వేచ్ఛగా నిర్వర్తించకుండా చేయాలన్నదే ఆ పార్టీ లక్ష్యం గా కనిపిస్తోందని పేర్కొంటున్నాయి. వైసీపీ అభ్యర్థులు ఎన్నికల నియమావళిని అతిక్రమించినట్లు ఫిర్యాదులు అందినప్పుడు స్వేచ్ఛగా చర్యలు తీసుకోకుండా ఆపార్టీ మైండ్‌గేమ్‌కు దిగుతోందని అంటున్నాయి. కడప జిల్లా జమ్మలమడుగులో వైసీపీ ఎంపీ అభ్యర్థి అవినాశ్‌రెడ్డి ప్రచారానికి వెళ్లినప్పుడు తమ గ్రామానికి రావొద్దని ప్రజలు అడ్డుకున్నారు. దీంతో మ రో గ్రామానికి వెళ్లినప్పుడు అవినాశ్‌రెడ్డి తన అనుచరులను మోహరించారు. అక్కడ గ్రామస్థులకు, అవినాశ్‌ అనుచరుల కూ మధ్య గొడవ చోటుచేసుకుని ఉద్రిక్త పరిస్థితులు తలెత్తే ప్రమాదం ఉందని పోలీసులు గ్రహించారు. ఎన్నికల నియమావళి ప్రకారం వాహనాల శ్రేణిని పంపిస్తామని అవినాశ్‌ కు స్పష్టం చేయగా ఆయన తప్పుబట్టారు. పోలీసులు అధికారపక్షానికి అనుకూలంగా వ్యవహరిస్తున్నారని ఆరోపించారు.

ఎన్నికల కోలాహలం జిల్లా అంతా ఒకలా వుంటే గాజువాకలో మరోలా ఉంది. ఇక్కడ రోజుకో అభ్యర్థి పేరు తెరపైకి వస్తుండడంతో వాతావరణం మరింత వేడెక్కుతోంది. దీంతో సమీకరణలు అంతే వేగంగా మారుతున్నాయి. అధికార పార్టీ తెలుగుదేశం నుంచి సిట్టింగ్‌ ఎమ్మెల్యే పల్లా శ్రీనివాస్‌ బరిలోకి దిగుతారని అంతా భావించారు. అదే విషయాన్ని ఆయన కూడా స్పష్టంచేశారు. అలాగే ప్రధాన ప్రతిపక్షం వైసీపీ నుంచి తిప్పల నాగిరెడ్డి పేరు వినిపించింది. జనసేన పార్టీ నుంచి మాజీ ఎమ్మెల్యే చింతలపూడి వెంకట్రామయ్య లేదా మరొకరికి అవకాశం దక్కుతుందని లెక్కలు వేసుకుంటూ వచ్చారు. కానీ ఇది మొన్నటి మాట. గాజువాక నుంచి జనసేన అధ్యక్షుడు పవన్‌కల్యాణ్‌ పోటీకి దిగుతారని ప్రచారం కావడంతో సమీకరణలు అతివేగంగా మారుతూ వస్తున్నాయి.

పవన్‌ను ఎదుర్కొనే ధీటైన అభ్యర్థిని బరిలోకి దింపాల్సిన పరిస్థితి ఇతర పార్టీలకు వస్తోంది. ఈ తరుణంలో గురువారం రాత్రి టీడీపీ విడుదల చేసిన తొలి జాబితాలో సిట్టింగ్‌ ఎమ్మెల్యే పల్లా శ్రీనివాస్‌ పేరు కనిపించకపోవడం చూస్తే గాజువాక స్థానంపై ఆ పార్టీ భారీ కసరత్తు చేస్తున్నట్టు స్పష్టమవుతోంది. నగరంలో దాదాపుగా అన్ని సీట్లు ప్రకటించిన టీడీపీ పెందుర్తి, గాజువాక స్థానాలను మాత్రం పెండింగ్‌లో పెట్టింది. గాజువాకలో కుల సమీకరణల ఆధారంగా అభ్యర్థుల ఎంపికపై ఆయా పార్టీలు కసరత్తు చేస్తున్నట్టు తెలుస్తోంది. టీడీపీ సిట్టింగ్‌ ఎమ్మెల్యే పల్లా శ్రీనివాస్‌ను ఎంపీగా పంపి, ఆయన స్థానంలో గాజువాకకు బలమైన కాపు సామాజిక వర్గానికి చెందిన అభ్యర్థిని పార్టీ ప్రకటించే అవకాశం వున్నదని సీనియర్‌ నాయకులు భావిస్తున్నారు. అలాగే విశాఖ ఎంపీ స్థానానికి ఆర్థిక వేత్త యనమలను పోటీకి దింపే అవకాశాలు లేకపోలేదని అంటున్నారు.

