news

గిల్లితే గెల్లించుకోవాలి.. అంతే కాని అరవకూడదు... ఇది ఆంధ్రప్రదేశ్ లో వైసీపీ ప్రభుత్వ తీరు. ఎవడైనా సరే ఈ వైసీపీ ప్రభుత్వం వల్ల బాధపడితే, బాధను భరిస్తూ ఇంట్లో కూర్చుని ఏడవాలి కానీ, ఏదో జరిగిపోయింది, నాకు న్యాయం చేయండి అని రోడ్డు ఎక్కితే, తొక్క తీస్తాం అనే వార్నింగ్ లు గతంలో ఎన్నో వచ్చాయి, ఎన్నో సంఘటనలు చూసాం, చివరకు ప్రాణం పోయిన సంఘటనలు కూడా చూసాం. ఇప్పుడు తాజాగా ఇలాంటి ఘటన మళ్ళీ మన కళ్ళ ముందుకు వచ్చింది. నాలుగు రోజులు క్రితం ఒంగోలులో జరిగిన సంఘటన రాష్ట్ర వ్యాప్తంగా సంచలనం అయిన విషయం తెలిసిందే. జగన్ కాన్వాయ్ లో కారు కావాలని, తిరుపతి వెళ్తున్న కుటుంబాన్ని రోడ్డు మీద వదిలేసి, కారు ఎత్తుకుపోయిన ఘటన చూసాం. అర్ధరాత్రి నడి రోడ్డు పైన, ఆడవాళ్ళని పెట్టుకుని బిక్కుబిక్కుమంటూ బ్రతికిన ఆ వ్యక్తి, తన ఆవేదన మీడియాతో చెప్పుకున్నారు. అక్కడ నుంచి వేరే కారు మాట్లాడుకుని, తిరుమల వెళ్లి, మొక్కులు తీర్చుకుని తిరిగి వచ్చారు. ఈ ఘటనతో వైసీపీ ప్రభుత్వం ఎలాంటిదో మరో సారి రుజువైంది. ప్రతిపక్షాలు, మీడియా ఈ విషయం పై గోల గోల చేయటంతో, ప్రభుత్వం రంగంలోకి దిగింది. ముఖ్యమంత్రి ఆగ్రహం కొంత మంది సిబ్బంది సస్పెన్షన్ అంటూ, రొటీన్ వార్తలు వచ్చాయి. అయితే విషయం ఇక్కడితో అయిపోలేదు.

తమ ప్రభుత్వాన్ని ఇబ్బంది పెట్టారనే కక్షతో, ఆ కుటుంబం పై వేధింపులు మొదలు పెట్టారు. తమని వదిలేయాలని ఆ కుటుంబం వేడుకునే పరిస్థితికి వచ్చింది. తమ కారు లాక్కుని, తమను రోడ్డున పడేసరనే బాధ చెప్పామే కానీ, తమకు ఎవరి పైన కోపం లేదని, తాము తిరుమల నుంచి తిరిగి వచ్చిన తరువాత, ఎస్పీ ఆఫీస్ నుంచి, ఆర్టీవో ఆఫీస్ నుంచి విచారణ పేరుతో వేధిస్తున్నారని, తాము అసలు ఎవరికీ ఫిర్యాదు చేయలేదని, తమ బాధలు ఏవో తామే పడుతున్నాం అని, అర్ధం చేసుకోవాలని బాధితుడు వాపోతున్నారు. బాధితుడి తల్లి కూడా మీడియా ముందుకు వచ్చి, రోదిస్తున్నారు. తమది చిన్న కుటుంబం అని, చిన్న వ్యాపారం మొదలు పెట్టుకున్నాం అని, తమను వదిలేయాలని, తమ పిల్లలు పడిన బాధను అర్ధం చేసుకోవాలని రోదిస్తూ, తామకు ఈ వేధింపులు ఏంటి అంటూ, ఆమె మీడియా ముందు బాధ పడుతున్నారు. జరిగిన అన్యాయాన్ని చెప్పటం కూడా తప్పేనా, ఎందుకు తమను ఇలా భయాందోళనకు గురి చేస్తున్నారు అంటూ, ఆమె వాపోయారు.

