news

గత కొంత కాలంగా, తెలుగుదేశం పార్టీలోని కొంత మంది నేతల వ్యవహార శైలి పై చంద్రబాబు హెచ్చరిస్తూ వస్తున్నారు. మీరు పార్టీకి బలం అవ్వాలి కాని, బలహీన కాకూడదు అంటూ, ఎప్పటికప్పుడు వారి పని తీరుతో సర్వే రిపోర్ట్ లు ఇచ్చి మరీ, వారిని హెచ్చరిస్తున్నారు. ఎన్ని చేసినా వాళ్ళు మాత్రం మానటం లేదు. తాజగా, మంగళవారం సాయంత్రం జరిగిన పార్టీ సమన్వయ కమిటీ సమావేశంలో ఆయన మాట్లాడారు. కేంద్రం వైఖరిపై నిరసన వ్యక్తం చేయాలని కోరితే 12 మంది మంత్రుల నియోజకవర్గాలు సహా మొత్తం 67 స్థానాల్లో నిరసన కార్యక్రమాలు చేపట్టలేదని, ఎందుకు చేపట్టలేదో సమాధానం చెప్పాలని కోరారు. ప్రజలతో ఉంటేనే మనకు భవిషత్తు అనే విషయం మర్చిపోవద్దు అని, ప్రజల కోసం మనం ఉన్నామనే విషయం మర్చిపోతే, మన రాజకీయ జీవితం సమాధి అవుతుందని అన్నారు.

మీరంతా రేంద్ర మోదీ అన్నల్లా తయారవుతున్నారు. ప్రజల కష్టాలు పట్టడం లేదు అని వ్యాఖ్యానించారు. ప్రజల్లో ఉండాలనుకుంటేనే ఇక్కడ ఉండండి.. తిరగలేకపోతే ఆ మాట చెప్పి పక్కకు తప్పుకోండి. లేకపోతే నేనే తప్పించాల్సి వస్తుందని చంద్రబాబు ఘాటుగా స్పందించారు. ఎప్పుడూ ఇలాగే చెప్తాదులే, ఏమి చెయ్యరు అనుకోకండి, ఢిల్లీ వాళ్ళు కూడా అలాగే అనుకున్నారు, ఇప్పుడు నేను వేసే ప్రతి అడుగుతో ఇబ్బంది పడుతున్నారు, మీరు ప్రజల్లో ఉంటే, మీకు, పార్టీకి కూడా మంచిదని అన్నారు. ‘కొంతమంది ఎమ్మెల్యేలు ప్రజల్లో తిరిగితే గ్లామర్‌ తగ్గుతుందనుకుంటున్నారు. కందిపోకూడదని అనుకుంటే తర్వాత అసలుకే మునిగిపోతారు. చాలా మంది ఇంకా పూర్తి స్థాయిలో ప్రజల్లోకి వెళ్లడం లేదు. జనంతో మమేకమవడం రాజకీయ నాయకుడి లక్షణం. గ్లామర్‌సగా ఉండాలనుకుంటే వేరే రంగంలోకి వెళ్లండి’ అని స్పష్టం చేశారు.

గ్రామ దర్శిని, నగర దర్శిని కార్యక్రమం కూడా చురుగ్గా జరగకపోవడంపై అసంతృప్తి వ్యక్తం చేశారు. పార్టీ సభ్యత్వ నమోదు కార్యక్రమాన్ని పర్యవేక్షించాలని ఆదేశించారు. ధర్మ పోరాట దీక్ష సభల కోసం జిల్లాలకు వచ్చినప్పుడు ఒక రోజు అదనంగా ఉండి నియోజకవర్గ సమీక్షలు నిర్వహించాలని పార్టీ నేతలు కోరగా దానికి చంద్రబాబు అంగీకరించారు. దేశవ్యాప్తంగా ప్రభ క్షీణిస్తున్నా బీజేపీ దురుసుతనం ఇంకా తగ్గలేదని సీఎం వ్యాఖ్యానించారు. కర్ణాటకలో గత ఎన్నికలతో పోల్చితే ఇటీవలి ఉప ఎన్నికల్లో ఆ పార్టీకి పోలైన ఓట్లు బాగా తగ్గిపోయాయని, ప్రజల ఆలోచనా ధోరణిలో వచ్చిన మార్పునకు ఇది నిదర్శనమని అన్నారు.

