news

కేరళ రాష్ట్రంలోని కొచిన్‌కు విజయవాడ నుంచి విమాన సర్వీసు మరికొద్ది రోజుల్లో ప్రారంభం కాబోతోంది. మార్చి 1నుంచి కొచిన్‌కు విమాన సర్వీసు నడ పటానికి స్పైస్‌జెట్‌ సంస్థ ముందుకు వచ్చింది. తిరుపతి నుంచి వచ్చే ఈ సర్వీసు సాయంత్రం విజయవాడ నుంచి బయలుదేరి వయా తిరుపతి మీదుగా కొచిన్‌ వెళుతుంది. తిరుగు ప్రయాణంలో మాత్రం కొచిన నుంచి బెంగ ళూరు మీదుగా విజయవాడకు తిరిగి తిరుపతికి ఈ సర్వీసు చే రుకుంటుంది. స్పైస్‌జెట్‌ సంస్థ తీసుకున్న నిర్ణయం మేరకు రెండు రాష్ర్టాలకు విమాన కనెక్టివిటీ ఏర్పడుతుంది. కొత్తగా కేరళ రాష్ర్టానికి కనెక్టివిటీ ఏర్పడుతుండడంతో శబరిమలై వెళ్ళేవారికి ఈ సర్వీసు బాగా ఉపయోగపడుతుంది. తిరుపతి, శబరిమలైలను రెండింటినీ దర్శించుకోవాలనుకునే వారికి కూడా ఈ సర్వీసు ఎంతగానో ఉపయోగపడుతుంది.

మరో వైపు బెంగళూరుకు అదనపు సర్వీసు అనుసంధానమౌతుంది. బెంగళూరుకు ఇప్పటికే స్పైస్‌జెట్‌ సంస్థతో పాటు, ఇండిగో విమానయాన సంస్థ కూడా విమానాలను నడుపుతోంది. కోస్తా ప్రాంతంలో ప్రధానంగా కృష్ణా, గుంటూరు, ఉభయ గోదావరి జిల్లాల నుంచి కేరళకు వెళ్ళే వారి సంఖ్య అధికంగా ఉంది. ఇప్పటి వరకు ప్రైవేటు పర్యాటక సంస్థలు, ఐఆర్‌సీటీసీ వంటి సంస్థలు ప్రత్యేక ప్యాకేజీలు కల్పిస్తుండటంతో వాటికి విపరీతమైన డిమాండ్‌ ఏర్పడుతోంది. ప్రస్తుతం కొచిన్‌కు విమాన సర్వీసు ప్రారంభించటంతో ఈ సంస్థల మీద పరోక్ష ప్రభావం పడే అవకాశాలు ఉన్నాయి. కొచిన్‌కు ఎంత ఛార్జీ నిర్ణయిస్తారన్నది తెలియాల్సి ఉంది. అధికారికంగా త్వరలో స్పైస్‌జెట్‌ సంస్థ ప్రకటించే అవకాశాలు ఉన్నాయి.

వైఎస్సార్ కాంగ్రెస్ పార్టీ అధినేత వైఎస్ జగన్‌పై వంగవీటి రాధాకృష్ణ సంచలన వ్యాఖ్యలు చేశారు. జగన్‌కు క్యాష్.. క్యాస్ట్.. మాత్రమే కావాలని, మరేవీ పట్టవన్నారు. క్యాష్ బ్యాడ్ అవుతే.. క్యాస్ట్ ఉండాలని.. అది కూడా నచ్చకపోతే, ఎవరు బెటర్ అయితే వాళ్లను నియమించుకుంటూ వెళ్లిపోయారని చెప్పారు. వైసీపీ నుంచి తాను బయటకు వచ్చానని కొంత మంది భావిస్తున్నారని, ఒకరకంగా మెడ పట్టుకొని బయటకు తోసేశారని చెప్పారు. గతంలో తూర్పు నియోజకవర్గం నుంచి పోటీ చేసిన తనను, తర్వాత సెంట్రల్ నియోజకవర్గానికి వెళ్లమని జగన్ చెప్పారని రాధా గుర్తు చేశారు. జగన్ చెప్పిన వైపే వెళ్లి పని మొదలు పెట్టాక.. చివరి నిమిషంలో అర్ధం లేని కారణాలతో బయటకు వెళ్లిపోయేలా చేశారని రాధా ఆరోపించారు.