ఒకవేళ ఆయన ఎంపీ స్థానానికి పోటీ పడితే పల్లాను భీమిలి పంపుతారా? అన్న ప్రశ్నలు తలెత్తుతున్నాయి. ఇలా రోజురోజుకు సమీకరణలు మారుతుండడంతో అభ్యర్థుల ఎంపికపై స్పష్టత రావడడం లేదు. విశాఖలోని కీలక నియోజకవర్గాల్లో ఒకటైన గాజువాకలో పవన్‌కల్యాణ్‌ పోటీకి దిగితే ఎన్నిక రసవత్తరంగా వుంటుందనడంలో సందేహం లేదు. కాపు సామాజికవర్గాన్ని దృష్టిలో పెట్టుకుని టీడీపీ, జనసేన అభ్యర్థులు బరిలోకి దిగితే వైసీపీ ఎటువంటి ఎత్తులు వేస్తుందన్నది ప్రశ్నగా మిగులుతుంది. ఈ దశలో ఎప్పటి నుంచో పార్టీని నమ్ముకుని వున్న నాగిరెడ్డి విషయంలో నిర్ణయం మార్చుకుంటారా? అన్న ఆలోచన ప్రజల్లో మొదలైంది. గాజువాక నుంచి అన్ని పార్టీల అభ్యర్థులు పోటీకి సై అంటున్న తరుణంలో ఓట్ల చీలిక తప్పదని రాజకీయ విశ్లేషకులు పేర్కొంటున్నారు. బరిలో టీడీపీ, ప్రతిపక్ష వైసీపీ, జనసేన, జాతీయ పార్టీలైన కాంగ్రెస్‌, బీజేపీల నుంచి అభ్యర్థులు పోటీకి నిలవనున్న తరుణంతోపాటు గెలిచే అభ్యర్థికి భారీ మెజారిటీ వచ్చే అవకాశం లేదని స్పష్టమవుతోంది. అన్ని పార్టీలు ఈ నియోజకవర్గాన్ని ప్రతిష్టాత్మకంగా తీసుకుంటున్నాయి.

ఏపీ ప్రతిపక్షనేత, వైయస్సార్‌ కాంగ్రెస్‌ పార్టీ అధినేత వైయస్‌ జగన్‌ మోహన్‌రెడ్డి చిన్నాన్న, వైయస్సార్‌ కాంగ్రెస్‌ పార్టీ సీనియర్‌ నేత వైయస్‌ వివేకానంద రెడ్డి మరణంపై అనేక అనుమానాలు వ్యక్తమవుతు న్నాయి. ఆయన మరణ వార్త దావానంలా వ్యాపిం చడంతో వైకాపా కార్యకర్తలు, అభిమానులు పెద్ద సంఖ్యలో పులివెందులకు చేరుకున్నారు. దీంతొ అక్కడ ఉద్రిక్త వాతావరణం నెలకొంది. హత్యకుగల కారణాల గురించి ఆరా తీస్తున్నారు. పోలీసు బృందాలు తీసుకొచ్చిన డాగ్‌ స్వ్కాడ్‌ కూడా వివేకా ఇంటిచుట్టూ తిరగడం అనేక అనుమానాలను వ్యక్తం చేస్తోంది. వివేకాను పక్కా పథకంతో అంత మొందించేందుకు ప్రణాళికాబద్ధంగా నిందితులు వ్యవహరించి ఉంటారని చెబుతున్నారు. అసలు ముందు వివేకా మృతదేహాన్ని చూసిందెవరు, వెనుకవైపు తలుపు ఎలా తీసి ఉంది, ఆయన్ను చూసినప్పుడు తలమీద గాయాలున్నప్పటికీ గుండె పోటు అని ఎలా చెప్పారు, అయను గాఢ నిద్రలో ఉన్నప్పుడు హంతకులు కత్తులు, గొడ్డళ్లతో దాడిచేస్తే బాత్‌రూమ్‌లోకి ఎలా వెళ్లారు, ఒకవేళ ఆయన తనను తాను రక్షించుకునేందుకు బాత్‌రూమ్‌కు వెళ్తే బెడ్‌రూమ్‌లో రక్తపు మరకలు ఏమయ్యాయి ఇలా అనేక సందేహాలు వ్యక్తమతున్నాయి.