విశాఖ ఎయిర్‌పోర్టులో వైసీపీ అధినేత జగన్‌పై కోడికత్తితో దాడి చేసిన జె. శ్రీనివాసరావు, ఆయన సోదరుడు సుబ్బరాజు టీడీపీ క్రియాశీలక కార్యకర్తలేనని పేర్కొంటూ సృష్టించిన నకిలీ టీడీపీ సభ్యత్వ కార్డులకు సంబంధించి నమోదైన కేసులో కృష్ణాజిల్లా పెడన మాజీ ఎమ్మెల్యే జోగి రమేశ్‌ పోలీసుల విచారణకు హాజరయ్యారు. గుంటూరు అరండల్‌పేట పోలీసు స్టేషన్‌లో మంగళవారం మధ్యాహ్నం 12 గంటల నుంచి సాయంత్రం ఐదున్నర గంటల వరకు ఆయనపై పోలీసులు ప్రశ్నల వర్షం కురిపించారు. గత నెల 28న విజయవాడలో జోగి మాట్లాడుతూ.. జగన్‌పై దాడి చేసిన కేసులో నిందితుడు శ్రీనివాసరావు ఆయన సోదరుడు సుబ్బరాజు టీడీపీ కార్యకర్తలేనన్నారు. అంతేకాక వారి పేరు, ఫొటోలతో ఉన్న టీడీపీ సభ్యత్వ కార్డులను చూపారు. అయితే, అదే రోజు టీడీపీ ప్రధాన కార్యదర్శి వర్ల రామయ్య దీనిపై పోలీసులకు ఫిర్యాదు చేశారు.

పోలీసులు అదే రోజు ఐపీసీ సెక్షన్లు 420, 468, 469, 471, 201, 120(బి), 504, 505తో పాటు ఐటీ యాక్టు 66 (2000, 2008) ప్రకారం కేసు నమోదు చేశారు. ఈ నెల 6న అరండల్‌పేట పోలీ్‌సస్టేషన్‌లో హాజరు కావాలని రమేశ్‌కు నోటీసు జారీ చేశారు. దీంతో మంగళవారం ఆయన వచ్చారు. ఆయనతో పాటు కృష్ణా జిల్లాకు చెందిన మాజీ ఎమ్మెల్యేలు మల్లాది విష్ణు, పార్థసారధి, గుంటూరు జిల్లాకు చెందిన మాజీ ఎమ్మెల్యేలు అంబటి రాంబాబు, రావి వెంకటరమణ, వైసీపీ నేతలు పోలీ్‌సస్టేషన్‌కు వచ్చారు. అర్బన్‌ అదనపు ఎస్పీ వైటీ నాయుడు ఆధ్వర్యంలో వెస్ట్‌ డీఎస్పీ సౌమ్యలత, అరండల్‌పేట సీఐ వై. శ్రీనివాసరావులు జోగి రమేశ్‌ను విచారించారు. రమేశ్‌ వెంట న్యాయవాది పోకల వెంకటేశ్వర్లు ఉన్నారు. కాగా రమేశ్‌ను పోలీసులు అరెస్టు చేయబోతున్నారని అనుమానించిన వైసీపీ కార్యకర్తలు స్టేషన్‌ ఎదుట కొద్ది సేపు ఆందోళనకు దిగారు.

కాగా.. పోలీసులు అడిగిన పలు ప్రశ్నలకు జోగి రమేశ్‌ సమాధానం దాటవేసినట్లు తెలిసింది. విలేకరుల సమావేశంలో చూపిన టీడీపీ సభ్యత్వ కార్డు మీకు ఎక్కడిది.. అని అడిగిన ప్రశ్నకు తనకు కార్యకర్తలు ఇచ్చారని చెప్పినట్లు తెలిసింది. వారెవరంటే గుర్తులేదని, సరైన సమాధానం చెప్పలేదని తెలిసింది. ప్రశ్నలు నకిలీ ఐడీ కార్డులకు సంబంధించి ఎన్ని ప్రశ్నలు సంధించినా జోగి నుంచి స్పష్టమైన సమాధానం రాలేదని తెలిసింది. ఈ నేపథ్యంలో ఈ నెల 15న మరోసారి నల్లపాడు పోలీస్‌స్టేషన్‌లో విచారణకు హాజరు కావాలని పోలీసులు కోరారు. అర్బన్‌ అదనపు ఎస్పీ వైటీ నాయుడు మాట్లాడుతూ.. విచారణలో రమేశ్‌ పూర్తిగా సహకరించలేదని, మరోసారి విచారణకు రావాలని చెప్పామన్నారు.