వైసీపీకి రాజీనామా చేసిన వంగవీటి రాధా తెలుగుదేశం పార్టీలో చేరడం ఖాయంగా కనిపిస్తోంది. కృష్ణా జిల్లాతో పాటు ఉభయగోదావరి జిల్లాల నుంచి వచ్చిన రాధారంగా మిత్రమండలి సభ్యులతో వంగవీటి రాధా సమావేశమై భవిష్యత్ కార్యాచరణపై చర్చించారు. రాధా వైసీపీకి రాజీనామా చేసిన వెంటనే టీడీపీ నేతలు ఆయనతో టచ్‌లోకి వచ్చారు. బుద్దా వెంకన్న సహా పలువురు నేతలు రాధా టీడీపీలోకి వస్తే ఆహ్వానిస్తామని ప్రకటించారు. సోమవారం జరిగిన సమావేశంలో ఆయన మద్దతుదారులు సైతం ప్రస్తుత పరిస్ధితుల్లో టీడీపీలో చేరితేనే మంచిదన్న అభిప్రాయం వ్యక్తం చేసినట్లు తెలుస్తోంది. రాధా టీడీపీలో చేర తారంటూ గత నెలలోనే ప్రచారం జరిగిన నేపథ్యంలో టీడీపీ అధినేత చంద్రబాబునాయుడు ఆదేశాల మేరకు టీడీపీ జిల్లా పార్టీ అధ్యక్షుడు, ఎమ్మెల్సీ బచ్చుల అర్జునుడు, మరో ఎమ్మెల్సీ టి.డి.జనార్దన్‌ రాధా ఇంటికి వెళ్లి సాదరంగా పార్టీలోకి ఆహ్వానించిన సంగతి తెలిసిందే.

తన అనుచరులు, మద్దతుదారులు, కార్యకర్తలతో చర్చించి నిర్ణయం ప్రకటిస్తానని టీడీపీ నాయకు లకు చెప్పడంతో రాధా టీడీపీలో చేరడం ఖాయమైపోయిందంటూ ప్రచారం జరిగింది. ఆ మర్నాడు రాధా విలేకరుల సమావేశం నిర్వహించి తాను వైసీపీకి రాజీనామా చేయడానికి దారి తీసిన కారణాలను వివరించారు. టీడీపీలో చేరుతున్నట్లు ప్రకటించలేదు. తాజాగా వంగవీటి రాధా తన అనుచరగణంతో కలిసి టీడీపీలో చేరేందుకు సన్నాహాలు చేసుకుంటున్నారంటూ మళ్లీ ప్రచారం జోరుగా సాగుతోంది. ఈ నేపధ్యంలో రాధా తాజాగా, జగన్ పై చేసిన వ్యాఖ్యలు ఆసక్తిగా మారాయి. రాధా త్వరలోనే మంచి రోజు చూసుకుకి తెలుగుదేశం పార్టీలో చేరనున్నారు.

