news

ఎన్నికల ప్రచారంలో ఉన్న, కాంగ్రెస్‌ అధ్యక్షుడు రాహుల్ గాంధీ తృటిలో ప్రమాదం నుంచి తప్పించుకున్నారు. కాంగ్రెస్ కార్యకర్తల అత్యుత్సాహంతో, ఆయన పాల్గొన్న ఎన్నికల ర్యాలీలో గందరగోళానికి దారి తీసింది. మధ్యప్రదేశ్‌ రాష్ట్రంలో నవంబరు 28న జరగనున్న అసెంబ్లీ ఎన్నికల నేపథ్యంలో, ఆయన జబల్‌పూర్‌లో ఓ ర్యాలీలో పాల్గొన్నారు. ఆ సమయంలో కాంగ్రెస్‌ అధినేతకు హారతి ఇవ్వాలని కార్యకర్తలు పలు వరసల్లో ఉన్న హారతి పళ్లేన్ని తీసుకువచ్చారు. అయితే వారి పక్కన ఉన్న, మగిలిన కార్యకర్తల చేతిలో గ్యాస్‌ నింపిన బెలూన్లున్నాయి.

దాంతో హారతి ఇచ్చే సమయంలో దీపాలు ఒక్కసారిగా బెలూన్లకు అంటుకోవడంతో పెద్ద మంట చెలరేగింది. కాకపోతే అది వెంటనే ఆరిపోవడంతో ఎటువంటి ప్రమాదం లేకుండా అందరు ప్రాణాలతో బయటపడ్డారు. ఆ సమయంలో ఓపెన్ టాప్‌ జీప్‌లో రాహుల్‌తో పాటు, జ్యోతిరాదిత్య సింథియా, కమల్ నాథ్ కూడా ఉన్నారు. మంటలు వెంటనే ఆరినా కొందరు ప్రాణభయంతో పరుగులు తీశారు. అయితే ఈ విషయం పై విమర్శలు రావటంతో పోలీసులు స్పందించారు. కట్టుదిట్టమైన భద్రత ఏర్పాట్లు చేయలేదన్న విమర్శలను ఎస్పీ అమిత్ సింగ్ కొట్టిపారేశారు. ‘వారందరూ కాంగ్రెస్‌ కార్యకర్తలే. నిబంధనల ప్రకారం 15 మీటర్ల దూరాన్ని పాటించాం. ఎటువంటి లాఠీ ఛార్జి జరగలేదు’ అని ఆయన వెల్లడించారు.

రాహుల్ పర్యటనలో ఇలా భద్రతాలోపాలు అనేక మార్లు వెలుగులోకి వచ్చాయి. కర్ణాటక ఎన్నికల సమయంలో ఆయన ప్రయాణిస్తోన్న విమానంలో సాంకేతిక లోపాలు ఏర్పడ్డాయి. దాని పై ప్రభుత్వం విచారణకు ఆదేశించింది. అలాగే గత సంవత్సరం గుజరాత్ పర్యటనలో భాగంగా ఆయన మీద కొందరు రాళ్లు విసిరారు. దీని పై పార్లమెంటులో తీవ్ర దుమారం చెలరేగింది. దానికి కేంద్ర హోం మంత్రి రాజనాథ్ సింగ్ సమాధానమిస్తూ, రాహుల్ గాంధీ అనేక సార్లు భద్రతా ప్రొటోకాల్ సరిగా పాటించలేదన్నారు. రాహుల్ గత రెండు సంవత్సరాల్లో 121 పర్యటనలకు వెళ్లగా వాటిలో దాదాపు 100 పర్యటనలకు బుల్లెట్‌ ప్రూఫ్ వాడలేదని తెలిపారు.