సీనియర్ ఐఏఏ ఏబీ వెంకటేశ్వరరావుని సస్పెండ్ చేస్తూ జగన్ మోహన్ రెడ్డి ప్రభుత్వం కక్ష తీర్చుకున్న విషయం తెలిసిందే. అయితే హైకోర్టుకు వెళ్ళిన సీనియర్ ఐఏఏ ఏబీ వెంకటేశ్వరరావు, అక్కడ కేసు గెలిచారు. దీంతో జగన్ మోహన్ రెడ్డి ప్రభుత్వం, హైకోర్ట్ తీర్పు పై అపీల్ చేస్తూ సుప్రీం కోర్టుకు వెళ్ళింది. ఈ కేసు చాలా రోజులుగా సుప్రీం కోర్టులో పెండింగ్ లో ఉంది. సుప్రీం కోర్టులో దాఖలు చేసిన ఈ పిటీషన్ పై ఈ రోజు విచారణ జరిగింది. అయితే ఈ కేసులో జరుగుతున్న విషయాల పై సుప్రీం ఆగ్రహం వ్యక్తం చేసింది. ఆయన పైన సస్పెన్షన్ ఎంత కాలం కొనసాగిస్తారు అంటూ, సుప్రీం ప్రభుత్వాన్ని ప్రశ్నించింది. రెండేళ్ళకు మించి సస్పెన్షన్ ఉండదు అనే నిబంధన రాష్ట్ర ప్రభుత్వం గమనించాలి కదా అని ప్రశ్నించింది. అయితే కేంద్ర ప్రభుత్వం నుంచి తగియా ఆదేశాల కోసం తాము చూస్తున్నాం అని రాష్ట్ర ప్రభుత్వం కోర్టుకు తెలిపింది. రెండేళ్ళ తరువాత, ఇప్పుడు కేంద్రాన్ని కోరటం ఏమిటి అంటూ సుప్రీం కోర్టు ఆగ్రహం వ్యక్తం చేసింది. రేపటి లోగా తమ ముందు పూర్తి వివరాలు ఉంచాలని సుప్రీం కోర్టు ధర్మాసనం ఆదేశాలు జారీ చేసింది. రెండేళ్ళ తరువాత కూడా ఎలా సస్పెన్షన్ కొనసాగిస్తున్నారో, తమకు ఆధారాలు చూపించాలని, రేపటికి ఈ కేసుని వాయిదా వేసింది.

తెలుగుదేశం పార్టీ అధినేత చంద్రబాబు నాయుడు, అధికార పక్షం పైనే కాదు, సొంత పార్టీలో పని చేయని నాయకుల పైన కూడా దూకుడు పెంచారు. పని చేసే వారికే గుర్తింపు ఉంటుందని, షో చేసే నాయకులకు పార్టీలో చోటు లేదని తేల్చి చెప్పారు చంద్రబాబు. సీనియర్ నేతలు అంటూ తప్పించుకుంటే కుదరదని చంద్రబాబు అన్నారు. క్షేత్రస్థాయిలో పని చేయకుండా, అంతా చేసేసినట్టు బిల్డ్ అప్ ఇచ్చే వారి తోకలు కత్తిరిస్తా అని చంద్రబాబు వార్నింగ్ ఇచ్చారు. కింద స్థాయిలో పని చేయకుండా, పార్టీ కార్లయం చుట్టూ కొంత మంది తిరుగుతున్నారని, అలా చేస్తే తన దగ్గర కుదరదని అన్నారు. సీనియారిటీ గౌరవిస్తాం అని, కానీ సీనియర్లు అని చెప్పుకుంటూ ఓట్లు వేయించలేని పరిస్థితిలో ఉంటే, అలంటి సీనియర్లు ఎందుకు అంటూ సంచలన వ్యాఖ్యలు చేసారు. ఇలా ఓట్లు వేయించలేని సీనియర్లను నెత్తిన పెట్టుకుంటే, వారి వల్ల ప్రతిపక్షంలోనే ఉండి పోతాం అని చంద్రబాబు అన్నారు. 40% సీట్లు ఈ సారి యువతకు ఇస్తాన్నాం అని, తతస్తులకు పార్టీలోకి ఆహ్వానిస్తున్నాం అని చంద్రబాబు అన్నారు. మొత్తానికి చంద్రబాబు ఇలా సీనియర్లకు బహిరంగంగా వార్నింగ్ ఇవ్వటంతో, సీనియర్ నేతలు ఉలిక్కి పడ్డారు.