జాతీయ విపత్తు నివారణ సంస్థ మాజీ ఉపాధ్యక్షుడు, తెలంగాణ కాంగ్రెస్‌ సీనియర్‌ నేత మర్రి శశిధర్‌రెడ్డికి కొందరు వైసీపీ అభిమానుల నుంచి బెదిరింపులు వస్తున్నాయి. ఇటీవల అమరావతి వచ్చిన ఆయన సీఎం చంద్రబాబుతో మర్యాదపూర్వకంగా భేటీ అయ్యారు. వైసీపీ అధ్యక్షుడు జగన్‌ ఏపీ సీఎం కాకుండా చూడాలంటూ చంద్రబాబుతో మర్రి అన్నట్లు మీడియాలో కథనాలు వచ్చాయి. ఈ నేపథ్యంలో జగన్‌ అభిమానులు కొందరు అమెరికాతో సహా దేశంలోని, రాష్ట్రంలోని వివిధ ప్రాంతాల నుంచి బెదిరిస్తూ వాట్సప్‌ సందేశాలు పంపుతున్నారని శశిధర్‌రెడ్డి చెప్పారు. గురువారం ఉదయం నుంచి అపరిచిత వ్యక్తుల నుంచి నిరంతరాయంగా ఫోన్లు వస్తున్నాయని అన్నారు. వీటికి భయపడడం లేదని, నవ్వుకుంటున్నానని మర్రి వివరించారు.

మంగళవారం అమరావతిలో మర్రి శశిధర్‌రెడ్డి, చంద్రబాబుతో భేటీ అయ్యారు. ఈ సందర్భంగా ఆయన ఆసక్తికర వ్యాఖ్యలు చేశారు. ప్రతిపక్ష నేత వైఎస్ జగన్మోహన్ రెడ్డిని ముఖ్యమంత్రి కాకుండా చూడాలని సీనియర్ నేత మర్రి శశిధర్ రెడ్డి సూచించారు. దీనిపై స్పందించిన చంద్రబాబు.. రాష్ట్రంలో మళ్లీ వచ్చేది టీడీపీ ప్రభుత్వమేనని, ఆ నమ్మకం తమకు ఉందని వ్యాఖ్యానించారు. మంగళవారం అమరావతి వచ్చిన శశిధర్ రెడ్డి, చంద్రబాబును మర్యాదపూర్వకంగా కలిశారు. ఈ సందర్భంగా తెలంగాణ ఎన్నికలపై ఇరువురూ చర్చించినట్టు సమాచారం. అలాగే, తెలంగాణలో కాంగ్రెస్-టీడీపీ కూటమిగా ఏర్పడినా ఆశించిన ఫలితాలు రాకపోవడానికి కారణాలపై కూడా చర్చించినట్టు తెలుస్తోంది. పొత్తు ఎందుకనే విషయాన్ని ప్రజలకు వివరించడంలో తెలంగాణ కాంగ్రెస్ విఫలమైందని, అందుకే ఓటమిపాలైనట్టు శశిధర్ రెడ్డి వ్యాఖ్యానించినట్టు భోగట్టా.

రాష్ట్ర విభజన జరిగినప్పుడే ఏపీకి జగన్ సీఎం కాకుండా అడ్డుకోవాలని చెప్పిన విషయాన్ని గుర్తు చేసిన మర్రి.. ఆయన ముఖ్యమంత్రి అయితే రాష్ట్రం అల్లకల్లోలం అవుతుందని, అరాచకం రాజ్యమేలుతుందని ఆందోళన వ్యక్తం చేశారు. దీనిపై చంద్రబాబు మాట్లాడుతూ.. రాష్ట్రంలో అధికారంలోకి వచ్చేది టీడీపీయేనని స్పష్టం చేశారు. ప్రభుత్వం చేపట్టిన సంక్షేమ, అభివృద్ధి కార్యక్రమాలు ప్రజల్లోకి చొచ్చుకెళ్లాయని వివరించారు. తాము ప్రస్తుతం అమలు చేస్తున్న సంక్షేమ పథకాలనే జగన్ తాను అధికారంలోకి వచ్చాక చేస్తానని చెబుతుంటే జనాలు నవ్వుకుంటున్నారని చంద్రబాబు ఎద్దేవా చేశారు. భేటీ అనంతరం మర్రి శశిధర్‌రెడ్డి మాట్లాడుతూ.. చంద్రబాబుతో జాతీయ రాజకీయాలపై చర్చించినట్లు తెలిపారు. అయితే అప్పటి నుంచి, వైసీపీ ఆయన్ను వేధించటం మొదలు పెట్టింది.