తెలంగాణాలో ఎన్నికలు జరుగుతుంటే, పవన్ కళ్యాణ్ ఆంధ్రాలో చేస్తున్న పనులు అందరూ చూస్తున్నారు. అక్కడ ఏమి మాట్లాడకుండా, కనీసం ఒక క్లారిటీ కూడా ఇవ్వకుండా, పవన్ చేస్తున్న పనులు, తన అభిమానులకు కూడా విసుగు తెప్పిస్తున్నాయి. అసలు పోటీ చేస్తారా చెయ్యరా, లేకపోతే కెసిఆర్ కు పూర్తి మద్దతు ఇస్తారా ? ఎదో ఒకటి క్లారిటీ ఇవ్వండి అంటూ పవన్ అభిమానులు ఒత్తిడి తెస్తున్నారు. ఇప్పటికే తెలంగాణాలో ఉన్న కమ్యూనిస్ట్ పార్టీలు, పవన్ విషయంలో క్లారిటీ వచ్చి, దూరం అయిపోయారు. దీంతో పవన్ కళ్యాణ్, తన సొంత ఛానల్ కు ఇచ్చిన ఇంటర్వ్యూ లో ఈ విషయం పై క్లారిటీ ఇచ్చారు.

తెలంగాణాలో కనీసం 25 అసెంబ్లి స్థానాల్నుంచి పోటీ చెయ్యాలని అనుకున్నాని జనసేనాని పవన్‌కళ్యాణ్‌ స్పష్టం చేశారు. అయితే దీని పై ఇంతవరకు తుది నిర్ణయం తీసుకోలేదన్నారు. సమయాభావం వల్ల పూర్తి స్థాయిలో పోటీకి అవకాశాల్లేవ న్నారు. అలాగే మరే పార్టీకి మద్దతిచ్చే ఆలోచన కూడా తమకులేదని తేల్చిచెప్పారు. శనివారం విజయవాడలో ఆయన మీడియాతో మాట్లాడారు. ఆంధ్రప్రదేశ్‌లోని మొత్తం 175స్థానాల్లో తామే స్వయంగా బరిలో దిగుతామని పవన్‌ తెలిపారు. ప్రతి ఒక్క నియోజకవర్గం తమకు ముఖ్యమేనన్నారు.

పోటీ విషయంలో ఎవరికెలాంటి సందేహాలు అవసరంలేదన్నారు. మెజార్టీ స్థానాల్ని ఖచ్చితంగా కైవసం చేసుకుంటామని ధీమా వ్యక్తం చేశారు. తూర్పు పర్యటన అనంతరం ఉత్తరాంధ్రలో మరోసారి పర్యటన నిర్వహిస్తామన్నారు. అనంతరం రాయలసీమ జిల్లాల్లో పర్యటన ఉంటుందన్నారు. 15న కాటన్‌ బ్యారేజ్‌ మీదుగా కవాతు చేసుకుంటూ తూర్పులో ప్రవేశిస్తామన్నారు. ఈ కవాతు పట్ల జనంలో భారీ అంచనాలు ఉన్నాయన్నారు. ఎవరికివారు తరలొచ్చేందుకు స్వచ్ఛందంగా సిద్దమౌతున్నారన్నారు. రాష్ట్రంలో ఐటి దాడులపై పవన్‌ స్పందించారు. ఆదాయపన్ను అధికారులు దాడులు చేయడం కక్షసాధింపు ఎలా అవుతుందని ఆయన ప్రశ్నించారు. అయితే ఇదే సందర్భంలో, గతంలో తన పై ఐటి దాడులు జరిగాయని, చంద్రబాబు చేపించారని పవన్ చేసిన వ్యాఖ్యలు గుర్తు తెచ్చుకోవాలి.