అయితే ఇప్పుడు వివేకానందరెడ్డి హత్య కేసులో మరో కోణం వెలుగులోకి వచ్చింది. ఆయన ఇంటి పరిసరాల్లో నిత్యం తచ్చాడే ఓ కుక్కను గుర్తు తెలియని వ్యక్తులు కొట్టి చంపేశారు. ఆ ప్రాంతంలో కొత్త వ్యక్తులు కనబడితే మొరిగే ఈ శునకాన్ని మర్డర్ ప్లాన్‌లో భాగంగానే హత్య చేసినట్టు చెబుతున్నారు. అది ఉంటే ఆ ప్రాంతంలోకి వెళ్లడం కష్టమనే ఉద్దేశంతో ముందుగానే దానిని చంపేసినట్టు తెలుస్తోంది. హత్యకు ముందు నిర్వహించిన రెక్కీలో ఈ కుక్కను గమనించిన దుండగులు దాని అడ్డు ముందే తొలగించుకుని హత్యకు పథకం పన్నినట్టు ఆ ప్రాంత వాసులు చెబుతున్నారు. కాగా, పోస్టుమార్టం నివేదిక రావడానికి ముందు వరకు వివేకా గుండెపోటుతో మరణించారన్న ప్రచారం జరిగింది. అయితే, ఆయనది హత్యేనని, గొడ్డలితో అతి కిరాతకంగా నరికి చంపారని తేలడంతో అందరూ విస్తుపోయారు.

దీనికితోడు ఆయన గాఢనిద్రలో ఉన్నప్పుడు హంతకులు ఒక్కసారిగా దాడిచేస్తే తేరుకుని ఆయన బాత్‌రూమ్‌లోకి వెళ్లే అవకాశమే లేదని కూడా నిపుణులు చెబుతున్నారు. ఆయనకు బాత్‌రూమ్‌లోని హేంగర్లు, టాయిలెట్‌ షింక్‌లు తలకు తగిలినట్లు భావిం చేందుకు ఆయన్ను బాత్‌రూమ్‌లోకి తీసుకెళ్లి చంపేసి ఉంటారని అనుమానం వ్యక్తం చేస్తున్నారు. ఇప్పటికే ఆయనకు స్టంట్లు వేయడంతో బాత్‌రూమ్‌కు వెళ్లి గుండెపోటు వచ్చి పడిపోయి తలకు బలమైన గాయాలయ్యి చనిపోయి ఉంటారని భావించే అవకాశముందని హంతకులు భావించారా అనే ప్రశ్నలు ఉత్పన్నమవుతున్నాయి. దీనికితోడు అలా జరిగితే వివేకా ముందుకు పడితే తలకు ముందు భాగంలోనే దెబ్బలు తగలాల్సి ఉంది. అలాకాకుండా వెనక్కు పడి ఉంటే వెనకవైపే గాయా లు అవ్వాల్సి ఉంది. కానీ వివేకా వంటిపై 5 గాయాలున్నట్లు చెబుతున్నారు. తలకు ముందు, వెనుక బలమైన గాయాలు ఉండటంతోపాటు తొడమీద కూడా గాయం ఉండటం అనేక అనుమానాలు వ్యక్తం అవుతున్నాయి. ఈనేపథ్యంలో వివేకా మృతిపట్ల అనేక అనుమానాలు రేకెత్తుతున్నాయి.