వైఎస్ఆర్ ముఖ్యమంత్రిగా ఉన్న టైములో, మైనింగ్‌లో తిరుగులేని శక్తిగా ఆవిర్భవించటమే కాదు.. చట్టాలు తనకెంత చుట్టాలన్న విషయాన్ని నిరూపిస్తూ.. బళ్లారి ఓబులాపురం మైనింగ్‌ యజమాని.. మాజీ మంత్రి గాలి జనార్ధనరెడ్డి ఎంత హవా నడిపారో అందరికి తెలిసిందే. ఆయన్ను టచ్‌ చేసేందుకు సైతం రాజ్యాంగ శక్తులు సైతం వెనక్కి తగ్గే పరిస్థితుల్లో.. ప్రజాస్వామ్య భారతంలో ఏదైనా సాధ్యమన్న విషయాన్ని గాలి జనార్ధనరెడ్డి ఉదంతం చాలామందికి తెలియజేసిందని చెప్పాలి. సీబీఐ పుణ్యమా అని ఒక్కసారి జైల్లోకి వెళ్లిన ఆయనకు.. చట్టం తన పని తాను చేస్తే పరిస్థితి ఎలా ఉంటుందన్న విషయం బాగానే అర్థమైందని చెప్పాలి. తనకు బెయిల్‌ ఇవ్వటానికి వందకోట్ల రూపాయిలు ఖర్చు పెట్టేందుకు సైతం వెనుకాడలేదు.

తదనంతరం ఆయన ప్రయత్నాల మీద ప్రయత్నాలు చేస్తూనే ఉన్నారు. చివరకు ఆయనకు బెయిల్‌ ఇస్తూ సుప్రీంకోర్టు నిర్ణయం తీసుకుంది. ఓబులాపురం మైనింగ్‌ కేసులో ఆయన దాదపుగా 2.5 ఏళ్ళు జైలు జీవితం గడిపి, ప్రస్తుతం, మన జగన్ లాగే, కండీషనల్ బెయిల్‌ పై బయట తిరుగుతున్నాడు. ఇంత జరిగినా గాలికి బుద్ధి రాలేదని విషయం అర్ధమవుతుంది. కేంద్రంలో తమ పార్టీ అధికారంలో ఉందని మదమో, లేక డబ్బు మదమో కాని, వ్యవస్థలకు మ్యానేజ్ చేస్తూ మరోసారి దొరికిపోయి, పోలీసులు పట్టుకుంటారని చెప్పి పారిపోయాడు గాలి. దీని వెనుక నిజాలు తెలిస్తే మైండ్ పోతుంది. బెంగళూరులోని అంబిడెంట్ కంపెనీ విదేశీ పెట్టుబడుల విషయంలో విచారణను ఎదుర్కొంటోంది.

ఈ నేపథ్యంలో గాలి వర్గీయులు కంపెనీ ప్రతినిధులతో భేటీ అయ్యారు. సమస్యను పరిష్కరించేందుకు డీల్ కుదుర్చుకున్నారు. ఇందులో భాగంగా కంపెనీ 57 కేజీల బంగారు కడ్డీలను రహస్యంగా అందించింది. దీంతో రంగంలోకి దిగిన గాలి జనార్దన రెడ్డి ఓ ఈడీ అధికారికి రూ.కోటి లంచం ఇచ్చారు. అయితే ఈ వ్యవహారంపై పక్కా సమాచారం అందుకున్న పోలీసులు రంగంలోకి దిగారు. ముందే తెలుసుకున్న గాలి అక్కడి నుంచి పరారయ్యారు. అయితే ఇది వరకు సిబిఐ వాళ్లకి లంచాలు ఇవ్వటం, ఏకంగా సుప్రీం కోర్ట్ జడ్జికి లంచాలు ఇవ్వటం లాంటి కేసుల్లో ఇరుక్కున్నా, ఇప్పటికీ బుద్ధి రాని గాలి, ఏకంగా ఈడీ అధికారులకి కోటి రూపాయలు ఇచ్చారు. కేంద్ర పెద్దల సహకారం లేనిదే, ఇలాంటివి జరిగే అవకాశాలు లేవు. కర్ణాటకలో కాంగ్రెస్ ప్రభుత్వం ఉంది కాబట్టి, గాలి వ్యవహారం బయట పడింది. లేకపోతే, ఇది కూడా సైలెంట్ గా జరిగిపోయేది.