నవ్యాంధ్ర ఐటి రంగంలో, రేపు కీలక పరిణామం చోటు చేసుకోనుంది. అక్టోబర్ 8 న గన్నవరం, కీసరపల్లి గ్రామంలో హెచ్సిఎల్ భూమి పూజ కార్యక్రమం జరగనుంది.మధ్యాహ్నం 3 గంటలకు హెచ్సిఎల్ గన్నవరం క్యాంపస్ కి మంత్రి నారా లోకేష్ శంకుస్థాపన చేయనున్నారు.ఈ కార్యక్రమంలో హెచ్సిఎల్ అధినేత శివ్ నాడార్ కుమార్తె హెచ్సిఎల్ కార్పొరేషన్ సిఈఓ రోషిని నాడార్ పాల్గొననున్నారు.స్థానిక ప్రజాప్రతినిధులు,మంత్రులు దేవినేని ఉమ,కొల్లు.రవీంద్ర తదితరులు పాల్గొననున్నారు. మే 12,2017 న మంత్రి నారా లోకేష్ హెచ్సిఎల్ అధినేత శివ్ నాడార్ ని ఢిల్లీ లోని హెచ్సిఎల్ కార్యాలయంలో కలిసారు.ఈజ్ అఫ్ డూయింగ్ బిజినెస్ లో ఏపీ నెంబర్ 1 అనడానికి ఈ భేటీ ఒక ఉదాహరణ గా నిలిచింది.హెచ్సిఎల్ తో ఒప్పందం చేసుకున్న 45 రోజుల్లోనే అన్ని అనుమతులు ఇచ్చి,భూమి కేటాయించి,ఆ భూమి పాత్రలను తీసుకోని నేరుగా హెచ్సిఎల్ కంపెనీకి వెళ్లి అధినేత శివ్ నాడార్ కి అందజేసారు మంత్రి నారా లోకేష్.

నలభై ఏళ్ల చరిత్ర... ప్రపంచ ఐటీ రంగంలో హెచ్సిఎల్ ఒక నమ్మకమైన కంపెనీ గా పేరుగాంచింది.40 ఏళ్ల సుదీర్ఘ ప్రస్థానంలో హెచ్సిఎల్ ఫార్చ్యూన్ 500 కంపెనీల్లో 250 కంపెనీలకు,గ్లోబల్ 2000 కంపెనీల్లో 650 కంపెనీలకు వివిధ ఐటీ సర్వీసెస్ అందించి అగ్రగామిగా ఎదిగింది.8 యూఎస్ బిలియన్ డాలర్ల రెవిన్యూ సాధించింది.41 దేశాల్లో కార్యకలాపాలు,ప్రపంచవ్యాప్తంగా 1 లాక్షా 24 వేల మంది ఉద్యోగులు హెచ్సిఎల్ కంపెనీలో పనిచేస్తున్నారు.ప్రపంచవ్యాపంగా ఐటీ రంగంలో పరిశోధన మరియు అభివృద్ధి,నూతన ఆవిష్కరణల పరిశోధన కేంద్రాలు,డెలివరీ కేంద్రాలు హెచ్సిఎల్ నిర్వహిస్తుంది.

నవ్యాంధ్రప్రదేశ్ లో హెచ్సిఎల్... ఆంధ్రప్రదేశ్ ఐటీ రంగంలో మొదటి భారీ పెట్టుబడి హెచ్సిఎల్ పెట్టబోతోంది.750 కోట్ల పెట్టుబడి,7500 మందికి ఉద్యోగాలు పది ఏళ్లలో కల్పించబోతుంది. రెండు దశల్లో హెచ్సిఎల్ అమరావతి లో కంపెనీ కార్యకలాపాలు విస్తరించనుంది.గన్నవరం లోని కీసరపల్లి గ్రామంలో 28 ఎకరాల విస్తీర్ణంలో మొదటి దశ పనులు ప్రారంభించబోతుంది.ఇక్కడ 400 కోట్ల పెట్టుబడితో పరిశోధన మరియు అభివృద్ధి కేంద్రాన్ని ప్రారంభించనుంది హెచ్సిఎల్.ఈ కేంద్రంలోనే 4000 మందికి హై ఎండ్ ఉద్యోగాలు రానున్నాయి.కేవలం ఒక్క సంవత్సరంలోనే మొదటి భవనం నిర్మాణం పూర్తి చేయనుంది హెచ్సిఎల్.మిగిలిన భవనాలను రానున్న ఏడేళ్లలో పూర్తి చేయనుంది.రెండొవ దశలో హెచ్సిఎల్ కంపెనీని అమరావతి నూతన రాజధాని ప్రాంతంలో ఏర్పాటు చేయనుంది.20 ఎకరాల్లో కంపెనీ ఏర్పాటు కానుంది.5 సంవత్సరాల కాల వ్యవధిలో 350 కోట్ల పెట్టుబడి,3500 మందికి ఉద్యోగాలు రెండొవ దశలో భాగంగా హెచ్సిఎల్ కల్పించనుంది.