news

ఉపాధి హామీ పధకంబిల్లుల చెల్లింపులకు సంబంధించి ఈ రోజు హైకోర్ట్ లో కోర్ట్ దిక్కరణకు సంబంధించి విచారణ జరిగింది. ఈ విచారణకు సంభందించి రాష్ట్ర ఆర్ధిక శాఖ ,పంచాయితీ రాజ్ శాఖ ప్రిన్సిపల్ సెక్రటరీ రావత్ , గోపాల కృష్ణ ద్వివేది తో పాటు పంచాయితీ రాజ్ కార్యదర్శి కోన శశిధర్ హైకోర్ట్ కు హాజరు అయ్యారు. అయితే పిటీషనర్ల తరుపున న్యాయవాది నర్రా శ్రీనివాసరావు వాదనలు వినిపించారు.
కోర్ట్ దిక్కరణకు సంభందించి ఈ కేసుల్లో నేటి వరకు కూడా బిల్లులు ఇవలేదని ,గతంలో హైకోర్ట్ ఇచ్చిన తీర్పుకు సంభందించి బిల్లులు ఇవ్వకపోవడంతో ,మళ్ళి అదే పిటీషనర్లు ,అదే పిటీషన్లు దాఖలు చేసారని ఆయన హైకోర్ట్ దృష్టికి తీసుకోచ్చారు. ఈ సందర్భంగా హైకోర్ట్ న్యాయమూర్తి జస్టిస్ బట్టు దేవానంద్ జ్యోక్యం చేసుకొని ,ఇటీవల కర్నూల్ లో ఇలాగే ఒక కాంట్రాక్టర్ పనులు చేయించుకొని బిల్లులు ఇవ్వక పోవడంతో ఒకతను ఆత్మహత్య చేసుకున్నాడని ,తానూ పేపర్లో చదివానని , ఇప్పుడు వారి కుటుంబానికి ఎవరు ఆసరాగా నిలబడతారని ,హైకోర్ట్ న్యాయమూర్తి అధికారులను నిలదీసారు. వెంటనే 2021 ఏప్రిల్ నుంచి 2022 మార్చ్ వరకు CFMS ద్వారా బిల్లులు చెల్లింపులకు సంబంధించి ఫైనాన్షియల్ స్టేట్ మెంట్ ను కోర్ట్ కు సమర్పించాలని హైకోర్ట్ ఆదేశించింది .రెండు వారాల్లోపు ఈ స్టేట్ మెంట్ ను కోర్ట్ కు అందచేయాలని హైకోర్ట్ ఆదేశించింది .

అమరావతి రాజధాని ప్రాంతంలో రైతులు వినూత్న రీతిలో నిరసన తెలియజేస్తున్నారు. ఉండవల్లిలో రైతులు కట్టిన ఫ్లెక్సి ప్రభుత్వానికే సవాలుగా మారింది. అయితే రాజధాని మాస్టర్ ప్లాన్లో లేని ఒక రోడ్డుని విస్తరణ చేయాలని, ప్రభుత్వం నిర్ణయం తీసుకుంది. దీనిలో భాగంగానే జగన్ అట్టహాసంగా శంకుస్థాపన కూడా చేసారు. అయితే ఈ రోడ్డు విస్తరణ పనులలో భాగంగా తమ పొలాలను రైతులు ప్రభుత్వానికి ఇచ్చారు. రైతులకు ఇవ్వాల్సిన నష్ట పరిహారం ఇవ్వకుండానే ప్రభుత్వం పనులు ప్రారంభించింది. అయితే తమకు చెల్లించాల్సిన నష్ట పరిహారం ఇవ్వకుండా ఆ రోడ్డు పనులు ఎలా చేస్తారని రైతులు వాపోతున్నారు. తాము రాజధాని అభివృద్దికి ఏ మాత్రం అడ్డం కాదని, కాని తమ పొలాలను తీసుకుని, ప్రభుత్వం ఏ నష్ట పరిహారం చెల్లించలేదని వారు ఆవేదన వ్యక్తం చేస్తున్నారు. అయితే ముందు తమకు నష్ట పరిహారం చెల్లించి, ఆ తరువాతే వారు రోడ్డు విస్తరణ పనులు చేసుకోవాలని రైతులు అడ్డుపడుతున్నారు. దీని పై అధికారులు స్పందిస్తూ కరకట్ట రోడ్డు వేయడం ద్వారా రాజధానికి మార్గం సులభమవుతుందని , దీనికి రైతులు సహకరించాలని అధికారులు రైతులకు సద్దిచేప్పే ప్రయత్నం చేస్తున్నారు. అయితే రైతులు మాత్రం తమ పొలాలలో తమ అనుమతి లేనిదే ఎవ్వరూ రోడ్డు విస్తరణ పనులు చేయకూడదని, ఫ్లెక్సిలు ఏర్పాటు చేసి విన్నూత్న నిరసన తెలిపారు. అయితే ఇప్పుడు ప్రభుత్వం దీని పై ఎలా స్పందిస్తుందో చూడాలి

రాజధాని రైతులు మరోసారి కోర్ట్ ని ఆశ్రయించారు. తమకు ప్రతి ఏటా ప్రభుత్వం ఇవ్వాల్సిన కౌలను ఈ ఏడాది మే 1వ ఇవ్వాల్సి ఉందని, అయితే ఈ రోజు వరకు కూడా తమ ఎకౌంటులో కౌలు జమ చేయలేదని రాజధాని రైతులు ఆందోళనలు వ్యక్త చేస్తున్నారు. గత మూడు సంవత్సరాల నుంచి కూడా ప్రతి ఏడాది కోర్ట్ ను ఆశ్రయించిన తరువాతే వైసిపి ప్రభుత్వం తమకు కౌలు డబ్బులు ఇస్తుందని ఆవేదన వ్యక్తం చేస్తున్నారు. ఈ ఏడాది దాదాపుగా 34 వేల ఎకరాలు ఇచ్చిన 27 మంది రైతులకు 300 కోట్ల రూపాయల కౌలు రాష్ట్ర ప్రభుత్వం జమ చేయాల్సి ఉంది. ఈనెల అందరికి జమ చేస్తామని చెప్పినప్పటికీ ,ఇప్పటి వరకు ఇవ్వక పోవటంతో,రైతులు హైకోర్ట్ ను ఆశ్రయించారు. ప్రతి ఏడాది కూడా ఇదే తంతు జరుగుతుందని వారు ఆవేదన వ్యక్తం చేసారు. రాజధాని రైతు అయిన పోతినేని శ్రీనివాస రావు కోర్ట్ లో పిటీషన్ దాఖలు చేసారు. ఈ పిటీషన్ ఈ రోజు విచారణకు రానుంది. ఈ పొలాల కౌలు ఆదాయం తప్పితే తమకు వేరే ఆదాయం లేదని, రాజధాని నిర్మాణం కోసమే ఈ పొలాలను ఇచ్చామని ,ఇది తప్పితే వేరే ఆదాయ మార్గం లేదని, కాని ప్రభుత్వం ఇలా ఎగ్గొట్టటం సరి కాదని రైతులు ఆవేదన చెందుతున్నారు. అయితే ఈ విషయం పై ఈ రోజు కోర్టు ఏ నిర్ణయం తీసుకుంటుందో చూడాలి