వైఎస్ జగన్ మోహన్ రెడ్డి ఇటీవల కాలంలో 175 సీట్లూ గెలుస్తామంటూ వైసీపీ లీడర్లకు బహిరంగ వేదికల నుంచే బూస్ట్ అప్ ఇస్తున్నారు. కానీ వైసీపీ కోర్ లీడర్లకి తెలిసిన వాస్తవం ఈ ప్రచారానికి చాలా దూరం అని తెలుస్తోంది. ప్రతిపక్షం ప్రశ్నిస్తుందనే భయం. ఉద్యోగులు తమ ప్రయోజనాలు నెరవేర్చమంటారనే భయం. నిరుద్యోగులు జాబ్ క్యాలెండర్ అడుగుతారనే భయం..మొత్తానికి జనాన్ని చూస్తే జగన్ భయపడుతున్నాడని పరదాలు, బ్యారికేడ్లు, గృహనిర్బంధాలు స్పష్టం చేస్తున్నాయి. ఏ వర్గానికీ మొఖం చూపించలేని జగన్ ..ఎన్నికల భయం పట్టుకుందని రాజకీయ విశ్లేషకులు వ్యాఖ్యానిస్తున్నారు. పార్టీ కోసం పనిచేయడానికి ఇప్పటికే ప్రజాధనంతో పనిచేస్తున్న 2.61 లక్షల మంది వలంటీర్లు ఉన్నారు.
వీరిపై అపనమ్మకమో ఏమో కొత్తగా ప్రతీ 50 ఇళ్లకు ముగ్గురు గృహసారధులను నియమిస్తామని ప్రకటించారు. అంటే 2.61 లక్షల మంది వలంటీర్లకు తోడు మరో 5.2 లక్షల మందిని ఎన్నికల కోసం జగన్ రెడ్డి వాడుకుంటారు. వీరే కాక మరో 40 వేల మంది కన్వీనర్లు కూడా నియమిస్తారు. వైసీపీకి ఓట్లు వేయించడమే కాదు, టిడిపికి ఓటు వేయకుండా వుండేందుకు పథకాలు తీసేస్తామని బెదిరించడం, ఓటర్ల వ్యక్తిగత సమాచారాన్ని పార్టీకి చేరవేస్తున్న వలంటీర్లకు గృహసారధులు తోడైతే వైసీపీకి అతి పెద్ద సైన్యం సిద్ధం అవుతోంది. జగన్ రెడ్డి బటన్ నొక్కుడు పనిచేస్తే ఇంతమంది పోల్ మేనేజ్మెంట్ కి అనే ప్రశ్నలు వస్తున్నాయి.
